Lituln 27:19 - Uwumbɔr aagbaŋ

¹⁹ ki ki woln kitaak, le ti chuu nyan buŋɔb aawan mu ki di lii nnyun ni.

UWONBƆR A GBƆNPƆŊ LIKƆƆNL

¹⁹ Ni ween itaa daal le bi ji nyan kuŋaluŋ nmɔn a wan yɔɔr tan kpiɛg ki ji gab n nyumin.

Lituln 27:19 Iomraidhean Croise

Job Aagbaŋ 2:4

Le kinimbɔŋ gar u ke, “Unii ga ŋmaa di waawan mɔmɔk pa waamɔfal pu.

Ulandaan 3:6

U siin n‑yoonn mu aa ga di ban kan tiwan na, le ki siin n‑yoonn mu tiwan ga wɔŋ na, n‑yoonn mu aa ga li ban bilni na bi, le n‑yoonn mu aa ga li yoor mae na mu bi,

Jona 1:5

Ijawaan nan chuu biŋɔŋaab ngbaan, le bi mɔmɔk wii ki yin baawaa ki ban nterm. Bi nan nyan ŋitun ŋi bi bu ponn ni na mae ŋa nnyun ni ke bu taa ki li nyuun. N‑yoonn mue na, Jona nan dɔ bu ponn ni ki dɔ geen.

Lituln 27:18

Libuln nan beenin daar ki pɔɔ, le buŋɔb na yeŋni. Naah woln kitaak na, le bi chuu nyan ni ŋitun na ki di mee lii nnyun ni;

Lituln 27:20

Taah nan bi bu ponn ni na, ni nan yunn le taa ŋmaa kan nwiin, kaa waa ŋiŋmabil mu, ntaalangbam pu. Libuln mu nan beenin daar, ki pɔɔ. Taa nan ki dak ke ti ga ŋmar.