Lituln 19:16 - Uwumbɔr aagbaŋ

¹⁶ Le uja u tiyayaar joo u na nan chuu bi, ki gbaa lakr bi, ki gaa baawanpeenkaan ki nyaŋ bi. Le bi mɔmɔk san biŋmeen ki nyan udo.

UWONBƆR A GBƆNPƆŊ LIKƆƆNL

¹⁶ Le uja wan wee kinaanbiig be u bu nmɔn, fii ki choo bi, ki boo bi ki nyaŋ bi biɛn, le bi nan guun nyan iniin nmɔn yaan nin igbananbil le bi gbanann nya ncham.

Lituln 19:16 Iomraidhean Croise

Tibɔnyaan ti Mak ŋmee ti na 5:15

le ki fuu ni Yesu chee, ki kan uja u tiyayaar ti wiir na nan joo u na ka nima. U cheer, ki pee tiwanpeenkaan, kaa ki chuun uŋmeen. Le ijawaan chuu bi.

Tibɔnyaan ti Luk ŋmee ti na 8:35

Binib aah ŋun kina na, le bi dan bi nan lik budabu ŋa na, le ki fuu ni Yesu chee, ki kan uja u tiyayaar nyan u ni na ka Yesu chee ki cheer ki pee tiwanpeenkaan, kaa ki chuun uŋmeen. Le ijawaan chuu bi.

Lituln 19:15

Le tiyayaar ngbaan bui bi, “M nyi Yesu, ki nyi Pɔɔl. Nimi ma kan, ŋma ye nimi?”

Lituln 19:17

Le Efesus aatiŋ aanib bi ye Juu yaab na, ni bi kaa ye Juu yaab na mɔmɔk ŋun tibɔr ngbaan. Le ijawaan chuu bi mɔmɔk. Le bi nyuŋ Tidindaan Yesu.

Lituln 3:8

Le u fii yuk, ki sil utaa pu, ki piin ki chuun gonni, le ki dii bi, ki koo Uwumbɔr Aadichal ni, ki bi chuun, ki yukr, ki pak Uwumbɔr.

2 Piita 2:19

ki bui bi ke bi ga gaa bibaa la. Bima bibaa ye titunwanbir aanaagbiib la; tiwan ni nyaŋ unii na joo u tinaagbiir la.