Lituln 21:30 - Uwumbɔr aagbaŋ

³⁰ Le kitiŋ ngbaan aanib mɔmɔk ŋma tijar, ki san kuuni tɔb chee, ki chuu Pɔɔl ki dar nyan ni u Uwumbɔr Aadichal ni. Libuul ngbaan ni le Uwumbɔr Aadichal aakikiirb piin jaaleŋ mam.

UWONBƆR A GBƆNPƆŊ LIKƆƆNL

³⁰ Le kitiŋin yaab biɛn a ŋuui nan fii, le bininfobin biɛn guun ki nyan ilog biɛn. Ki nan leg Pɔɔl, ki choo u, ki dar u nyan iwonjiɛn niin n-yaan. Libol nmɔn le bi loon iwonjiɛn niin ni a timansanmɔɔŋi.

Lituln 21:30 Iomraidhean Croise

2 Bibɔrb 11:15

Jehoyada aa nan ban ke bi ku Atalia, Uwumbɔr Aadichal chee, kina pu le u bui butɔb aajab aaninkpiib ngbaan ke: “Di u bɔ dii bikikiib aakaasisik ni, ki ku unii umɔk ban ke u gaa u lii na.”

Matiu 2:3

Ubɔr Herod, ni Jerusalem aatiŋ aanib mɔmɔk aah ŋun tibɔr ngbaan na, le ti muk bi.

Matiu 21:10

Yesu aah fuu Jerusalem ni na, le kitiŋ ngbaan aanib mɔmɔk fii ki bi baa tɔb, “Ŋma ye umina?”

Tibɔnyaan ti Luk ŋmee ti na 4:29

le ki fii, ki chuu nyan u kitiŋ ngbaan ni, ki di u buen baatiŋ aah bi lijool li paab na, bi ti di u lii lijool ngbaan aataab.

Lituln 19:29

Le kitiŋ ngbaan aanib mɔmɔk kpa kifuuk ki ŋma tijar, le ki chuu Pɔɔl aajɔtiib bilee, Gayus ni Aristakus, ki di san mala buen binib aah kuuni nin chee na, mpaan sakpiin ni. Gayus ni Aristakus nan ye Masedonia aatiŋ aanib bilee bi dii Pɔɔl waasachuln ponn ni na la.

Lituln 26:21

Nima pu le Juu yaab chuu mi Uwumbɔr Aadichal ni, ki ban bi ku mi.

2 Korenti 11:26

M nan chuun ŋisachun n‑yoonn mɔmɔk, ki kani linimaln nnyun ni, le ki kani linimaln bififiirb chee, le ki kani linimaln maanib Juu yaab chee, le ki kani linimaln binib bi kaa ye Juu yaab na chee, le ki kani linimaln ntim ponn ni, ni kipɔɔk ni, ni nnyusakpem ni, le ki kani linimaln binib bi ŋmann ke bi ye Yesu Kristo aanib na chee.