Lituln 26:29 - Uwumbɔr aagbaŋ

²⁹ Le Pɔɔl bui u, “M mee Uwumbɔr ke ni pɔɔye naa pɔɔye, aa ni binib bimɔk pel maah len pu dandana wee na, ŋa Kristo yaab ke min na. M mu aa ban ke bi buu nimi tikululn, ke min na.”

UWONBƆR A GBƆNPƆŊ LIKƆƆNL

²⁹ Le Pɔɔl jiin u ke, “Ni baga kaa be n-yonn wama bee takpemi, min miɛ Uwonbɔr le ni laa ye a binba amaa fin nin bininfob ban biɛn pelig n bɔr dinan nan li ŋa biwonjiɛm ke maah ye man nan, tikulor tan wee bi lolim nan a binba n choo nyan.”

Lituln 26:29 Iomraidhean Croise

2 Samuel 18:33

Mpombiin nan ti nyaŋ ubɔr, le u fii buen kitiŋ aabisamɔb aadiik na ni, ki ti wii. Waah cha na, le u wii ke, “Maabo, maabo Absalom. Absalom, maabo. Maabo, min le yaa ba tee kpo ki cha sin kan, ni ba soor. Maabo Absalom.”

2 Bibɔrb 5:3

Daalbaadaal le u bui waaninkpel ke, “Maaninkpel, aachal yaa ba buen Uwumbɔr aabɔnabr u koo Samaria aatiŋ ni na chee kan, ni ba ga li mɔ mi pam. U ba ga ŋmaa cha waaween ngbaan sɔŋ.”

Nnyam 16:3

le ki bui bi ke, “Uwumbɔr yaa ba ku timi Ijipt aatiŋ ni kan, ti ba ga li gee kina. Ti ba ga li kani tinann ni tijikaar timɔk ti gee na ki ji, le ni joo ni timi nteersakpiin mumina ponn ni ti nan kpo nkon.”

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 38:20

Le m bui u ke, “Baan di si tii bi. M gaŋ si ke aa kii Uwumbɔr aabɔr, ki cha kinyaan dan aa chee, le aa ŋmar.

Nkahm 11:29

Moses nan giin bui u ke, “Ba ŋa aa cha maanyuŋ aabɔr muk si? M ba ga li gee ke Uwumbɔr di Waafuur Nyaan tii waanib ngbaan mɔmɔk, aan ki cha bi mɔmɔk li len ke bibɔnabr na.”

Jɔnn 5:34

Naa ye ke m ban unibɔn aaseeraa la. M ban ke ni ŋmar, nima le cha m teer nimi Jɔnn aah len pu na.

Lituln 12:6

Kinyeek ngbaan yaa woln kan, Ubɔr Herod ga nyan Piita ki ji u tibɔr. Le Piita dɔ geen bikikiirb bilee aakaasisik ni. Bi nan di tikululn buu uŋaal mɔmɔk ilee, ki di tibaa gbin dar ukikiir wee, ki di tiken gbin dar uken. Le bikikiirb biken si kii mbisamɔb chee.

Lituln 21:33

Le upol ngbaan buen Pɔɔl chee, ki ti chuu u, ki tuk waajab ke bi di tikululn tilee buu u, le ki baa ke, “Ŋma ye uja wee? U ŋa kinye?”

Lituln 25:14

Baah bi nima iwiin ilee na, le Festus tuk u Pɔɔl aabɔr ke, “Uja ubaa bi do. Feliks nan buen le ki cha u beenin pii kiyondiik ni.

Rom Yaab 10:1

Nnaabitiib, m mee Uwumbɔr tii maanib Israel yaab ke bi ŋmar. M ban kina le nsui mɔmɔk.

1 Korenti 4:8

Ni dak ke ni puun kan tiwan bab a, ki ye bipɔɔndam, ki kpaln bibɔrb, ki cha timi a. Ni yaa ba sil ye bibɔrb aan ti mu li ye bibɔrb ni chee kan, ni ba ga li mɔ timi.

1 Korenti 7:7

Maageehn le ye ke ni mɔmɔk li bi ke maah bi pu na. Uwumbɔr mu tii unii mɔmɔk uma ubaa aapiin. Ti mɔmɔk aapiin aa kpaa. U tii ti mɔmɔk mbaabaa la.

2 Korenti 11:1

Tɔ, m yaa len kijɔrk aaliin siib kan, ni pɔɔn nibaa man ki li kpa limɔr m pu.

Efesusi 6:20

M si Yesu aasisiiyaan, ki bi kiyondiik ni, tibɔnyaan ngbaan pu la. Nima pu na, ni li mee Uwumbɔr ke u tii mi lipobil, ke m tuk binib tibɔnyaan ngbaan, maah ba ga tuk bi pu na.

Kolosiya 1:28

Kristo aabɔr ngbaan le ti mooni, ki sur binib mɔmɔk, ki tuk bi waabɔr, waah tii timi nlan pu na. Ti ban ke bi mɔmɔk li kpaan Kristo ni, ki li ye binib bi ŋan doo na. Ti ban ke ti di bi ki mɔk Uwumbɔr la.