Lituln 2:30 - Uwumbɔr aagbaŋ

³⁰ U nan ye Uwumbɔr aabɔnabr ubaa la, ki nyi ke Uwumbɔr puu tipuur ke u ga ŋa uma David uyaabil ubaa ubɔr, ke uma David aah ye ubɔr pu na.

UWONBƆR A GBƆNPƆŊ LIKƆƆNL

³⁰ Amaa waah nan ye ulinlenn nin u nyi Uwonbɔr kaah siin limɔsiinl ki sei u, ke u na li che u yaabil uba nji nnaam ki kal ubɔr gbann ni bu.

Lituln 2:30 Iomraidhean Croise

2 Samuel 23:2

Uwumbɔr Aafuur Nyaan le cha m len tibɔr, waanaŋ bi mmɔb ni la, Uwumbɔr u ye Israel yaab aakikiir na bui mi,

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Jeremia 30:9

Bi ga li gur tun min Bidindaan Uwumbɔr aatuln, ni maah ga nyan Ubɔrkpaan David aayaabil u kaan nnaan na aatuln la.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Matiu 22:43

Le u baa bi, “Kristo ngbaan yaa ye David aayaabil kan, ba pu Uwumbɔr Aafuur Nyaan nan cha David yin u ke Udindaan? David nan len ke,

Matiu 27:35

Le butɔb aajab ngbaan kpaa u ndɔpuinkoo pu, ki di waawanpeenkaan ti yakr tɔb, le ki too inaan ke bi lik bimɔk aah ga kan ni na,

Tibɔnyaan ti Mak ŋmee ti na 12:36

Uwumbɔr Aafuur Nyaan nan cha Ubɔr David ubaa len ke, ‘Uwumbɔr bui Ndindaan ke: Kal ŋŋangii wɔb ki ti saa buyoonn m ga nyaŋ saadim mɔmɔk na.’

Tibɔnyaan ti Luk ŋmee ti na 24:44

U nan bui bi, “Maabɔr timɔk ŋmee Moses aakaal ponn ni, ni Uwumbɔr aabɔnabtiib aagbann ni, ni Uwumbɔr aalahn aagbaŋ ni na, Uwumbɔr le siin ke ni mɔmɔk ga gbiin. Maah nan laa bi ni chee na, m nan tuk nimi kina la.”

Lituln 1:16

“Nnaabitiib, n‑yaayoonn na, Uwumbɔr Aafuur Nyaan nan cha Ubɔr David len Judas aabɔr. Ni ŋmee Uwumbɔr Aagbaŋ ponn ni. Naah ŋmee pu Uwumbɔr Aagbaŋ ponn ni na, see ni ŋa kina. Judas le nan mɔk binib Yesu aah bi nin chee na, le bi ti chuu u.

Rom Yaab 1:3

Tibɔnyaan ngbaan le ye Ujapɔɔn aabɔr. Uma le ye Tidindaan Yesu Kristo. Waah nan kpaln unibɔn na, bi nan ma u Ubɔr David aamaal ponn ni.

Rom Yaab 15:12

Uwumbɔr aabɔnabr Aisaya mu nan len ke, “Jese aayaabil ga fuu ni. Uwumbɔr ga tii u mpɔɔn u li ye binib bi kaa ye Juu yaab na aayidaan. Le bi ga gaa u ki kii.”

2 Timoti 2:8

Teer Yesu Kristo bɔr. U fikr nkun ni, ki ye Ubɔr David aayaabil la. Maah tuk binib tibɔnyaan ti na le na.

Hiibru Yaab 1:1

N‑yaayoonn na Uwumbɔr nan cha waabɔnabtiib tuk tiyaajatiib waabɔr ki di tiwan aabɔŋ aabɔŋ ŋaŋ waasan.

Hiibru Yaab 3:7

Uwumbɔr Aafuur Nyaan nan bui Israel yaab ke, “Ni yaa ŋun Uwumbɔr aaneel din wee kan,

Hiibru Yaab 4:7

Nima pu le Uwumbɔr ki siin nwiin mu bi ga kan lifuur ngbaan na, ki yin nwiin ngbaan ke “Din.” Binib ngbaan aa kan lifuur ngbaan; le ŋibin pam jer, le David nan ŋmee Uwumbɔr Aagbaŋ ni, naah nan puen ŋmee pu na ke, “Ni yaa ŋun Uwumbɔr aaneel din wee kan, ni taa cha nitafal li pɔɔ.”

Hiibru Yaab 6:17

Uwumbɔr nan ban ke u mɔk binib bi ga kan waah puu tipuur ti na, ke waan kpeln. Nima le u nan puu uma ubaa aayimbil pu.

Hiibru Yaab 7:21

Waah ŋa Yesu utotoor buyoonn na, u nan puu tipuur tii u, le ki bui u ke, “Min Uwumbɔr le puu tipuukpaan, kaan kpeln, ke aa ga li ye utotoor n‑yoonn mu kaa kpa ndoon na.”

2 Piita 1:21

Naa ye bima bibaa aageehn pu le cha bi len. Bi nan len Uwumbɔr Aafuur Nyaan aah cha bi len pu na.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”