Lituln 21:9 - Uwumbɔr aagbaŋ

⁹ Ubisatiib nan ye binaa, kaa kpa chatiib. Le Uwumbɔr Aafuur Nyaan cha bi nabr Uwumbɔr aah len pu na.

UWONBƆR A GBƆNPƆŊ LIKƆƆNL

⁹ U nan jɔɔ nbisiɛm mina le ke maa la kun bijabi, le bi pag ilinlen leen.

Lituln 21:9 Iomraidhean Croise

2 Bibɔrb 22:14

Ubɔr aamɔboln ngbaan pu le Hilkia, ni Ahikam, ni Akbor, ni Safann, ni Asaya nan buen upii u bi yin u ke Hulda na chee bi ti baa lik. Upii ngbaan nan ye Uwumbɔr aabɔnabr le ki koo baah laa maa Jerusalem ponn ni ŋidichapɔɔn lipepel li na ni. Uchal le nan ye Tikfa aajapɔɔn Salum. Salum aayaaja le nan ye Harhas. Uchal ngbaan le nan ye Uwumbɔr Aadichal ni aawanpeenkaan aaninkpel. Bi nan ŋeer tuk upii ngbaan tiwan ni ŋa na,

Nehemia 6:14

Le m mee Uwumbɔr ke, “Uwumbɔr, teer Tobia ni Sanbalat aah tun pu na ki daa bitafal. Teer upii u bi yin u ke Noadia na, ni bibɔnabr bi mɔmɔk pɔɔn bibaa ke bi faan mi na, ki daa bi mu aatafal.”

Nnyam 15:20

Uwumbɔr aabɔnabpii Miriam, u ye Aaronn aaninkpan na nan yoor waachayakrtuun, le bipiib mɔmɔk mu yoor baachayakrtuun ki dii u ki waa liwaal,

Esekiel 13:17

Uwumbɔr nan ki bui ke, “Unibɔn, lik bipiib bi ŋmal saanib ni ki naani bibaa aabɔr ki joo nabr na. Len tibɔbir lii bi pu,

Joel 2:28

“N‑yoonn mu choo na, m ga di Maafuur Nyaan di ŋa maanib mɔmɔk pu: nijapɔtiib ni nibisatiib ga nabr min Uwumbɔr aah len pu na; nimi aaninkpiib ga daŋ tidaŋ, le nimi aanachipɔm ga kan lijinjiir aawan.

Tibɔnyaan ti Luk ŋmee ti na 2:36

Le upininkpel ubaa, u ye Uwumbɔr aabɔnabpii, aan bi yin u ke Ana na, mu nan bi. U nan ye Fanuel aabisal, ki ye Aser aanibol ponn ni aanii ubaa la. U nan por sakpen a. U nan bi uchal chee ŋibin ŋilole, le uchal kpo cha u, le u ye ukpopii.

Lituln 13:1

Yesu aanib bibaa nan bi Antiok aatiŋ ni. Bi ponn ni bibaa nan ye Uwumbɔr aabɔnabtiib, bibaa mu nan ye Yesu aabɔr aamɔmɔkb. Bi yin ubaa ke Banabas, ki yin uken ke Simeonn, ki ki yin u ke Unibɔmbɔn, ki yin uken ke Lusius, u nan ye Sairene aatiŋ aanii na, ki yin uken ke Manaenn u Ubɔr Herod aate nan kpiin u na, ki yin uken ke Sɔɔl.

Lituln 2:17

‘N‑yoonn mu choo na, m ga di Maafuur Nyaan ŋa binib mɔmɔk pu. Nijapɔtiib ni nibisatiib ga nabr min Uwumbɔr aah len pu na. Nimi aanachipɔm ga kan lijinjiir aawan. Nimi aaninkpiib ga daŋ tidaŋ.

1 Korenti 7:38

Nima pu na, uja u kunn ubisal uchal do na, u ŋa ni ŋan na la. Uja u mu kaa kunn ubisal uchal do na, u ŋa ni ŋan na ki jer uja u kunn ubisal uchal do na.

Tibɔkpiirkaan 2:20

Tɔ, m mu galn nimi; ba pu? ni ŋmin ki lik Jesebel, upii u len ke u ye Uwumbɔr aabɔnabpii kaa ye na. U ŋmanni maatutum, ki tuk bi ke bi yaa gɔr kidagook ki ŋman libaawol aanann kan, naa bir.

Bibɔjirb 4:4

Tɔ, Lapidof aapuu Debora nan ye Uwumbɔr aabɔnabpii la, le n‑yoonn mue na, uma le nan ye Israel yaab aabɔjil.