Lituln 28:4 - Uwumbɔr aagbaŋ

⁴ Waah juu dab uŋaal ki jɔn na, le kitiŋ ngbaan ponn ni aanib kan, ki bui tɔb ke uja ngbaan ye unikur, le ki nyan ni nnyusakpem ni; Uwumbɔr mu aan cha u ŋmar.

UWONBƆR A GBƆNPƆŊ LIKƆƆNL

⁴ Ligungonl nmɔn a paab a ninfob kaah kan uwa-n kaah jɔn Pɔɔl a nɔɔ bu man nin, le bi bei tab ke, “Uja nan ye uninfokur le, nin waah le ŋmar limɔgil nan a poolin nan biɛn yɔli, bitakpiib kaa yin jiɛn un be u miɛfolin ni.”

Lituln 28:4 Iomraidhean Croise

Mpiin 3:1

Uwumbɔr aah nan naan ipeel imɔk na, uwaa le nan kpa nlan ki jer i mɔmɔk. Le u baa upii ngbaan ke, “Uwumbɔr sil bui ke ni taa ji kisaak ngbaan ni aasub bubaa aasubil aa?”

Ŋiyataŋak 28:17

Unii u ku uŋeen aatɔ na bi gbii ubaa aabuu la. Taa bui u ke u di cha.

Aisaya 26:21

Uwumbɔr ga nyan ni waakookoo yaan mu bi paacham na, ki nan daa kitiŋ kee pu aanib aatafal baatunwanbir pu. Binib bi, bi nan ku ki di bɔr kitiŋ kee pu na aabɔr ga nyan mpaan pu, kitiŋ kee aan ki bɔr binib bi bi ku bi na pu.

Aisaya 43:20

Hali tipeewanbir ga nyuŋ mi buyoonn m cha ŋimɔɔ puu nteer pu ke maanib bi m lee bi na kan nnyun ki nyu na, ikakal ni taataa tiib ga pak mi.

Sefania 2:15

kina le u ga ŋa kitiŋ ki kpa kigaak sakpen kibaa aapɔɔn pu, ki dak ke nibaa aan ŋmaa ŋa ki na. Kaanib dak ke baatiŋ le pɔɔ jer ntim mɔmɔk dulnyaa wee ni. Ki ga kpaln tilangbenn la, le ipeel ga li doo nima chee ki fuur. Unii umɔk jer nima chee na ga sur upuwɔb ijawaan pu.

Matiu 23:35

N‑yoonn mɔmɔk binib nan ku bininyaam la. Njan bi nan ku Abel u nan ye uninyaan na, le ki ku bininyaam ki joo cha, ki ti pii Barakia aabo Sakaria, u bi nan ku u Uwumbɔr aadiik ni na. Bininyaam ngbaan mɔmɔk aakun pu, le ntafadaan ga pii nimi.

Matiu 27:25

Le bi mɔmɔk bui u, “Cha waasin li bi timi, ni timi aabim aaŋaal ni.”

Tibɔnyaan ti Luk ŋmee ti na 13:2

Le Yesu baa bi, “Ni dak ke Galilee aatiŋ aanib ngbaan nan ye titunwanbirdam ki jer Galilee yaab biken aa? Nima le cha u ku bi ii?

Tibɔnyaan ti Luk ŋmee ti na 13:4

Tɔ, libimbifɔfɔŋ aah nan lir ki ku bijab kipiik ni biniin Siloam aatiŋ ni na, ni dak ke bi nan kpa taani ki jer Jerusalem aanib mɔmɔk aa?

Jɔnn 7:24

Ni taa bii unii, kaa nyi tibɔr ti bi usui ni na. Puen bee tiwan ni bi usui ni na, aan ki nin len waabɔr mbamɔm.”

Lituln 28:2

Le kitiŋ ngbaan aanib gaa timi ki ŋa timi tiŋann pam. Le utaal piin ki bi nu, le tiwoor bi. Le bi tuur mmii tii timi.

Lituln 28:3

Le Pɔɔl ti peei ni idɔ nan di ŋa mmii ni. Waah di i ŋa mmii ni na, le i toŋ. Le uwaa nyan i ni, ki juu dab uŋaal, ki jɔn.

Lituln 28:5

Tɔ, Pɔɔl nan gbɔk uŋaal, le uwaa na lir mmii ni. Naa ŋa u nibaa.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”