Lituln 27:3 - Uwumbɔr aagbaŋ

³ Naah woln kitaak na, le ti fuu kitiŋ kibaa ni, bi yin ki ke Saidonn. Le butɔb aajab aaninkpel Julius gee Pɔɔl aabɔr, ki cha u buen ujɔtiib chee nima, u ti kan waah ban pu na.

UWONBƆR A GBƆNPƆŊ LIKƆƆNL

³ Le ni wonn kutaag, le ti foo Sidonn, le bitɔtogib a sanliiru Juliɛsi kaah ŋmag Pɔɔl nbamɔm man nin bu, le u jaa u nsan ke u li chaa u jɔtiib ban be niin nin ban wee bin ter u waah ban nan.

Lituln 27:3 Iomraidhean Croise

Mpiin 10:15

Kanaann aabim le ye Saidonn u ye upol na, ni Hef. Biyaabitiib nan di bima aayimbil le yin baanibol.

Mpiin 49:13

Sin Sebulunn, aa ga li bi nnyusakpem chee la. Le iŋɔi i bi nnyusakpem ni na ga li gee i dan aa chee ki nan peŋ. Le saanaan mɔk ga pii Saidonn aatiŋ ni.

Aisaya 23:12

Saidonn aatisakpeŋ, saamɔɔn doo a, le saanib bi limukl ni. Hali bi yaa san buen Saiprus aatiŋ ni kan, bi ga li beenin bi tibɔr ni.

Sekaria 9:2

Hamaf aatiŋ, ki bi Hadrak aatinaanmɔk na, mu ye uyaan la. Uma le yeh Taya ni Saidonn aatim, ni mu aanyim mɔmɔk.

Matiu 11:21

U nan len ke, “Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya aatiŋ ponn ni, ni Saidonn aatiŋ ponn ni ke maah tun ni ponn ni pu na kan, bi ba ga kpeln baabimbin ni yunn a, ki li pee tiwanpeenkaan ni saak kuub na, ki di nfatan puk biyil, aan ki mɔk ke bisui bii baatunwanbir pu.

Lituln 12:20

Herod nan gee liŋuul ki ŋa Taya aatiŋ aanib, ni Saidonn aatiŋ aanib pu. Le bi mɔmɔk kuun ki buen u chee. Bi nan puen buen uja ubaa chee la. Bi yin u ke Blastus, u ye Herod aatutum aaninkpel la. Le Taya aanib ni Saidonn aanib buen u chee bi ti jɔnn u kijɔtiik, le ki nin buen Ubɔr Herod chee, ki ti mee u ke u taa cha bi li kpa kijaak. Bi gaal baajikaar Ubɔr Herod aatiŋ ni la. Nima pu na, baa ban ke bi li kpa kijaak.

Lituln 24:23

U tuk butɔb aajab nkub aaninkpel ke u cha waajab li kii Pɔɔl, ki taa joo u mpɔɔn, ki cha ujɔtiib li ter u ki tii u waah ban pu na.

Lituln 27:1

Tɔ, bi nan len ke ti ga buen Ubɔrkpaan Siisa chee, Itali aatiŋ ni. Le bi di Pɔɔl ni binaagbiib biken tii butɔb aajab aaninkpel u bi yin u ke Julius na. Butɔb aajab ngbaan aayimbil nan ye ke “Ubɔrkpaan aajab.”

Lituln 27:43

Butɔb aajab aaninkpel aa nan ban ke bi ku Pɔɔl, nima pu le waa kii. U nan tuk bi ke binib bi ŋmaa wo nnyun na puen yuk lir nnyun ponn ni, ki wo buen nnyun aagbaan, ki ti nyan;

Lituln 28:16

Tɔ, ti nan ti fuu Rom aatiŋ ni. Taah fuu nima na, le bi cha Pɔɔl koo kidiik kibaa ni, le butɔb aaja ubaa si kii u.

Josua 19:28

ni Ebronn, ni Rehob, ni Hamonn, ni Kana aatim ni, le ki di ti pii kitikpaan Saidonn ni.