Lituln 28:15 - Uwumbɔr aagbaŋ

¹⁵ Yesu aanib bi nan bi Rom aatiŋ ni na nan ŋun ke ti choo. Le bi tooh ni timi nsan pu. Bibaa nan tooh ni timi Apius Aanyaŋ ponn ni, le bibaa mu tooh ni timi Tidir Daakaan Titaa na chee. Pɔɔl aah kan bi na, le u doon Uwumbɔr, ki kan lipobil.

UWONBƆR A GBƆNPƆŊ LIKƆƆNL

¹⁵ Nnabum man be niin nin nan gbir taah chaan na, le bi fii ki kenn ti Apiu a nyaŋin, le bi ba mu kenn ti ichanniin yan kpiɛ itaa ki mal Rom a tiŋin ni. Pɔɔl kaah kan bi n-yonn man ni, le ni sei u ngbananpɔɔn, le u poor Uwonbɔr.

Lituln 28:15 Iomraidhean Croise

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Nnyam 4:14

Moses aah nan len kina na, Uwumbɔr nan gee liŋuul u pu le ki bui u ke, “Aakpel Aaronn, u ye Liifai aanii na aa bi ii? M nyi ke uma ga ŋmaa len mbamɔm. Mbamɔn, u choo u nan to si nsan ni. U yaa nan kan si kan, u ga li kpa mpopiin.

Jɔnn 12:13

Le bi yoor tibɔkpafar ki ti tooh u nsan ni, le ki tar, “Hosiana, Uwumbɔr ŋa tinyoor ŋa unii u choo waayimbil ni na pu. Uwumbɔr ŋa tinyoor ŋa Israel yaab Aabɔrkpaan pu.”

Lituln 1:15

N‑yoonn ngbaan, le binib bi dii Yesu na nan kuun tɔb chee. Bi ga nan li fuu binib nkub ni moninko. Le Piita fii sil bikaasisik ni, ki bui bi,

Lituln 10:23

Le Piita bui bi ke bi koo ni, le ki chann bi tichann. Le bi doon udo. Naah woln kitaak na, le u gor ki dii bi. Le Yesu aanib bi nan bi Jɔpa aatiŋ ni na bibaa mu dii u.

Lituln 10:25

Waah koo ni na, le Konelius dan nan gbaan unimbiin ni, ki doon u.

Lituln 11:1

Yesu aakpambalb ni Judea aatiŋ aanib bi nan gaa Yesu ki kii na, nan ŋun ke binib bi kaa ye Juu yaab na mu gaa Uwumbɔr aabɔr.

Lituln 11:12

Le Uwumbɔr Aafuur Nyaan bui mi, ‘Dii bi, ki taa joo beeni.’ Le m dii bi. Le Yesu aanib biloob bimina mu dii mi, le ti buen Siisarea aatiŋ ni, ki ti fuu ki koo Konelius do.

Lituln 12:17

Le Piita yoor uŋaal ki nyii bi pu, ke bi ŋmin, le ki tuk bi Tidindaan aah ŋa pu ki nyan u kiyondiik ni na, ki bui bi ke bi tuk Jems ni Yesu aanib biken. Piita aah len kina na, le u siir buen nibaa chee.

Lituln 21:5

Iwiin ilole ngbaan aah jer na, le ni ŋeer ti gir koo buŋɔb na ni. Taah gir cha ti ti koo buŋɔb ni na, le bi mɔmɔk, ni bipuutiib, ni baabim cheen timi, ki nyan ni kitiŋ ngbaan ni. Le ti mɔmɔk gbaan nnyusakpem na aagbaan, ki mee Uwumbɔr,

Lituln 28:14

Ti nan kan Yesu aanib bibaa nima. Le bi gaŋ timi ke ti li bi bi chee ki ti saa iwiin ilole. Iwiin ilole ngbaan aah jer na, le ti chuun kitiŋ ki buen Rom aatiŋ ni.

Rom Yaab 15:24

M yaa cha Speenn aatiŋ ni kan, m ban ke m dii ni chee, ki nan mann nimi, ki yunn ni chee siib, aan ki li kpa mpopiin. Nima kan, ni ga ŋmaa ter mi m buen Speenn aatiŋ ni.

2 Korenti 2:14

Tɔ, cha ti doon Uwumbɔr mbamɔm. N‑yoonn mɔmɔk u cha ti nyaŋni kinimbɔŋ, Kristo aapɔɔn pu, ki cha ti buen ni kookoo, ki tuk binib waabɔr ke bi bee u. Waabɔr mɔ ke tulalee aah nu mɔ pu na.

Galantiya 4:14

Le ni ŋa mi tibulchinn, kaa lik mi fam, kaa yii mi ke m ye iween aanii. Ni nan gaa mi ke naah ba ga gaa Uwumbɔr aatuun, bee Yesu Kristo pu na.

1 Tesalonika 3:7

Tinaabitiib, ti bi limukl ni ki ji falaa la; le ti ŋun naah tii Yesu naadii pu na, nima le tisui sɔŋ.

Hiibru Yaab 13:3

Ni teer man binib bi bi kiyondiik ni na, ke nimi le aah bi ki ni na, ki teer man binib bi ji falaa na. Ba pu? ni mu bi tiwon tee ni la.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.