Lituln 27:20 - Uwumbɔr aagbaŋ

²⁰ Taah nan bi bu ponn ni na, ni nan yunn le taa ŋmaa kan nwiin, kaa waa ŋiŋmabil mu, ntaalangbam pu. Libuln mu nan beenin daar, ki pɔɔ. Taa nan ki dak ke ti ga ŋmar.

UWONBƆR A GBƆNPƆŊ LIKƆƆNL

²⁰ Taah nan be ntafaam nmɔn a poolin ki chaa, ni nan jin idaa takpem ke taa kan nween bee iŋmabili, ni che taa ji nan jɔɔ tama ke ti li ŋmari.

Lituln 27:20 Iomraidhean Croise

Ilahn 105:28

Baa nan yii waamɔb. Uwumbɔr nan cha mbɔmbɔɔn biin kitiŋ ngbaan pu,

Aisaya 57:10

Ni muk nibaa ki lik ban ŋiwaa ŋiken, kaan di cha. Ni dak ke nimi aawaabir ngbaan tii nimi mpɔɔn la, kina pu na, naa bakr kpala.

Jeremia 2:25

Israel yaab, naah bi san ban ŋiwaa pu na le cha nitaa deer, le nineen ni mu kuur. Le ni bui ke, ‘Aayii. Taan ki fenn tipuwɔb. Ti gee ŋiwaa aabɔr pam, le ki ga li san dii ŋi.’”

Esekiel 37:11

Uwumbɔr nan ki bui mi ke, “Unibɔn, Israel aanib bi ke ikpab imina na la. Bi len ke bi kuur la, ke baa ki kpa limakl libaa, kaa kpa fen u choo na.

Jona 1:4

Tɔ, Uwumbɔr nan cha libupɔɔl libaa dan nan lir nnyusakpem ngbaan pu, libuln ngbaan nan bir pam, le buŋɔb ngbaan nan ban bu wii ki muin.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Lituln 27:19

ki ki woln kitaak, le ti chuu nyan buŋɔb aawan mu ki di lii nnyun ni.

Lituln 27:21

Tɔ, baa nan ki ji tijikaar, ni ti yunn. Baah kaa ki ji tijikaar ni yunn na, le Pɔɔl fii sil binimbiin ni, ki bui bi, “Njɔtiib, ni yaa ba pel maah nan len pu na, ki yaa kaa ba nyan ni Krete aadikl ni kan, ni ba ga li ŋan. Timi aawan aa ba ga bii.

2 Korenti 11:25

Rom yaab nan gbaa mi ŋidabil nfum mutaa la. Binib nan mae mi ŋitakpal nfum mbaa la. Nfum mutaa le iŋɔi liin nnyusakpem ni ki cha mi. Kinyeek kibaa ni nwimɔn le m nan bi likpaln pu nnyusakpem ni.

Efesusi 2:12

N‑yoonn ngbaan, naa nan kpaan Kristo chee, kaa nan ye binib bi Uwumbɔr nyan bi na ponn ni bibaa, kaa nan bi tipuur ti Uwumbɔr nan puu tii bi na ni. Ni nan bi dulnyaa wee ni, kaa nan kpa limakl, kaa nan nyi Uwumbɔr.

1 Tesalonika 4:13

Tinaabitiib, ti ban ke ni bee binib bi kpo na aabɔr, aan ki taa li kpa mpombiin, ke binib bi kaa kpa limakl na aah kpa mpombiin pu na.