Lituln 28:11 - Uwumbɔr aagbaŋ

¹¹ Ti nan bi nima iŋmal itaa, le buŋɔb bubaa nan bi nima tiwoor ni libuln yoonn. Bu nyan ni kitiŋ kibaa ni, bi yin ki ke Aleksandria. Bi nan yin buŋɔb ngbaan ke “Bijaam.” Le ti koo bu ni, ki buen.

UWONBƆR A GBƆNPƆŊ LIKƆƆNL

¹¹ Ti nan be Malita iŋmal itaa le, ni bɔɔn bu le ti kɔɔ kuŋaluŋ kan nan be niin tiwar nin kufaag a yonn nin, kuŋaluŋ nmɔn nan nyan kitiŋ kan wee bi yi ki ke, Alɛgzandira nle, bi nan yi kuŋaluŋ nmɔn ke, “Tijaann a weem.” Ti nan kɔɔ kuŋaluŋ nmɔn le ki jon.

Lituln 28:11 Iomraidhean Croise

Aisaya 45:20

Uwumbɔr bui ke, “Kuun ni man tɔb chee, nimi ŋitimbol mɔk aanib; nimi bi ga ŋmar litimbiil ngbaan aalirm ni na; li joo ni man nibaa aan bi nan ji nimi tibɔr. Binib bi kuun ŋiwaa ŋi bi di isui kpii ŋi na, ki dooni ŋiwaa ŋi kaan ŋmaa gaa bi lii na, binib ngbaan aa nyi nibaa kpala.

Jona 1:16

Nima le nan cha biŋɔŋaab ngbaan san Uwumbɔr ijawaan ki toor kitork tii u, ki puu tipuur tii u.

Jona 1:5

Ijawaan nan chuu biŋɔŋaab ngbaan, le bi mɔmɔk wii ki yin baawaa ki ban nterm. Bi nan nyan ŋitun ŋi bi bu ponn ni na mae ŋa nnyun ni ke bu taa ki li nyuun. N‑yoonn mue na, Jona nan dɔ bu ponn ni ki dɔ geen.

Lituln 13:6

Le bi ki buen lidikl ngbaan aapepel liken wɔb, ki ti fuu kitiŋ kibaa ni, bi yin ki ke Pafos. Baah ti fuu nima na, le bi kan ubɔɔ ubaa, bi yin u ke Bariyesu. U nan ye Juu yaab aanii le ki ŋmann ke u ye Uwumbɔr aabɔnabr la.

Lituln 27:6

Taah ti fuu nima na, le butɔb aajab aaninkpel ngbaan kan buŋɔb bu nyan ni Aleksandria aatiŋ ni, ki ga buen Itali aatiŋ ni na. Le u cha ti mɔmɔk koo buŋɔb ngbaan ponn ni.

Lituln 28:10

Le bi tii timi ipiin pam. Taah nan ban ti buen na, bi nan ki tii timi, timi aasachuln aapiin.

Lituln 28:12

Ti nan ti fuu kitiŋ kibaa ni, bi yin ki ke Sirakus, ki nan bi nima iwiin itaa,

Lituln 6:9

Le Juu yaab bibaa fii ki kpak u. N‑yoonn mubaa, Juu yaab ngbaan nan ye binaagbiib, ki nan gaa bibaa. Bi nyan ni Sairene aatiŋ ni, ni Aleksandria aatiŋ ni, ni Silisia aatiŋ ni, ni Asia aatiŋ ni. Bijab ngbaan le kpak Stiifen kinikpakpak.

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.