Lituln 27:42 - Uwumbɔr aagbaŋ

⁴² Tɔ, butɔb aajab nan dak ke nibaakan binaagbiib na ga yuk lir nnyun ni, ki wo nyan, aan ki san ŋmar. Kina pu na, bi nan ban bi ku bi mɔmɔk.

UWONBƆR A GBƆNPƆŊ LIKƆƆNL

⁴² Le bitɔtogibin nan ban bin ku ban wee bi nan ta ŋa kuloondiigin nin biɛn, ke ni ba ke bi ni uba n nan wo nnyum do ki guun ŋmar.

Lituln 27:42 Iomraidhean Croise

Ilahn 74:20

Teer saah nan puu tipuur ti tii timi na bɔr. Mbimbin mu pɔɔ na bi kitiŋ kee pu ŋipepel mɔmɔk pu la.

Ŋiyataŋak 12:10

Uninyaan lik waawakor mbamɔm la, le bibiindam ma ŋani baawakor mbiin.

Ulandaan 9:3

Bi mɔmɔk aadoon ye mubaa la, le nimina mu aa ŋan ke tiwan ni mɔmɔk ŋani dulnyaa wee ni na aah kaa ŋan pu na. Unibɔn umɔk kpa limɔfal na kpa kiwaatiik ni ilandak i kaa ŋan na la, le nkun piir bi libuul ngbaan ni.

Lituln 12:19

Le Ubɔr Herod bui bi ke bi ban u. Le bi ban u, kaa kan u. Le Herod yin bikikiirb ngbaan, ki nan baa bi tibɔr ngbaan, le ki len ke baabɔr bii, ki ku bi. Tɔ, Herod nan nyan Judea aatiŋ ni, ki buen Siisarea aatiŋ ni, ki ti yunn nima siib.

Lituln 27:24

ki bui mi, ‘Pɔɔl, taa san ijawaan. Aa ga sil Ubɔrkpaan Siisa aanimbiin ni. Uwumbɔr ga cha binib bimɔk bi buŋɔb bue ponn ni na ŋmar, saanimbaak pu.’

Lituln 27:41

Litambol libaa nan dɔ nnyun ponn ni, le baa waa li, ki di dii lipaab. Le liŋɔyil chɔb lipaab, kaan ki ŋmaa chuun. Tinyunkpenn nan gbaa buŋɔb na le liŋɔjuul ti wii.

2 Korenti 11:26

M nan chuun ŋisachun n‑yoonn mɔmɔk, ki kani linimaln nnyun ni, le ki kani linimaln bififiirb chee, le ki kani linimaln maanib Juu yaab chee, le ki kani linimaln binib bi kaa ye Juu yaab na chee, le ki kani linimaln ntim ponn ni, ni kipɔɔk ni, ni nnyusakpem ni, le ki kani linimaln binib bi ŋmann ke bi ye Yesu Kristo aanib na chee.