Lituln 25:23 - Uwumbɔr aagbaŋ

²³ Naah woln kitaak na, le Ubɔr Agripa ni uninkpan Beniis dan ke bininyuum na. Le butɔb aajab aaninkpiib, ni kitiŋ ni aaninkpiib dii bi, ki nyuŋni bi. Le bi mɔmɔk koo kidisakpeŋ kibaa ni. Kidiik ngbaan ni, le bi ji binib tibɔr. Baah fuu ni na, le Festus tuk binib ke bi li joo ni Pɔɔl. Le bi joo ni u.

UWONBƆR A GBƆNPƆŊ LIKƆƆNL

²³ Le ni won kutaag, le ubɔr Agiripa nin Bɛnisi nan ji kunaachuŋ ki tan kɔɔ kulaguŋ a diigin le bitɔtob a ninkpeeb nin kitiŋ nmɔn a ninkpeeb nɔɔ u. Le Fetusi che bi ta Pɔɔl kɔɔn.

Lituln 25:23 Iomraidhean Croise

Esta 1:4

Njim ngbaan nan yunn ki ti saa iŋmal iloob, le u nan joo libɔrchiln ni aawangol, ni laanyaan, ni laapɔɔn mɔmɔk ki mɔk binib ngbaan.

Ulandaan 1:2

Ni mɔmɔk ye fam la, ni ye fam la. Limɔfal ye fam la, ni mɔmɔk ye fam la.

Aisaya 14:11

Bi nan joo tibar gaa ilahn ki nyuŋni si, le dandana ma aa gur bi ti chee kitekpiitiŋ ni do la. Aa gur dɔ ŋikpaambil aawandookaan pu la, le ŋi bii aawon mɔmɔk pu.’”

Aisaya 5:14

Kitekpiitiŋ ka waa bumɔb kii bi la, ki ga nab Jerusalem aaninyuum na, ni baanib, ni binib bi nyu ndaan ki kpa kifuuk na mɔmɔk.

Esekiel 30:18

M yaa nan bii Ijipt aapɔɔn mu bi nan mak mu pu sakpen na kan, mbɔmbɔɔn ga lir Tapanes aatiŋ pu. Ntaalangbam ga biin Ijipt aatiŋ pu, le bi ga chur kaatim mɔmɔk aanib tinaagbiir.

Esekiel 32:12

M ga cha ŋitimbol ŋi kaa san kinimbaak na aatɔb aajab fuur baajaak aajum ki ku saanib mɔmɔk. Saanib mɔmɔk ni tiwan ni mɔmɔk aa mak ni pu na ga kuln.

Esekiel 33:28

M ga cha kitiŋ ngbaan kpaln kitikuun ki kaa kpa nibaa na, le mpɔɔn mu bi nan mak mu pu sakpen na ga doo. Israel aajoo pu ga li bir sakpen, le ubaa aan dii ŋi chee ki jer.

Esekiel 7:24

M ga cha ŋitimbol ŋi tun titunwanbir sakpen na dan do ki nan gaa nimi aadichal. M yaa cha ŋitimbol ngbaan bii naah dooni nimi aawaa ŋi na kan, nimi aajab bi pɔɔ sakpen na aawon ga yɔl.

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Tibɔnyaan ti Mak ŋmee ti na 6:21

Le Ubɔr Herod aamaal aawiin daal nan fuu. Le u ŋa tijikaar pam, ki yin bininyuum, ni waajab aaninkpiib, ni Galilee aatiŋ aaninkpiib ke bi dan nan ji.

Lituln 12:21

Le Herod siin nwiin mundaln bi ga kuun tɔb na. Liyaadaal le u di waabɔrkekeln peen, ki kal waabɔrjal pu, le ki len bi chee tibɔr.

Lituln 25:13

Naah ŋa iwiin ilee na, le Ubɔr Agripa ni uninkpan Beniis dii ni, ki dan Siisarea aatiŋ ni, bi nan doon Ubɔr Festus.

Lituln 26:30

Le Ubɔr Agripa, ni Ubɔr Festus, ni Beniis, ni binib bi ka bi chee na, fii nyan lipaal.

Lituln 9:15

Le Tidindaan bui u, “Li cha u chee. M nyan u la, u ti li joo maabɔr tuk bibɔrb, ni Juu yaab, ni binib bi kaa ye Juu yaab na, ki cha bi bee mbɔr.

1 Korenti 7:31

Binib bi kpa dulnyaa ni aawan ki joo tun baatuln na, bi taa cha binimbil li man ni pu; ba pu? dulnyaa wee, ni waawan bi jer la.

Jemisi 1:11

Nwiin yaa puu ki toŋ kan, le timoor ga yɔl, le mmopuun gbaar, kaa ki kpa kinyaan. Kina le biwankpadam mu ga kpo, ki cha baawan mɔmɔk.

1 Piita 1:24

Ni ŋmee Uwumbɔr Aagbaŋ ni ke, “Binib mɔmɔk bi ke timoor na la. Baanyaan bi ke mmopuun na la. Timoor yɔl mala, le mmopuun mu gbaar,

1 Jɔnn 2:16

Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.