Lituln 18:25 - Uwumbɔr aagbaŋ

²⁵ Binib nan tuk u Tidindaan Yesu aasan aabɔr, le unimbil man tibɔr ngbaan pu. U nan len binib chee, ki tuk bi Yesu aabɔr mbamɔm. U mu aa nyi Yesu aah gbiini binib Uwumbɔr Aafuur Nyaan pu na. U po nyi Jɔnn aah nan muini binib nnyun ni pu na la.

UWONBƆR A GBƆNPƆŊ LIKƆƆNL

²⁵ Bi pii nan wɔɔn u Uyudaan a sam ma, le u nan pag Yisa paam ke ni yeg, hali waah le nan nyi Jɔnn kaah nan fun bininfob Uwonbɔr a nyunfulin a binba-n nni.

Lituln 18:25 Iomraidhean Croise

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Ilahn 119:1

Binib bi aabimbin ŋan aan bi dii Uwumbɔr aakaal na kpa mpopiin.

Ilahn 67:2

aan dulnyaa wee mɔmɔk li nyi saah gee timi pu na, aan ŋitimbol mɔmɔk kan saaŋmarm.

Aisaya 40:3

Unii ubaa bi ki tar ke, “Toor Uwumbɔr aasan nteersakpiin ni man, ki ŋa waasan mu li tok ki tii u.

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

Tibɔnyaan ti Mak ŋmee ti na 1:3

Unii ubaa bi nteersakpiin ni ki tar ke, ‘Toor Uwumbɔr aasan man, ki ŋa waasan mu li tok ki tii u.’”

Tibɔnyaan ti Mak ŋmee ti na 12:14

Baah fuu ni u chee na, le bi bui u ke, “Umɔmɔkr, ti bee ke aa len mbamɔn la, kaa san ubaa ijawaan, kaa pak ubaa ki jer uken. Aa mɔk timi Uwumbɔr aasan mbamɔm la. Ni ŋan ti pa lampoo tii Ubɔrkpaan Siisa aan naa ŋan? Ti pa aan ti taa pa?”

Tibɔnyaan ti Luk ŋmee ti na 1:4

aan aa mu bee baah tuk si tibɔr ti na aabamɔn.

Tibɔnyaan ti Luk ŋmee ti na 7:29

Binib mɔmɔk ni bilampoogaab nan ŋun Jɔnn aaliin, ki cha u muin bi nnyun ni. Nima le mɔk ke bi kii ki tii Uwumbɔr aabamɔn.

Lituln 13:10

le ki bui u, “Sin u ye kinimbɔŋ aajapɔɔn na, aa ye litunyaan mɔmɔk aadin la, ki ŋmanni binib n‑yoonn mɔmɔk, ki kpa mbiin sakpen, ki ban aa bii Tidindaan aasan mu tok na.

Lituln 16:17

Le u paan ni ti ni Pɔɔl aapuwɔb, ki tar ke, “Bijab bimina le ye Uwumbɔr u kaa kpa ŋeen aatɔ na aanaagbiib. Bi tuk nimi naah ga ŋa pu ki ŋmar na.”

Lituln 18:26

Le Apolos koo mmeen aadiik ni, ki tuk binib Yesu aabɔr ni lipobil. Le Prisila ni Akuila ŋun waah tuk bi pu na. Baah ŋun na, le bi di u di buen bido, ki ti toor tuk u Uwumbɔr aasan aabɔr mbamɔm.

Lituln 19:23

N‑yoonn ngbaan, le Efesus aatiŋ aanib ŋma tijar Tidindaan aasan pu.

Lituln 19:3

Le Pɔɔl baa bi, “Ni yaa ye kina kan, bi muin nimi nnyun ni kinye?” Le bi bui u, “Bi muin timi nnyun ni ke Jɔnn aah nan ŋani pu na la.”

Lituln 19:9

Le bi ponn ni bibaa aatafal pɔɔ. Baa kii tii waaliin, le ki len tibɔr ti kaa ŋan na Tidindaan aasan pu, kinipaak aanimbil ni. Kina pu le Pɔɔl siir cha bi, ki di binib bi dii Yesu aasan na buen uja u bi yin u ke Tiranus na aadisakpeŋ ki ponn ni binib ŋmaa kuun ni na. Idaa mɔmɔk le u ni binib gbaa tɔb chee Yesu aabɔr nima.

Rom Yaab 12:11

Ni taa li san ligbanyakl man. Cha ninimbil li man Tidindaan aatuln pu,

2 Timoti 2:4

Uja u to butɔb na aatafal aa bi dulnyaa wee ni aabɔr ni; ba pu? u ban u piir waaninkpel aasui la.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

Bibɔjirb 2:22

M ga di bima le lik ke Israel yaab bimina ga dii maasan ke biyaajatiib aah nan dii pu na aan baan dii.”

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.