Lituln 22:14 - Uwumbɔr aagbaŋ

¹⁴ Le u bui mi, ‘Tiyaajatiib Aawumbɔr nyan si, ke aa bee waageehn, ki kan Waabonyaan, ki ŋun waaneel len aa chee.

UWONBƆR A GBƆNPƆŊ LIKƆƆNL

¹⁴ “Le u len ke, ‘Uwonbɔr wan ye ti yaajam a Weemin pii ganiŋ le, ke a biɛ u bam, ki kan U ninfo Buchiu, ki ji gbir u mu a mɔnn.

Lituln 22:14 Iomraidhean Croise

2 Bibɔrb 21:22

U nan yii uyaajatiib Aadindaan Uwumbɔr, le ki yii waakaal mu.

1 Bibɔrb Aabɔr 12:17

David nan tooh bi nsan ni le ki ti bui ke, “Ni yaa ye jɔtiib le ki choo ni nan ter mi kan, dan man. Nan kpee ti pu man. Tɔ, maah kaa ŋa nimi nibaa na, ni yaa choo ke ni nan ti di mi kooh maadim pu kan, tiyaajatiib Aawumbɔr ga bee ki ga daa nitafal.”

1 Bibɔrb Aabɔr 29:18

Uwumbɔr, tiyaajatiib Abraham, ni Aisak, ni Jakob Aawumbɔr, cha kina aageehm ni lineen li bi saanib aasui ni, ki cha bi li ŋani saageehn n‑yoonn mɔmɔk.

2 Bibɔrb Aabɔr 28:25

Juda aatikpaam ni muwaatiir mɔmɔk ni, u nan maa tiwaadir, le bi seer nnyɔknii tii ŋiwaa nima chee. U nan ŋa kina le ki cha uyaajatiib Aadindaan Uwumbɔr aaŋuul fii u pu.

2 Bibɔrb Aabɔr 30:19

“Uwumbɔr, tiyaajatiib Aadindaan, saaŋann pu, di cha pinn binib bi mɔmɔk joo bisui mɔmɔk dooni si na, hali bibaa aah kaa toor bibaa chain na pu na, di cha pinn bi.”

Esra 7:27

Le Esra bui ke, “Pak Uwumbɔr, u ye tiyaajatiib Aadindaan na man. U cha ubɔrkpaan kpa mpopiin ke u nyuŋ uma Uwumbɔr Aadichal li bi Jerusalem ni na kina.

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Jeremia 1:5

“M nan nyan si waahr le ki nin tii si limɔfal, le waahr aan bi nin ma si na, m nan lee si ke aa li ye maabɔnabr tii ŋitimbol.”

Daniel 2:23

M pak ki nyuŋni si, n‑yaajatiib Aawumbɔr. Sin le tii mi nlan ni mpɔɔn; aa kii maameel, ki mɔk timi taah ga ti bui ubɔr pu na.”

Jɔnn 15:16

Nimi le aa nyan mi. Min le nyan nimi, ki siin ke ni li ŋani tinyoor ti ga li bi n‑yoonn mu kaa kpa ndoon na, ke ni yaa mee Nte Uwumbɔr tiwan maayimbil pu kan, u ga tii nimi.

Lituln 13:17

Timi Israel yaab Aawumbɔr nan nyan tiyaajatiib. Bi nan ye bicham le Ijipt aatiŋ ni. Baah bi nima na, le Uwumbɔr ter bi, ki cha bi pɔr. Le Uwumbɔr nyan bi Ijipt aatiŋ ni, ki mɔk Ijipt aatiŋ aanib waapɔɔn sakpiin.

Lituln 22:15

Aa ga li ye waaseeraadaan, ki tuk binib mɔmɔk saah kan pu na, ni saah ŋun pu na.

Lituln 22:18

le m kan lijinjiir aawan; m kan Tidindaan, ki ŋun u bui mi ke, ‘Fiin, ki nya Jerusalem ni mala. Aa yaa tuk do chee na aanib maabɔr kan, bi ga yii, kaan gaa ti.’

Lituln 24:14

M kii ke ti gbii ke maah dooni tiyaajatiib Aawumbɔr pu na, m dii Yesu aasan la. Juu yaab len ke nsan ngbaan aa ye mbamɔn. M kii Moses aakaal mɔmɔk mu, ki kii tii Uwumbɔr aabɔnabtiib aah nan ŋmee pu na mɔmɔk.

Lituln 26:16

Fii sil. M dan aa chee, ke m lee si aan aa tun maatuln, ki ji seeraa, ki tuk binib saah kan mi pu na, ki tuk bi maah ga mɔk si n‑yoonn mu choo na pu na.

Lituln 5:30

Nimi le kpaa Yesu ndɔpuinkoo pu, ki ku u. Le tiyaajatiib Aawumbɔr fikr u nkun ni,

Lituln 7:52

Niyaajatiib nan muk Uwumbɔr aabɔnabtiib mɔmɔk, le ki ku binib bi tuk bi ke Uwumbɔr Aatutunyaan ga dan na. U fuu ni, le ni kooh u, ki ku u.

Lituln 9:15

Le Tidindaan bui u, “Li cha u chee. M nyan u la, u ti li joo maabɔr tuk bibɔrb, ni Juu yaab, ni binib bi kaa ye Juu yaab na, ki cha bi bee mbɔr.

Lituln 9:17

Le Ananias fii ki buen Judas do, ki ti koo Sɔɔl chee, ki di uŋaal paan u pu, le ki bui u, “Nna aabo Sɔɔl, Tidindaan le tun ni mi aa chee. Yesu u di ubaa mɔk si, saah bi nsan ponn ni ki choo na, uma le tun ni mi, ke m cha aa ki likr, ki gbiin Uwumbɔr Aafuur Nyaan.”

Rom Yaab 1:1

Min Pɔɔl le ŋmee kigbaŋ kee. M ye Yesu Kristo aatutunn la. Uwumbɔr nan yin mi ke m li ye Yesu aakpambal, ki nyan mi ke m moon waabɔnyaan tee.

1 Korenti 11:23

Tidindaan le nan tuk mi, le m mu tuk nimi kina, ke kinyeek ki Judas nan kooh u na, kinyeek ngbaan le Tidindaan Yesu nan yoor boroboro

1 Korenti 15:3

Maah nan gaa tibɔnyaan ngbaan na, tima le m nan di tuk ni mu. Ti ye tibɔkpaan ki jer tibɔr mɔmɔk. Tibɔnyaan ngbaan le ye ke Kristo nan kpo timi aatunwanbir pu. Ni ŋmee kina Uwumbɔr Aagbaŋ ni.

1 Korenti 15:8

Gbelngbeln yaan le m mu kan u. Min u bi ke baah ker ubo u lii na, m mu kan u.

1 Korenti 9:1

Tɔ, maa ye Yesu aakpambal aa? Maa yeh mbaa aa? Maa kan Tidindaan Yesu uu? Naah gaa Yesu ki kii na, maatuln le na Tidindaan pu.

2 Korenti 5:21

Kristo aa nan tun titunwanbir tibaa. Timi aatunwanbir pu, le Uwumbɔr nan daa utafal. Timi bimɔk kpaan Kristo chee na, Uwumbɔr len ke timi aabɔr ŋan.

Galantiya 1:12

Maa nan gaa ti binib chee. Unii ubaa aa di ti tuk mi. Yesu Kristo ubaa le kpiir ti tuk mi.

Galantiya 1:15

Uwumbɔr aanimbaasaln pu, le u lee mi buyoonn baa nan kee ma mi na, le ki yin mi ke m dii u.

2 Timoti 1:1

Min Pɔɔl ye Yesu Kristo aakpambal Uwumbɔr aageehn pu, ke m ti tuk binib ke Uwumbɔr puu tipuur ke binib bi kpaan Yesu Kristo ni na ga kan limɔfal.

Taitus 1:1

Min Pɔɔl, m ye Uwumbɔr aatutunn, ki ye Yesu Kristo aakpambal, ke m ter Uwumbɔr aah nyan binib bi na ke bi gaa u ki kii, ki bee waabɔr ti gbii na. Waabɔr ngbaan ter bi, ke bi li bi waah ban pu na.

1 Piita 2:22

Waa nan ŋa titunwanbir aatuln libaa, ki mu aa nan mɔn nnyamɔn mubaa.

1 Jɔnn 2:1

Maabim, maa ban ke ni tun titunwanbir. Nima le cha m ŋmee tibɔr tee tii nimi. Unii mu yaa tun titunwanbir kan, ti kpa uchandatuln Tite Uwumbɔr chee. Uchandatuln ngbaan ye Yesu Kristo la, uma le ye mbamɔndaan.