Lituln 24:26 - Uwumbɔr aagbaŋ

²⁶ Le Feliks dak ke nibaakan Pɔɔl ga tii u ŋimombil, aan u piir u lii. Nima pu na, n‑yoonn mɔmɔk kan, u ti yin ni u ki nan len u chee tibɔr.

UWONBƆR A GBƆNPƆŊ LIKƆƆNL

²⁶ Fɛlisi nan ban Pɔɔl n kɔɔ u bu nin ilig le, ni ma bu le u nan gbaa yi u ki pag nin u.

Lituln 24:26 Iomraidhean Croise

2 Bibɔrb Aabɔr 19:7

Li san Uwumbɔr man, ki li nyi naah tun pu na, ba pu? Ni yaa kaa tii binib baabamɔn, bee ni yaa kpa imaagann, bee ni yaa gaal igaŋgaŋlik kan, Tidindaan Uwumbɔr aa gee kina.”

Job Aagbaŋ 15:34

Binib bi kaa nyi Uwumbɔr na aan li kpa yaabitiib, le mmii ga wun baah di igaŋgaŋlik maa ŋidichal ŋi na.

Nnyam 23:8

Ni taa li gaal igaŋgaŋlik, ni yaa ŋani binib kina kan, ni ga cha ni taa ki li nyi ibamɔn, ki bii binib bi kaa kpa taani na.

Ŋiyataŋak 17:23

Bibɔjirb bi kpa beebee na looni gaal igaŋgaŋlik la, kina pu na, mbamɔn aan ŋmaa ŋa.

Ŋiyataŋak 17:8

Binib bibaa dak ke igaŋgaŋlik tun ke nnyɔk na la; bi kpa gaakii ke i ga ŋmaa ŋa tiwan mɔmɔk tii bi.

Ŋiyataŋak 19:6

Unii mɔmɔk ban bininyuum aajɔtiik la; unii mɔmɔk jɔnni binib bi tii baaterm na la.

Ŋiyataŋak 29:4

Ubɔrkpaan u aatafal bi ibamɔn ni na aatiŋ kpa mpɔɔn, le ubɔr u aatafal bi ŋimombil ni na aatiŋ ga kuln.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 33:15

Ni yaa len ki ŋani ni ŋan na kan, ni ga ŋmar. Taa di man nimi aapɔɔn di ji bigiim, ki taa gaa igaŋgaŋlik. Ni taa kpaani binib bi kpokl ke bi ku unii, bee binib bi tun titunwanbir na chee.

Aisaya 56:11

Bi naahn ibɔ i kaa ji babr na la. Bi ye bisalolm bi kaa kpa nlan na. Bi mɔmɔk ŋani baah gee pu na la, le ki ban bibaa aanyaan.

Esekiel 22:27

Kitiŋ aaninkpiib naahn takɔ tiib la, le ki dar par baah ku tinann ti na. Bi ku binib le ke bi kan ŋimombil.

Esekiel 33:31

Kina pu na, maanib kuuni ke bi nan ŋun saah kpa pu aa len na, kaa tee ŋani saah tuk bi ke bi ŋa pu na. Ngeehm aabɔlen le bi bimɔi ni, le bi tee beenin dii baakumɔŋ aasan.

Hosea 4:18

Bi yaa ti nyun ndaan bab kan, le bi fii lir kidagook pu, le ki neen inimɔɔn n‑yoonn ngbaan ki jer kipak.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

Matiu 17:3

Le bi kan n‑yaayoonn na aabɔnabtiib Moses ni Elaija bi len u chee tibɔr.

Lituln 24:17

“Ŋibin ŋibaa le maa nan bi Jerusalem. M nan ki buen nima m ti tii maanib bi ye bigiim na ŋimombil, ki toor kitork tii Uwumbɔr.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

2 Piita 2:3

Bi ga li kpa iniman ki ga ŋmann nimi, ke bi ji nimi. Ni yunn le Uwumbɔr nan puun len ke baabɔr bii. Naan yunn le u ga daa bitafal.

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”

1 Samuel 8:3

Bi mu aa nan tee dii bite aasan. Baalandak nan ye le ke bi kan ŋimombil, kina pu na, bi nan gaal igaŋgaŋlik, kaa nan ji tibɔr mbamɔm.