Lituln 2:38 - Uwumbɔr aagbaŋ

³⁸ Le Piita bui bi, “Ni mɔmɔk kpeln nimi aabimbin, ki cha ti muin nimi nnyun ni, Yesu Kristo aayimbil pu. Le Uwumbɔr ga di cha nimi aatunwanbir pinn nimi, ki tii nimi ipiin i ye Waafuur Nyaan na.

UWONBƆR A GBƆNPƆŊ LIKƆƆNL

³⁸ Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Lituln 2:38 Iomraidhean Croise

Aisaya 32:15

Tɔ, Uwumbɔr ga ki gir tii ni timi Waafuur Nyaan. Ikpaakon i nan bii na ga ki gir ŋa ikpaakon i ŋan na, ki ga ŋa tijikaar sakpen.

Aisaya 59:20

Uwumbɔr bui waanib ke, “M ga dan Jerusalem ki nan sil nichaŋ ni, ki nan gaa nimi bi yii nimi aatunwanbir na lii,

Aisaya 59:21

ki cha m ni nimi puu tipuur tii tɔb. M di maapɔɔn ni maakaal tii nimi ke ni li ye nimi yaan ki ti saa n‑yoonn mu kaa kpa ndoon na, ki nya din ki joo cha na, ni ga kii maamɔb ki mɔk nimi aabim, ni niyaabitiib ke bi kii maamɔb ki ti saa n‑yoonn mu choo na.”

Esekiel 39:29

M ga di Maafuur Nyaan gbiin Israel aanib, kaan ki fenn mpuwɔb tii bi. Min Bidindaan Uwumbɔr le len kina.”

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Matiu 28:19

Li cha man ŋinibol mɔmɔk chee, ki ti ŋa bi maadidiliib, ki muin bi nnyun ni, Nte Uwumbɔr, ni min Ujapɔɔn, ni Nfuur Nyaan aayimbil pu,

Matiu 3:2

le ki mooni, “Kpeln nimi aabimbin man. Uwumbɔr aanaan peen ni a.”

Matiu 3:6

le ki nan kpiir baatunwanbir tuk Uwumbɔr. Le Jɔnn muin bi nnyun ni, Jɔɔdann aamɔɔl ni.

Matiu 4:17

N‑yoonn ngbaan ki joo cha le Yesu piin ki mooni binib ke, “Kpeln nimi aabimbin man. Uwumbɔr aanaan peen ni a.”

Tibɔnyaan ti Mak ŋmee ti na 1:15

le ki bui ke, “N‑yoonn fuu a. Uwumbɔr aanaan peen ni a. Kpeln nimi aabimbin man, ki gaa tibɔnyaan tee ki kii man.”

Tibɔnyaan ti Mak ŋmee ti na 16:16

Unii u gaa mi ki kii, ki cha bi muin u nnyun ni na, u ga ŋmar. Unii u kaa gaa mi ki kii na, Uwumbɔr ga bui ke waabɔr bii.

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Tibɔnyaan ti Luk ŋmee ti na 3:10

Le kinipaak ngbaan baa u, “Kina kan, ti ga ŋa kinye?”

Lituln 10:43

N‑yaayoonn na, Uwumbɔr aabɔnabtiib mɔmɔk nan len Yesu aabɔr, ke unii umɔk gaa u ki kii na, Uwumbɔr ga di cha pinn u, uma Yesu aayimbil pu.”

Lituln 10:48

Waah len kina na, le u bui bi ke bi muin bi nnyun ni, Yesu Kristo aayimbil pu. Tɔ, Konelius mam nan gaŋ Piita ke u ŋa bi chee iwiin ilee.

Lituln 13:38

Tijɔtiib, ti tuk nimi ke Uwumbɔr ga di cha nimi aatunwanbir pinn nimi Yesu pu. Binib bimɔk gaa Yesu ki kii na, Uwumbɔr ga di cha pinn bi, ki nyan bi baatunwanbir ni. Moses aakaal aa ŋmaa di cha pinn binib, kaa ŋmaa nyan bi baatunwanbir ni. Ti ban ke ni li nyi tibɔr timina mbamɔm.

Lituln 16:15

Le bi muin u ni waachiln ni aanib nnyun ni. Le u tuk timi, “Ni yaa dak ke m sil gaa Tidindaan ki kii kan, ni dan nan mann mi, ki li bi ndo.” Le u gaŋ timi, le ti buen.

Lituln 17:30

Binib aah kaa nan kee nyi Uwumbɔr aasan buyoonn na, waa nan gar baah ŋani pu na. Dandana wee le u len ke u ban ke binib bimɔk bi dulnyaa wee mɔmɔk ponn ni na kpeln baabimbin ki dii waasan.

Lituln 20:21

M sur Juu yaab ni binib bi kaa ye Juu yaab na mu, ke bi kpeln baabimbin ki dii Uwumbɔr aasan ki gaa Tidindaan Yesu ki kii.

Lituln 22:16

Taa taan. Fiin, ki yin waayimbil ki mee u, ki cha m muin si nnyun ni, ki finn aapobil saatunwanbir pu.’”

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Lituln 26:20

Njan, m tuk binib bi nan bi Damaskus aatiŋ ni na, ke bi kpeln baabimbin ki dii Uwumbɔr aasan, ki tun lituln li ga mɔk ke bi sil kpeln baabimbin na. Njan, m nan tuk bi kina Damaskus aatiŋ ni, le ki nin buen Jerusalem, ki nin bɔ dii Judea aatim mɔmɔk ponn ni, le ki nin buen binib bi kaa ye Juu yaab na aatim ponn ni, ki ti tuk bi mu kina.

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Lituln 5:31

ki nyuŋ u, ki di u kaan uŋangii wɔb, u li ye timi Aayidaan u gaal timi lir, ki tii timi Israel yaab nsan ke ti kpeln timi aabimbin na, aan Uwumbɔr di cha timi aatunwanbir pinn timi.

Lituln 8:12

Le Filip dan nan tuk bi Uwumbɔr aanaan aabɔnyaan, ni Yesu Kristo aabɔnyaan ngbaan. Le bi kii waah len pu na. Baah kii waah len pu na, le u muin bi nnyun ni, bijab ni bipiib mɔk.

Lituln 8:20

Le Piita baa u, “Aa dak ke aa ga ŋmaa di ŋimombil daa Uwumbɔr aapiin aa? Saah dak pu na, naa ŋan. Aa ni saamombil bee fam.

Rom Yaab 6:3

Baah muin timi nnyun ni, Yesu Kristo aayimbil pu na, nima le mɔk ke ti ni Yesu Kristo kpaan la. Nima pu na, waah nan kpo na, ti mu kpo u chee la. Naa bee kina aa?

Efesusi 1:7

Kristo aasin pu, le Uwumbɔr gaa timi lii, ki di cha pinn timi, ki ŋa timi tibulchinn sakpen,

Taitus 3:5

ki gaa timi lii. Naa ye timi aatunyaan pu le u gaa timi lii, waanimbaasaln pu le u gaa timi lii. Le Waafuur Nyaan gir ma timi, ki tii timi limɔfapɔln, ki finn tipobil ni.

1 Piita 3:21

Nnyun ngbaan le ye baah muini binib nnyun ni na aamɔkl. Dandana wee, bi yaa muin nimi nnyun ni kan, ni ŋmar a; ba pu? Yesu Kristo nan fikr nkun ni. Nima le cha ni ŋmar. Bi yaa muin nimi nnyun ni kan, naa ye ke bi fu nimi aawon nnyun tiwon aajɔŋ pu la. Ni ye ke ni di titunwanbir di lii, ki puu tipuur ke ni ga dii Uwumbɔr.