Lituln 4:17 - Uwumbɔr aagbaŋ

¹⁷ Ti mu aa ban ke tibɔr ngbaan ki moon. Nima pu na, cha ti faan bijab ngbaan aan bi taa ki tuk binib Yesu aabɔr, ki taa ki pur waayimbil.”

UWONBƆR A GBƆNPƆŊ LIKƆƆNL

¹⁷ Amaa taah li ŋa man wee tibɔr nan laa mɔɔn ki foo bininfob biɛn ye nan le, ni che ti kpaan bi, wee bi laa ji yi Yisa a yinl ki tenn bininfobi.”

Lituln 4:17 Iomraidhean Croise

Jeremia 38:4

Le bininkpiib ngbaan buen ubɔr chee ki ti len ke, “Ni ŋeer ke ti ku uja umina. Waah bi len pu na ga cha bijab bi bi kitiŋ kee ponn ni na aataakpab yɔl, u bi ŋani unii umɔk gur kitiŋ kee ponn ni na tiwanbaan ngbaan la. Waa ban ke u ter binib ngbaan, u ban u tii bi tibɔr la.”

Amos 2:12

Le ni cha maatutum ngbaan nyu ndaan, ki bui maabɔnabtiib na ke bi taa nabr maabɔr.

Matiu 27:64

Nima pu na, cha bijab li kii waakaakul, ki ti saa iwiin itaa daal, waadidiliib taa dan nan kur u, ki bui binib ke u fikr nkun ni la. Bi yaa ŋa kina kan, kookoo aanyamɔn mue ga jer njan yoo.”

Matiu 9:30

Le binimbil likr. Le u sur bi mbamɔm ke bi taa tuk unii ubaa.

Jɔnn 15:21

Baa nyi Uwumbɔr u tun ni mi na. Nima le bi ga ŋa nimi falaa m pu.

Lituln 4:21

Baah len kina na, le bininkpiib ngbaan ki faan bi, le ki di bi lii. Kinipaak ngbaan pu le baa ŋmaa daa bitafal. Kinipaak ngbaan mɔmɔk nan bi nyuŋni Uwumbɔr, lijinjiir aatuln ngbaan pu.

Lituln 5:24

Uwumbɔr Aadichal aakikiirb aaninkpel, ni Uwumbɔr aatotoorninkpiib aah ŋun kina na, le ni muk bi pam. Baa ki nyi baah ga ŋa pu na.

Lituln 5:28

“Ti tuk nimi ke ni taa ki tuk binib Yesu aabɔr, ki taa ki pur waayimbil. Le ni beenin mooni waabɔr Jerusalem mɔmɔk ni, ki len ke waasin bi tiŋaal ni la.”

Efesusi 6:9

Dindatiib, ni mu li ŋani nimi aanaagbiib mbamɔm, ki taa faani bi, ki li nyi ke ni ni nimi aanaagbiib kpaan Dindaan baan le paacham. Uma aa pak ubaa ki jer uken.

1 Tesalonika 1:8

ba pu? ni nan chuun mooni Tidindaan aabɔr, ki tuk Masedonia ni Akaya aatim aanib. Naa ye nima yaab baanja, ntim mɔmɔk aanib ŋun ke ni gaa Uwumbɔr ki kii la. Nima pu na, taa ki ban ke ti tuk bi nimi aabɔr. Bi puun nyi.

1 Piita 2:23

Baah seei u na, waa giin sii bi. Waah jin falaa na, waa len ke u ga teen bi. U di ubaa ŋa Uwumbɔr u ji tibɔr mɔmɔk mbamɔm na aaŋaal ni la.