Lituln 3:21 - Uwumbɔr aagbaŋ

²¹ Uma Yesu le ga li bi Uwumbɔr do ki ti saa n‑yoonn mu Uwumbɔr ga toor tiwan mɔmɔk na. N‑yaayoonn na, Uwumbɔr aabɔnabtiib bi bi chain na nan len tibɔr timina.

UWONBƆR A GBƆNPƆŊ LIKƆƆNL

²¹ Yisa nmɔn la yin be Uwonbɔr a niin le, hali nin iyoo kaah na li foon, le Uwonbɔr n mann tiwann biɛn, ke waah nan che U kasi a linlem pag iyoo yan nan jon nin.

Lituln 3:21 Iomraidhean Croise

Aisaya 1:26

M ga tii nimi biyidam bi ga li sur nimi ke naah nan puen kpa pu na. N‑yoonn ngbaan le bi ga ki yin Jerusalem aanib ke binib bi ŋan ki dii mi Uwumbɔr baanja na.”

Tibɔnyaan ti Luk ŋmee ti na 1:70

U nan cha waabɔnabtiib chain len kina n‑yaayoonn na ki joo cha.

Lituln 1:11

ki baa bi, “Galilee aanib, ba pu ni si lik paacham kina? Yesu, u Uwumbɔr nyan u ni chee buen paacham na, u ga gir ni. Ni kan waah buen pu na. Kina, le u ga nan ki gir ni.”

Lituln 10:43

N‑yaayoonn na, Uwumbɔr aabɔnabtiib mɔmɔk nan len Yesu aabɔr, ke unii umɔk gaa u ki kii na, Uwumbɔr ga di cha pinn u, uma Yesu aayimbil pu.”

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Lituln 3:20

ki ki tun ni Yesu ni chee, aan ni ŋmar. Uma le ye Kristo, u Uwumbɔr nan puu tipuur ke u ga tii nimi na.

Rom Yaab 8:21

Uwumbɔr mu tii tiwan ni u naan ni na limakl ke ni ga ŋa tiwan ni kaan bur na, ki kan lifuur nyaan ke Uwumbɔr aabim aah kan pu na.

Hiibru Yaab 1:1

N‑yaayoonn na Uwumbɔr nan cha waabɔnabtiib tuk tiyaajatiib waabɔr ki di tiwan aabɔŋ aabɔŋ ŋaŋ waasan.

2 Piita 1:21

Naa ye bima bibaa aageehn pu le cha bi len. Bi nan len Uwumbɔr Aafuur Nyaan aah cha bi len pu na.

2 Piita 3:2

M ban ke ni li teer tibɔr ti Uwumbɔr aabɔnabnyaam nan len n‑yaayoonn na, ki li teer Tidindaan u gaa timi lii na aabɔr ti timi waakpambalb tuk nimi na.

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Tibɔkpiirkaan 22:6

Le Uwumbɔr aatuun ngbaan bui mi ke, “Tibɔr ngbaan ye mbamɔn ki ga sil ŋa. Tidindaan Uwumbɔr u di Waafuur Nyaan tii waabɔnabtiib na tun ni waatuun u nan mɔk waatutum tiwan ni ga ŋa mala na.”