Lituln 2:33 - Uwumbɔr aagbaŋ

³³ Uwumbɔr nyuŋ Yesu, ki di u kaan uŋangii wɔb. U gaa Nfuur Nyaan Ute Uwumbɔr chee, uma Uwumbɔr aah nan puu tipuur ti ke u ga tii u na. Naah kan pu na, ni naah ŋun pu dandana wee na, ye Uwumbɔr Aafuur Nyaan le u di ŋa ti ni.

UWONBƆR A GBƆNPƆŊ LIKƆƆNL

³³ Le Uwonbɔr ji ta u kaan U nɔɔjiim paam. Waah kal n-yonn man nin, le u gaa Kasi a Naaŋ kan wee Uwonbɔr nan siin limɔsiinl ke U na li sei win, Kasi a Naaŋ nmɔn le u ta sei ti, le ti gbir ki kan.

Lituln 2:33 Iomraidhean Croise

Ilahn 118:16

waapɔɔn joo ni timi linyaŋ; waapɔɔnsakpiin mu u joo to butɔb na le nyaŋ kina.”

Ilahn 89:19

N‑yoonn mu jer na le aa nan kpiir tuk saatutum bi dii si mbamɔm na ke, “M tii butɔb aajakpaan ubaa nterm; m di libɔrjal tii unii u m lee u binib ngbaan ponn ni na.

Ilahn 89:24

M ga li gee u, ki li si upuwɔb; m ga cha u li kani linyaŋ.

Aisaya 52:13

Uwumbɔr bui ke, “Maatutunn ga nyaŋ waatuln; bi ga nyuŋ u sakpen.

Aisaya 53:12

Le m ga tii u nkakaa mu nyuun na lipepel li bi bininyuum, ni mpɔɔndam aakaasisik ni na. U di waamɔfal tii waageehn pu, ki yakr titunwanbirdam chee baapal. U gaa titunwanbirdam pam aasisiiyaan, ki mee Uwumbɔr ke u di cha pinn bi.”

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Tibɔnyaan ti Mak ŋmee ti na 16:19

Tidindaan Yesu aah len bi chee tibɔr doo na, le Uwumbɔr di u buen paacham, le u ti kal uŋangii wɔb.

Tibɔnyaan ti Luk ŋmee ti na 24:49

Nte Uwumbɔr aah puu tipuur ti ke u ga tii nimi Waafuur Nyaan na, m ga tun ni Nfuur Nyaan ngbaan ni chee. Ni li bi Jerusalem ni ki ti saa bundaln ni ga kan mpɔɔn mu ga nyan ni paacham na.”

Jɔnn 14:16

le m ga mee Nte Uwumbɔr, le u ga tii nimi Uteter uken, u li bi ni chee n‑yoonn mɔmɔk.

Jɔnn 14:26

Nte Uwumbɔr ga tun ni Uteter, maayimbil pu. Uteter ngbaan ye Waafuur Nyaan la. Uma le ga mɔk nimi tibɔr mɔmɔk aatataa, ki ga teer nimi maah tuk nimi tibɔr timɔk na.

Jɔnn 15:26

“Tɔ, Uteter na ga fuu ni. Uma le ye Nte Uwumbɔr Aafuur Nyaan mu ye mbamɔn, ki nyan ni Uwumbɔr chee na. Min le ga tun ni mu ni chee. Muma le ga nan tuk nimi maabɔr.

Jɔnn 17:5

Nte Uwumbɔr, dulnyaa aah kaa nan kee bi buyoonn na, m nan bi aa chee, le aa nyuŋ mi. Nte, ki nyuŋ mi kina aa chee.

Lituln 1:4

Waah nan laa bi bi chee na, le u bui bi, “Ni taa nya Jerusalem ni. Ni li bi nima, ki ti saa bundaln Nte Uwumbɔr ga tii nimi Waafuur Nyaan, waah nan puu tipuur ti na. Ni nan ŋun tipuur ngbaan pu m chee la.

Lituln 10:45

Yesu aanib bi nyan Jopa ki dii Piita na nan ye Juu yaab, le ni gar bi pam, ba pu? Uwumbɔr di Waafuur Nyaan tii binib bi kaa ye Juu yaab na mu,

Lituln 2:17

‘N‑yoonn mu choo na, m ga di Maafuur Nyaan ŋa binib mɔmɔk pu. Nijapɔtiib ni nibisatiib ga nabr min Uwumbɔr aah len pu na. Nimi aanachipɔm ga kan lijinjiir aawan. Nimi aaninkpiib ga daŋ tidaŋ.

Lituln 5:31

ki nyuŋ u, ki di u kaan uŋangii wɔb, u li ye timi Aayidaan u gaal timi lir, ki tii timi Israel yaab nsan ke ti kpeln timi aabimbin na, aan Uwumbɔr di cha timi aatunwanbir pinn timi.

Rom Yaab 5:5

Limakl ngbaan aan jinn timi inimɔɔn. Ba pu? Uwumbɔr aah tii timi Waafuur Nyaan na, Nfuur Nyaan ngbaan le cha ti bee tisui ni waah gee timi sakpen pu na.

Galantiya 3:14

Uwumbɔr nan ŋa tinyoor ŋa Abraham pu. Le Yesu Kristo nan kpo ti pu ke binib bi kaa ye Juu yaab na mu kan tinyoor ngbaan. Le ti yaa gaa Yesu ki kii kan, ti ga gaa Uwumbɔr Aafuur Nyaan, waah nan puu tipuur ti ke u ga tii timi na.

Efesusi 1:13

Ni mu gaa Kristo ki kii la. Naah ŋun Uwumbɔr aabɔr ti ye mbamɔn, ki ye tibɔnyaan ti cha ni ŋmar na, le ni gaa Kristo ki kii. Naah kpaan u ni na, le Uwumbɔr tii nimi Waafuur Nyaan, ke waah nan puu tipuur ti na, ki mɔk ke ni ye waanib la.

Efesusi 4:8

Ni ŋmee Uwumbɔr Aagbaŋ ni ke, “Waah buen paacham na u joo binaagbiib pam, ki di ipiin tii binib.”

Taitus 3:6

Taah kpaan Yesu Kristo u gaal timi lir na ni na, le Uwumbɔr ŋa timi tibulchinn ki tii timi Waafuur Nyaan.

Hiibru Yaab 10:12

Yesu Kristo toor kookoo aatork titunwanbir pu nfum mbaa, le ki kal Uwumbɔr aaŋangii wɔb.

Hiibru Yaab 2:9

ti kan Yesu la. Uwumbɔr nan sunn u taab ki cha waatuuntiib jer u, ni yunn siib, aan u ti kpo binib mɔmɔk pu, uma Uwumbɔr aanimbaasaln pu. Dandana wee ti kan ke waah jin nkun aafalaa na, Uwumbɔr di kipak ni liyimbil le di tii u.

1 Piita 1:21

U pu, le ni gaa Uwumbɔr ki kii. U nan fikr u nkun ni ki nyuŋ u. Nima pu le ni gaa Uwumbɔr ki kii ki kpa limakl.

1 Piita 3:22

Yesu Kristo nan buen paacham ki ti bi Uwumbɔr aaŋangii wɔb. Le Uwumbɔr di waatuuntiib, ni paacham yaab, ni kinimbɔŋ ni kaapɔɔn mɔmɔk ŋa Yesu Kristo aaŋaal ni.