Lituln 25:16 - Uwumbɔr aagbaŋ

¹⁶ Le m tuk bi ke timi Rom yaab aa ŋani kina. Binib yaa galn unii kan, ti cha bi kuun ni tɔb la, aan u ti ŋun baah galn u pu na, ki cha u mu len waabamɔn aah bi pu na. Taan daa unii aatafal see ti puen jin u tibɔr kina.

UWONBƆR A GBƆNPƆŊ LIKƆƆNL

¹⁶ Le n bei bi ke, “Tim Rom yaab a kaal kaa chee man ni, ni ye bi pag ki galin uninfo uba ke, ti che bi lagin tab le ki gbir baah pag ki galin u nan bu, ki che u mu n len u bamɔn kaah ye man.

Lituln 25:16 Iomraidhean Croise

Mpiin 39:19

Le Josef aaninkpel ngbaan aaŋuul fii,

Ŋiyataŋak 18:13

Pel waahr ki nin gar tibɔr. Aa yaa kaa ŋa kina kan, aa ye ujɔr, ki ga kan inimɔɔn la.

Ŋiyataŋak 18:17

Unii u puen len tibɔr libɔjil ni na aabɔr bi le ke taah ŋan le na, tɔ, u ni unii u kpa tibɔr na yaa piin ki bi baa u mbaan kan, njirm fuur ni la.

Tibɔnyaan ti Luk ŋmee ti na 12:11

“Bi yaa chuu nimi, ki di ŋa mmeen aadir ni, bee ntim aaninkpiib aanimbiin ni, bi ti ji nimi tibɔr kan, ni taa baa nisui ni ke ni ga len kinye aan ki nyan nibaa tibɔr ni.

Jɔnn 7:51

“Timi aakaal aah dii pu na, ti ga ŋmaa bii unii kaa puen jin u tibɔr ki bee waah tun pu na aa?”

Lituln 23:30

Le unii ubaa tuk mi ke Juu yaab kpokl ke bi ti ku u. Maah ŋun kina na, libuul ngbaan ni le m di u tun ni aa chee, ki tuk binib bi galn u na, ke bi mu dan aa chee ki nan tuk si waah ŋa pu na.”

Lituln 23:35

le u bui u, “Binib bi galn si na yaa fuu ni kan, m ga ji si tibɔr,” le ki tuk waatɔb aajab ke bi di Pɔɔl ŋa lidichal li Ubɔr Herod nan maa li na ni, ki cha bi li kii u.

Lituln 26:1

Tɔ, Ubɔr Agripa nan bui Pɔɔl, “Aa ga ŋmaa tuk timi saabɔr aah ye pu na.” Le Pɔɔl yoor uŋaal ki doon u, ki bui ke,

Ikaal 17:4

Ni yaa ŋun kina aabɔr kan, ni pɔɔn nibaa ki lik tibɔr ngbaan ponn ni mbamɔm. Ni yaa ye mbamɔn ke titunwanbir ngbaan sil bi Israel aatiŋ ni kan,