Lituln 2:11 - Uwumbɔr aagbaŋ

¹¹ bibaa mu nyan ni Krete aatiŋ ni, bibaa mu nyan ni Arabia aatiŋ ni. Ti mɔmɔk ŋun bi len timi aaliin ki mooni Uwumbɔr aah tun lijinjiir aatun pu na.”

UWONBƆR A GBƆNPƆŊ LIKƆƆNL

¹¹ (le ti ni bibam ye Juu yaab, le bi ba mu ji ye ibol iba yaab ban nan labir ki jiɛn Juu yaab a Wonbɔru win) le biba mu ji nyan Kereti nin Arabiya, le ti biɛn gbir baah pag ti boli a leen yin, ki donn Uwonbɔr a yinl nin lijinjeel a toon yan wee U tun nin!”

Lituln 2:11 Iomraidhean Croise

1 Bibɔrb 10:15

le ki gaal lampoo u biwantiirb nyani baanyoor ponn ni pa na, ni ubaa aatiirk aanyoor, ni Arabia aabɔrb, ni Israel aapepel aayidam aah joo baapar ti nan tii u na.

2 Bibɔrb Aabɔr 17:11

Filistia yaab bibaa nan joo ni u tikunabr aapiin ni ipiin iken i wiir na, le Arab yaab bibaa mu joo ni u ipiih ŋichur ŋilole ni ikui ilole, ni iŋoob mu ŋichur ŋilole ni ikui ilole.

2 Bibɔrb Aabɔr 26:7

Uwumbɔr nan ter u, le u nyaŋ Filistia yaab, ni Arab yaab bi koo Gur Baal aatiŋ ni na, ni Meunn yaab.

Job Aagbaŋ 9:10

Taan ŋmaa bee waah ŋani tiwankpaan ni na aatataa, le waajinjiir aatun aa kpa ndoon.

Ilahn 107:15

Ni ŋan ke bi di idoon tii Uwumbɔr, waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 107:21

Ni ŋan ke bi di idoon tii Uwumbɔr, waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 107:8

Ni ŋan ke bi doon Uwumbɔr waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 111:4

Uwumbɔr cha ti teer waatukpaan na pu, u kpa tiŋann le ki san kinimbaak mu.

Ilahn 136:4

Uma baanja le tun iwaan aatukpaan; waageehm aa kpa ndoon.

Ilahn 26:7

M gaa idoon aalahn le ki tuk binib saajinjiir aatun mɔmɔk aabɔr.

Ilahn 40:5

Tidindaan Uwumbɔr, aa ŋa tiwan pam tii timi; ubaa aa bi ke sin na. Aa dak ke aa ga ŋa iwaan aatun tii timi, maa nan ŋmaa len ŋi mɔmɔk pu, ŋaakahm wiir sakpen a.

Ilahn 71:17

Maah nan laa ye ubo pu na, le aa mɔk mi saatun, le m beenin len saatun sakpiin ŋi aa tun na.

Ilahn 77:11

Uwumbɔr, m ga teer saah tun ŋitukpaan ŋi na bɔr; m ga teer ŋitukpaan ŋi aa tun n‑yoonn mu jer na bɔr.

Ilahn 78:4

Ti ga cha timi aabilb li nyi ti. Ti ga bui tiyaabitiib Uwumbɔr aah kpa mpɔɔn ki tun liyimbil aatun ŋi na, ni iwaan aatun ŋi u tun na.

Ilahn 89:5

Paacham aawan gaa ilahn saatukpaan na pu la; Uwumbɔr, bi gaa ilahn saah ŋani saah len pu na pu.

Ilahn 96:3

Moon waah kpa kipak pu na ki tuk ŋitimbol, ki moon waah tun ŋitukpaan pu na tuk binib mɔmɔk.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Aisaya 13:20

Ubaa aan ki li bi ki ponn ni. Arab yaab bi chuu kpak na ubaa aan ki ŋa waanambuŋ nima, le upihkpaal ubaa mu aan ki di waapiih buen nima i ti ŋmɔ timoor.

Aisaya 21:13

Arabia yaab aabɔr sɔ. Nimi Dedann aanib, nimi bi chuun ki tiir kitiirk ki doo Arabia aatingbaln li kaa kpa nibaa na pu na,

Aisaya 25:1

Ndindaan Uwumbɔr, m ga nyuŋ si ki pak saayimbil. Aa ŋa lijinjiir aawan; aa ŋman ki joo saah nan siin n‑yaayoonn na ke aa ga ŋa pu na.

Aisaya 28:29

Nlan mumina mɔmɔk nyan ni Uwumbɔr Mpɔɔnsakpiindaan chee la. Uwumbɔr aah kpokl ke u tun pu na ye nlan la, le ni tun n‑yoonn mɔmɔk kaa bii.

Jeremia 3:2

Lik ŋigongon paab man. Nibaa chee aa gur aan naa tun lituln ke udagoor na. Ni nan sii nsan chee ki kii nibɔtiib, ke nteersakpiin ponn ni aanib aah sii pu ki kii ubaa ke bi ku u na la. Ni di nimi aadagook bii kitiŋ kee.

Lituln 2:10

bibaa mu nyan ni Frijia aatiŋ ni, bibaa mu nyan ni Pamfilia aatiŋ ni, bibaa mu nyan ni Ijipt aatiŋ ni, bibaa mu nyan ni Libia aatim mu bi Sairene aatiŋ chee na, bibaa nan ye Juu yaab, ni Biniyayam bi kpeln bibaa ki dii Juu yaab aasan na, ki nyan ni Rom aatiŋ ni na,

Lituln 2:12

Le ni gar bi mɔmɔk, ki cha bilan ŋmal. Le bi baa tɔb, “Naatataa ye kinye?”

Lituln 27:12

Libuln ni utaal aayoonn yaa ti fuu ni n‑yoonn mu na kan, naa ŋan ti li bi kiloloŋ ngbaan ponn ni. Nima le ti ponn ni binib pam bui ke ni ŋan ti nyan kiloloŋ ngbaan ponn ni, ki pɔɔk tibaa ke ti fuu Fiiniks, kitiŋ ki bi Krete aadikl paab na. Kiloloŋ bi nima mu. Libuln ni utaal yaa fuu ni n‑yoonn mu na kan, ni ŋan ke timi aaŋɔb li bi ki ponn ni. Kiloloŋ ngbaan aah bi liwilir wɔb pu na, nima le libuln aan ŋmaa pii timi nima.

Lituln 27:13

Le libuln li kaa pɔɔ na nyan ni ŋŋangii wɔb. Le bi bui ke ni ŋeer ke ti nyan kiloloŋ ngbaan ponn ni. Le bi chuu gbiln buŋɔb na, le ki di siir. Bi nan joo bu kpak Krete aadikl ngbaan chee la.

Lituln 27:7

Buŋɔb ngbaan aa nan chuun mala. Ni nan pɔɔ la. Bu nan yunn nsan ni siib, le ki ti fuu Kenaidus aatiŋ chee. Libuln aa nan kii le ti nan ti bee nsan ponn ni. Nima pu na, ti nan ti peŋ lidikl libaa, bi yin li ke Krete. Le ti jer Salmone aatiŋ,

1 Korenti 12:10

Mu tii ubaa mu mpɔɔn u tun lijinjiir aatun. Mu cha ubaa mu nabr Uwumbɔr aah len pu na. Mu cha ubaa mu beer mu ye Uwumbɔr Aafuur Nyaan na, ni mu kaa ye na. Mu cha ubaa mu len iliin yayan. Mu cha ubaa mu nabr iliin yayan ngbaan.

1 Korenti 12:28

Uwumbɔr di timi ŋa waanib ponn ni la; njan, bibaa ye Yesu aakpambalb; lelee, bibaa mu ye Uwumbɔr aabɔnabtiib; taataa, bibaa mu ye bimɔmɔkb; le u tii bibaa mu mpɔɔn bi tun lijinjiir aatun; ki tii bibaa mu mpɔɔn ke bi cha bibum pɔɔk; bibaa mu ye biteterb; bibaa mu ye biyidam; bibaa mu len iliin yayan.

Galantiya 1:17

kaa buen Jerusalem ki ti kpokl binib bi puen ye Yesu aakpambalb na chee. M nan buen Arabia aatiŋ ni ki ti bi nima mbaa ki mee Uwumbɔr, le ki nin gir buen Damaskus aatiŋ ni.

Galantiya 4:25

Sainai aajool bi Arabia aatiŋ ni la. Hagar aabim mu nan bi nima la. Jerusalem aatiŋ ki bi dulnyaa ni na naahn unaagbiipii Hagar la; ba pu? Jerusalem aanib ye binaagbiib la. Moses aakaal le joo bi tinaagbiir.

Taitus 1:12

Krete aatiŋ aanib ponn ni ubaa, u nan ye ulankpal na, nan bui ke, “Krete aatiŋ aanib ye binyamɔndam n‑yoonn mɔmɔk la. Bi naahn ipeel i kaa ŋan na la. Bi ye bigbanyakdam, ki ye bipuusakpendam.”

Taitus 1:5

Tɔ, m cha aa bee Krete aatiŋ ni ke aa tun lituln li kaa kee tun na, ki lee binib bi ga li ye Yesu aanib aaninkpiib ntim mɔmɔk ponn ni na.

Hiibru Yaab 2:4

Uwumbɔr mu cha bi tun lijinjiir aatun aabɔŋ aabɔŋ, waapɔɔn pu, ki tii bi Waafuur Nyaan aapiin waah gee pu na. Nima le mɔk ke bi len mbamɔn.