Lituln 24:25 - Uwumbɔr aagbaŋ

²⁵ ki ŋa bininyaam, ki li chur bibaa, ki taa tun titunwanbir na; ba pu? Uwumbɔr ga ji binib mɔmɔk tibɔr. Pɔɔl aah len kina na, le ijawaan chuu Feliks. Le u bui Pɔɔl, “Ni ŋeer aa di cha kina. M yaa kan nfaawom kan, m ga yin si.”

UWONBƆR A GBƆNPƆŊ LIKƆƆNL

²⁵ Pɔɔl kaah nan pag ki wɔɔn nbuchin binben nin ba a ŋmagim nin tibɔr a jidaal a yonn kaah yin foon man nin, le bijawaam choo Fɛlisi, le u ke, “Ni li kpaan man daandaan nan! Li chaau. Amaa ni ye n kan isaŋ ke n ji li yiŋ.”

Lituln 24:25 Iomraidhean Croise

2 Samuel 23:3

Israel yaab Aawumbɔr le len ke, “Ubɔr u joo ibamɔn joo waanib, ki joo bi Uwumbɔr aah mɔk pu na

1 Bibɔrb 21:27

Elaija aah nan len doo na, le Ahab daa kar kar waawanpeenkaan, ki chuu peer ni, le ki di tiwan ni saak kuub na peen, ki yii tijikaar, ki doo tiwanpeenkaan ngbaan ni, le usui bii, le u chuun lik gbilngbiln.

2 Bibɔrb 22:19

le ki kpeln saabimbin ki sunn aabaa taab nnimbiin ni, ki daa kar saawanpeenkaan ki wii buyoonn aa ŋun maah nyan sil ke m daa Jerusalem ni kaanib aatafal pu na. M ga cha nima chee kpaln ijawaan sakpiin aabuul ni, le binib ga li joo nima aayimbil puuni lir biken pu. Tɔ, m ŋun saameel,

Esra 10:3

Taah ban pu dandana wee na le ye ke ti ga puu tipuukpaan tii timi Aawumbɔr, ke ti ga di bipiib ngbaan ni baabim lii. Ti ga ŋa aa ni binib bi nyuŋni Uwumbɔr aakaal na aah sur timi ke ti ŋa pu na. Ti ga ŋa Uwumbɔr aakaal aah len pu na.

Esra 10:9

Joo cha ni iwiin itaa daal ngbaan, ŋmawae aawiin moninko daal na, bijab bi mɔmɔk koo Juda ni Benjaminn aapepel ni na nan kuun ni Jerusalem ni, Uwumbɔr Aadichal aapaan ni. Utaal nan bi nu sakpen, ki kpee nkuun ngbaan aanyunyuun pu na, unii mɔk nan si jii la.

Job Aagbaŋ 29:14

M tun dii nsan le ki si chob.

Ilahn 11:7

Uwumbɔr ŋani ni ŋan na, le ki gee lituln li ŋan na; le binib bi kpa mbimbinyaan na ga li bi unimbiin ni.

Ilahn 119:120

M san sin le ijawaan; saakaal pu le ijawaan joo mi.

Ilahn 45:7

aa gee lituln li ŋan na, le ki nan titunwanbir. Kina pu le Uwumbɔr u ye Saawumbɔr na lee si ki tii si mpopiin ki jer bibɔrb biken.

Ilahn 99:1

Uwumbɔr le ye ubɔr, le binib aawon gbaa. U ka waabɔrjal pu, tiwan ni kpa ifeen na aapaacham, le kitiŋ jii.

Ŋiyataŋak 16:12

Bibɔrb aa gee titunwanbir, ba pu? ibamɔn pu le nnaan mɔmɔk kpa mpɔɔn.

Ulandaan 11:9

Binib bi laa diin na, li ji tinachipɔnn ni tisapɔnn man. Li kpa mpopiin buyoonn ni laa pɔɔ na. Li ŋani naah ban ni ŋa pu na, ki li ŋani nisui aageehn, ki tee li teer ke Uwumbɔr ga ji nimi tibɔr nimi aatuln mɔmɔk pu la.

Ulandaan 12:14

Uwumbɔr ga ji timi tibɔr, timi aatun mɔmɔk pu. U ga ji timi tibɔr, timi aatunyaan, ni ŋi kaa ŋan na, ni taah tun ŋi libɔɔl ni na pu.

Ulandaan 5:8

Aa yaa kan ke biyidam muk bigiim, kaa tii bi baabamɔn, ni tiwan ni ŋan na kan, taa cha ni ŋa si iwaan. Uninkpel mɔmɔk aah bi unii u aataab na le kiir u. Le unii u jer bimɔk bilee na kii bi.

Aisaya 1:18

Le Uwumbɔr ki len ke, “Dandana wee, cha ti toor tibɔr ngbaan man. Nimi aatunwanbir man ni pu ke nsin na, le m ga ŋmaa finn nimi ni nya chain ke nkokoyon na. Nimi aatunwanbir yaa po man ni pu sakpen pu na, m ga finn nimi, ni piir chain.

Aisaya 1:21

Kitiŋ ki nan bi chain kaa kpa tijɔŋ tibaa na le gur tun ke upiidagoor na. N‑yoonn mubaa bininyaam ŋmeen le nan gbii ki ni, le dandana ma binikurb le gur bi ki ni.

Aisaya 16:5

Le Ubɔrkpaan David aayaabil ubaa ji nnaan, le ki ga li joo binib ngbaan mbamɔm, ni ngeehm ni. Tiwan ni ye ibamɔn na, u ga ŋa ni mala kaan li taani, ki kan ke ibamɔn le ga li tun lituln.

Aisaya 32:11

Ni po bi nibaa pu la, kaa kpa ilandak ibaa; dandana ma kan, cha niwon li gbaa ijawaan pu. Gbabr nimi aakeken mee man, ki ban tiwankpir di gbin nichaŋ ni.

Aisaya 41:21

Uwumbɔr u ye Israel yaab aabɔrkpaan na kpa tibɔr timina u len: “Nimi ŋitimbol ngbaan aawaa, li joo ni man nimi aabɔr. Li joo ni man nimi aanikpakpak ki ni dak ke ki ŋan na.

Aisaya 55:6

Fenn toŋ Uwumbɔr ki mee u man, n‑yoonn mu u laa duun nimi na.

Aisaya 61:8

Uwumbɔr bui ke, “M gee ibamɔn le kaa gee limukl ni titunwanbir. Maah ye mbamɔndaan na, m ga pa maanib, le ki puu tipuur ti kaan doo na tii bi.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Jeremia 22:3

“Min Uwumbɔr bui ke ni li ŋani tiwan ni ŋan ki ye ibamɔn na. Ni sil unii u uken bi ji u na aapuwɔb. Taa ŋa biwɔwɔm, ni nkpobim, ni bikpopiib mbiin; ki taa ku binib bi kaa tun taani ubaa na do chee na.

Jeremia 23:29

Maabɔr naan mmii la, ki bi ke ligagaar li wiil ŋitakpal yuk yuk na la.

Jeremia 36:16

Waah karn ki ti doo na, le bi fenn lik tɔb, le ijawaan bi binimbil ni, le bi bui Baruk ke, “See ti tuk ubɔr tibɔr tee,”

Esekiel 45:9

Tidindaan Uwumbɔr len ke, “Nimi Israel aatiŋ aajojoob, ni tun titunwanbir ni yunn sakpen. Di cha nimi aabimbipɔɔl ni limukl man. Li ŋani tiwan ni ŋan ki tok na man. Ni taa ki jenn nyan maanib baatiŋ pu daalbaadaal. Min Nidindaan Uwumbɔr le bi tuk nimi kina.

Daniel 12:2

Bi puen kpo na pam le ga fikr nkun ni: bibaa ga kan limɔfal li kaa kpa ndoon na, le bibaa mu ji inimɔɔn i kaa kpa ndoon na.

Daniel 4:27

Kina pu na, mpɔɔndaan, li dii maasurm. Di cha titunwanbir aatuln, ŋa tiwan ni ŋan na, ki san bigiim kinimbaak. Le saawangol ga moo kpee.”

Daniel 5:30

Liyaadaal ngbaan aanyeek le bi ku Belsasar, u ye Babiloŋ aabɔr na;

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Hosea 10:4

Bi len tibɔr ti kaa gbii na, ki puur tipuur kaa gbiini ti, ki ŋani inyamɔn aamɔbaan. Ibamɔn le kpaln inyamɔn, le ki moo kpae ke timoor ti kaa ŋan ki bi baah kon nkpaakon mu na ponn ni pu na.

Hosea 7:5

Ubɔr aajim daal, le bi cha ubɔr ni waaninkpiib nyu ndaan gbii le ki jɔr.

Amos 5:24

Naah ga ŋa pu ki piir nsui na sɔ: Cha ibamɔn ni mbimbinyaan li wiir ke limɔɔl aanyun aah wiir kaa door pu na.

Amos 6:12

Itaan san ŋitakpasakpiin pu uu? Bijab joo inaaja ko nima aa? Le nimi tee di ibamɔn kpaln njinn, ki di mbamɔn kpaln inyamɔn.

Habakuk 3:16

M ŋun timina mɔmɔk pu le mpobil gbaa, le mmɔgban jii ijawaan pu, le nwon mɔmɔk kpo, le ntaa jii. Le m tee ga mɔr ki li kii nwiin mundaal Uwumbɔr ga daa binib bi tak timi na aatafal na.

Hagai 1:2

Uwumbɔr Mpɔɔnsakpiindaan nan bui Hagai ke, “Binib bee bui ke n‑yoonn mumina aa ye n‑yoonn mu ŋan ke ti ki gir di maa Uwumbɔr Aadichal na.”

Matiu 22:5

Le baa gar waatutum. Bi nan beenin tun baatuln; ubaa nan buen kisaak, uken mu buen u ti tiir kitiir.

Jɔnn 16:8

U yaa fuu ni kan, u ga mɔk dulnyaa ni aanib ke bi ye titunwanbirdam, ki ga mɔk bi ke m ye uninyaan la, ki ga mɔk bi ke Uwumbɔr ga ji bi tibɔr.

Lituln 10:42

U tuk timi ke ti buen ŋipepel mɔmɔk, ki ti tuk binib waabɔr, ki ji seeraa ke Uwumbɔr nyan u, u ti ji binifuub ni bitekpiib tibɔr.

Lituln 17:13

Le Juu yaab bi bi Tesalonika aatiŋ ni na ŋun ke Pɔɔl bi Berea aatiŋ ni ki bi tuk binib Uwumbɔr aabɔr. Le bi mu buen nima ki ti cha kinipaak na ŋma tijar Pɔɔl pu.

Lituln 17:2

Le Pɔɔl ti koo mmeen aadiik ngbaan ni, waah ti ŋani pu ŋikpaakoo mɔmɔk na. U nan di ŋikpaakoo ŋitaa le tuk bi Uwumbɔr Aagbaŋ aah len pu na aatataa,

Lituln 17:32

Binib ngbaan aah ŋun Pɔɔl len ke Uwumbɔr fikr unii nkun ni na, le bibaa ŋani u mbɔnyun. Le bibaa mu len ke bi ban bi ki ŋun tibɔr ngbaan.

Lituln 2:37

Kinipaak ngbaan aah ŋun Piita aah len pu na, le ni muk bi sakpen. Le bi baa Piita ni Yesu aakpambalb biken na, “Tinaabitiib, ti ga ŋa kinye?”

Lituln 24:15

M kpa limakl ke Uwumbɔr ga fikr binib bi ŋan na, ni bi kaa ŋan na mɔmɔk nkun ni. Juu yaab mu kpa limakl kina la.

Lituln 24:26

Le Feliks dak ke nibaakan Pɔɔl ga tii u ŋimombil, aan u piir u lii. Nima pu na, n‑yoonn mɔmɔk kan, u ti yin ni u ki nan len u chee tibɔr.

Lituln 26:28

Le Agripa baa Pɔɔl, “Aa dak ke naa pɔɔ m ŋa Kristo yoo la aa?”

Lituln 9:6

Fii sil, ki li cha kitiŋ ngbaan ni. Aa yaa ti fuu kan, bi ga tuk si saah ga ŋa pu na.”

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

Rom Yaab 14:12

Nima pu na, ti mɔmɔk ga tuk Uwumbɔr taah ŋa pu na.

Rom Yaab 2:16

Ni ga li bi kina le bundaln Uwumbɔr ga cha Yesu Kristo ji binib tibɔr, ki baa bi tibɔbɔrkaan ti bi bisui ni na aabɔr. Maah tuk binib tibɔnyaan ti na le mɔk kina.

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.

2 Korenti 6:2

Uma Uwumbɔr le len ke, “Naah ŋeer pu na, le m pel saameen. Bundaln ni ŋeer ke m gaa si lii na, le m ter si.” Li pel man, din le ni ŋeer. Din le ye n‑yoonn mu u ga gaa si lii na.

Galantiya 3:22

Tɔ, Uwumbɔr Aagbaŋ len ke dulnyaa ni aanib mɔmɔk ye titunwanbirdam la, ke Uwumbɔr aah nan puu tipuur ti na, u ga ŋa tinyoor ŋa binib bi gaa Yesu Kristo ki kii na pu. Binib bi gaa u ki kii na, bima le u ŋa tinyoor ŋa bi pu.

Galantiya 5:23

ki bi suuna, ki chur bibaa. Nkaal aa bi ki ga kpak binib bi ŋani kina na.

2 Timoti 4:1

Yesu Kristo ga gir ni ki nan ji nnaan, ki ji binifuub ni bitekpiib tibɔr; m sur si uma ni Uwumbɔr aanimbiin ni la,

Taitus 1:8

Ni ŋan ke u li ye unii u channi bicham tichann na, ki li gee lituln li ŋan na, ki li kpa laasaab, ni mbimbinyaan, ki li bi chain, ki li chur ubaa,

Hiibru Yaab 12:21

Baah kan tiwan ni na nan kpa ijawaan pam. Moses mu nan len ke ijawaan joo u sakpen, le uwon gbaa.

Hiibru Yaab 3:13

Ni li pɔɔk tɔb aataakpab iwiin mɔmɔk, nsan aah laa bi pu buyoonn na, titunwanbir taa ŋmann unii ubaa aan utafal li pɔɔ.

Hiibru Yaab 4:1

Tɔ, Uwumbɔr aah puu tipuur ke u ga tii timi lifuur na, nsan laa beenin bi ke ti kan li. Nima na, ni li nyi man, ubaa taa lann lifuur ngbaan.

Hiibru Yaab 6:2

Naa ki ban ke ti li beenin tuk nimi n‑yoonn mɔmɔk baah muini binib nnyun ni pu na, ni baah joo biŋaal paani binib pu pu na aabɔr, ni binib aah ga fikr nkun ni pu na aabɔr, ni ntafadaan mu kaa kpa ndoon na aabɔr. Timina mɔmɔk ye njan aabɔr le waasan ni.

Hiibru Yaab 9:27

Uwumbɔr siin ke binib ga kpo nfum mubaa la, nee aapuwɔb le u ga ji bi tibɔr.

Jemisi 2:19

Aa pak ke Uwumbɔr baan le bi. Nima le ŋan. Kinimbɔŋ mu pak kina, le ki san ijawaan pam.

1 Piita 3:15

Ni li pak Kristo nisui ni, ki di u ŋa Nidindaan. Ni li gor n‑yoonn mɔmɔk, unii yaa nan baa nimi kan, ni ga ŋmaa tuk u naah kpa limakl pu na. Ni tuk u suuna, ki pak Uwumbɔr.

2 Piita 1:6

ki chuu nibaa ki di kpee nlan pu; ki li kpa limɔr ki di kpee chuumbaa pu; ki li san Uwumbɔr ki di kpee limɔr pu;

1 Jɔnn 3:10

Unii umɔk kaa ŋani ni ŋan na aa ye Uwumbɔr aabo. Unii umɔk kaa gee una aabo na, u mu aa ye Uwumbɔr aabo. Nima le cha ni beer binib bi ye Uwumbɔr aabim na, ni binib bi ye kinimbɔŋ aabim na.

1 Jɔnn 3:7

Maabim, taa cha unii ubaa ŋmann nimi. Unii umɔk ŋani ni ŋan na, udaan ye unibamɔnn ke Yesu aah ye unibamɔnn pu na la.

1 Samuel 12:7

Tɔ, li si man naah si nin chee na, aan m galn nimi Uwumbɔr aanimbiin ni, ki teer nimi waah tun ŋitun sakpiin ŋi ki gaa nimi ni niyaajatiib lii na pu.