Lituln 2:5 - Uwumbɔr aagbaŋ

⁵ N‑yoonn ngbaan le Juu yaab nan bi Jerusalem ni. Bi nan ye binib bi pak Uwumbɔr na, ki nyan ni ŋinibol mɔmɔk ponn ni dulnyaa wee ponn ni.

UWONBƆR A GBƆNPƆŊ LIKƆƆNL

⁵ Juu yaab ban nan san Uwonbɔr nan be Jerusalam iyaayoo nmɔn, bi nan nyann dulinya nan a timin biɛn le.

Lituln 2:5 Iomraidhean Croise

Nnyam 23:16

“Ni yaa ti chee tijikaapɔnn kan, ni ŋa Tijikaapɔnn aajim. “Ni yaa ti ker nimi aadaan aasubil, ni ŋisubil ŋiken, nimi aasar ni kan, ni ŋa Tikakar Aajim n‑yoonn ngbaan.

Aisaya 66:18

M nyi baalandak ni baatun. M choo m nan kuun litimbol mɔmɔk aanib la. Bi yaa kuun ni kan, bi ga kan maapɔɔn aah ga ŋmaa tun pu na,

Sekaria 8:18

Uwumbɔr Mpɔɔnsakpiindaan le nan ki di tibɔr timina tuk min Sekaria:

Matiu 24:14

Bi ga moon Uwumbɔr aanaan aabɔnyaan tee itingbaan kookoo ni waahr, aan ŋinibol mɔmɔk ŋun, le dulnyaa ga nin doo.”

Tibɔnyaan ti Luk ŋmee ti na 17:24

Bundaln min Unibɔn Aabo ga nan gir ni na, ni ga li bi ke utaal aah moor ki wolni paacham mɔmɔk pu na, aan binib mɔmɔk ga li waa pu na la.

Tibɔnyaan ti Luk ŋmee ti na 2:25

Uja ubaa nan bi Jerusalem aatiŋ ni. Bi nan yin u ke Simeonn. U nan ye uninyaan la, ki dii Uwumbɔr aakaal mɔmɔk mbamɔm, ki lik bundaln Uwumbɔr ga nyan Israel yaab baafalaa ni na. Uwumbɔr Aafuur Nyaan nan bi u chee,

Tibɔnyaan ti Luk ŋmee ti na 24:18

Le bi ponn ni ubaa, bi nan yin u ke Kleopas, baa u, “Bicham bi bi Jerusalem ponn ni na, si baanja le aa nyi tibɔr ti ŋa nima chee dandana na aa?”

Jɔnn 12:20

Binib bi dan Jerusalem bi nan ji njim ngbaan ki doon Uwumbɔr na, bi ponn ni bibaa nan ye Griik yaab.

Lituln 10:2

Konelius nan ye uninyaan la. U ni waachiln ni aanib mɔmɔk pak Uwumbɔr. U nan ŋani Juu yaab aagiim tiŋann sakpen, ki mee Uwumbɔr idaa mɔmɔk la.

Lituln 10:7

Le Uwumbɔr aatuun ngbaan ki gir buen. Waah buen na, le Konelius yin waatutum ponn ni bilee, ni butɔb aaja u ye uninyaan ki bi u chee idaa mɔmɔk ki tun lituln tii u na.

Lituln 13:50

Le bipiib bi kpa mpɔɔn ki pak Uwumbɔr na bi kitiŋ ngbaan ponn ni. Kitiŋ ngbaan aaninkpiib mu nan bi. Le Juu yaab ŋa, ki cha bi ŋma tijar Pɔɔl ni Banabas pu, ki ŋa bi falaa, ki nyan bi baatiŋ ni.

Lituln 2:1

Juu yaab aawinyaan mubaa nan saa. Bi yin mu ke Pentekost daal. Le binib bi dii Yesu na mɔmɔk bi kidiik kibaa ni.

Lituln 22:12

“Uja ubaa nan bi nima, bi nan yin u ke Ananias. U dii Uwumbɔr aasan mbamɔm, ki kii timi aakaal. Juu yaab bimɔk bi nima na pak u.

Lituln 8:2

Le bijab bi san Uwumbɔr na sub Stiifen ki wii mpɔpɔɔn pu.

Lituln 8:27

Le Filip fii ki cha. Uja ubaa nan ka itaan aah dar tɔroku sakpiin u na ponn ni, nsan ni. U nan ye Itiopia aatiŋ aanii la, ki mu ye unii u bi lee nyan ŋikookpimbil na, ki mu ye uninyuun la. Uma le nan lik Itiopia aatiŋ aamombil mɔmɔk, ki kpa mpɔɔn sakpen, ki tun lituln tii Itiopia aabɔrpii, u bi yin u ke Kandake na. Uja ngbaan nan dan Jerusalem u nan doon Uwumbɔr, ki labr cha, ki laa beenin bi nsan ni. Filip aah kan u na, u nan bi waatɔroku sakpiin ponn ni, ki karni kigbaŋ ki Uwumbɔr aabɔnabr Aisaya nan ŋmee ki na.

Ikaal 2:25

Din wee ki joo cha, m ga cha ŋipepel mɔmɔk aanib san nimi ijawaan. Unii umɔk ŋun nimi aayimbil bɔr na kan, ijawaan ga chuu u, le uwon gbaa.’

Kolosiya 1:23

Ni ŋan ke ni li dii u mbamɔm, ki taa di cha waasan, ki taa cha nibaa leŋ nimi. Naah ŋun tibɔnyaan tee na, tibɔr ngbaan tii nimi limakl la. Ni taa di cha limakl ngbaan. Bi moon tibɔnyaan tee, ki tuk binib bimɔk bi dulnyaa wee ni na la. Min Pɔɔl mu ŋa unii u mooni ti na la.