Lituln 2:46 - Uwumbɔr aagbaŋ

^46-47 Idaa mɔmɔk bi nan kuuni Uwumbɔr Aadichal ni, ki kpaani bido ki ji tijikaar, ki pak Uwumbɔr, ki kpa mpopiin, ni tibulchinn. Le binib mɔmɔk pak bi. Tidindaan nan joo binib bi ŋmar na kpae waanib pu idaa mɔmɔk la.

UWONBƆR A GBƆNPƆŊ LIKƆƆNL

⁴⁶ Lidaal biɛn bi lagin iwonjiɛn niin a loob le ki jiɛn Uwonbɔr, ki lagin tab bi niin ki ji tijiir, ki jɔɔ nmɔn nin ibamɔn nin tab,

Lituln 2:46 Iomraidhean Croise

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Ilahn 86:11

Uwumbɔr, mɔk mi saah ban ke m tun pu na, le m ga kii saamɔb mbamɔm; mɔk mi saasan aan m di nsui mɔmɔk tun saatuln.

Ulandaan 9:7

Li ji saajikaar ki li kpa mpopiin; nyu saadaan ki cha aasui li piin. Ni ŋan Uwumbɔr chee.

Matiu 6:22

“Linimbil ye tiwon aakaryaa la. Aanimbil yaa wiin kan, saabimbin mɔmɔk ga li gbii nwiihn la.

Tibɔnyaan ti Luk ŋmee ti na 11:41

Di naah kpa tiwan ni na tii bigiim, ki di nibaa mu tii bi. Ni yaa ŋa kina kan, tijɔŋ tibaa aan ki li bi ni chee.

Tibɔnyaan ti Luk ŋmee ti na 24:30

Le bi ti kal ke bi ji tijikaar. Waah kal bi chee ke u ji tijikaar na, le u yoor boroboro, ki doon Uwumbɔr, ki gii, ki di tii bi.

Tibɔnyaan ti Luk ŋmee ti na 24:53

ki pak Uwumbɔr, waadichal ponn ni, n‑yoonn mɔmɔk.

Lituln 16:34

Le u di Pɔɔl ni Sailas buen waadichal ni, ki ti tii bi tijikaar ke bi ji. U ni waachiln ni aanib aah nan gaa Uwumbɔr ki kii na, ni ŋa bi mpopiin pam.

Lituln 2:42

Binimbil nan man ke bi bae Yesu aabɔr, waakpambalb chee. Bi mɔmɔk nan kpaan kimɔbaan, ki ji tɔb chee tijikaar, ki kpaani tɔb chee ki mee Uwumbɔr.

Lituln 20:7

Likpaakool ponn ni, njan aawiin daal, le ti kuun tɔb chee ke ti nan ji Tidindaan aajikaar. Le Pɔɔl len bi chee Uwumbɔr aabɔr le kitaak ti siir. U nan ban ke kitaak yaa woln kan, u buen cha bi. Nima le cha u len bi chee tibɔr kitaak ti siir.

Lituln 3:1

Daalbaadaal, tikur titaa yoonn, Piita ni Jɔnn nan buen Uwumbɔr Aadichal ni. Ni nan ye limeel yoonn la.

Lituln 5:21

Le bi kii Uwumbɔr aatuun ngbaan aamɔb. Kichakpinaanyeek ni, le bi koo ni Uwumbɔr Aadichal ni, ki nan tuk binib limɔfal aabɔr na. Le Uwumbɔr aatotoorninkpel, ni binib bi dii u na dan nan yin bibɔjirb aaninkpiib, ni Juu yaab aaninkpiib mɔmɔk, le ki tun bikikiirb, ke bi buen kiyondiik ni ki ti li joo ni Yesu aakpambalb.

Lituln 5:42

Idaa mɔmɔk le bi chaa Uwumbɔr Aadichal ni, ni binib do, ki ti tuk binib Uwumbɔr aabɔr ki mooni tibɔnyaan tee, ke Yesu le ye Kristo u gaa binib lir na.

Rom Yaab 12:8

Uken yaa ŋmaa pɔɔni binib aataakpab kan, u pɔɔk bitaakpab. Uken mu yaa ŋmaa tii bigiim kan, u li tii bi ki li kpa tibulchinn. Uken mu yaa ye Yesu aanib aaninkpel kan, utafal li bi bi ponn ni. Uken mu yaa ter binib baamukl ni kan, u li ter bi ki li kpa mpopiin.

1 Korenti 10:16

Ti yaa yoor Uwumbɔr aayinyook ki doon u ki pu, ki nyu kan, ni ye Kristo aasin le ti kpaan nyu. Taah gii boroboro ki ŋman na mu, ni ye Kristo aawon le ti kpaan ŋman.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

2 Korenti 11:3

M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.

Efesusi 6:5

Binaagbiib, ni li keei nidindatiib bi bi dulnyaa wee ni na aamɔi, ki li san bi, ki tun lituln mbamɔm, ke naah tun lituln pu ki tii Kristo na.

Ikaal 12:12

Nima chee, le nimi, ni nimi aabim, ni nimi aatutum, ni Liifai yaab bi bi nimi aatim ni na li kpa mpopiin ki li mɔɔni Nidindaan Uwumbɔr aanimbiin ni. Ni teer ke Liifai yaab aan li kpa bibaa aakpaakon.

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Kolosiya 3:22

Binaagbiib, ni li keei nidindatiib bi bi dulnyaa ni na aamɔi tiwan mɔmɔk ni. Bi yaa bi ni chee, bee bi yaa kaa bi kan, ni li tun lituln mbamɔm. Ni taa ban binib li pak nimi. Naah san Uwumbɔr na, ni li tun lituln mbamɔm nima pu.