Lituln 17:24 - Uwumbɔr aagbaŋ

²⁴ Uwumbɔr nan naan dulnyaa wee, ni tiwan nimɔk bi ni ponn ni na. Uma le ye paacham ni taab Aadindaan. Waa bi liwaal aadiik ni.

UWONBƆR A GBƆNPƆŊ LIKƆƆNL

²⁴ “Nween man naan dulinya nin niwann nan biɛn be niin nin, u ma ye paab nin tum a yudaau, waa be tiwonjiɛndir tan wee bi ta bi nɔɔi maa yaan ni.

Lituln 17:24 Iomraidhean Croise

Mpiin 1:1

Mpiin na Uwumbɔr nan naan kitiŋ,

Mpiin 14:19

le ki ŋa tinyoor ŋa u pu, ki bui ke, “Uwumbɔr u kaa kpa ŋeen aatɔ, ki naan paacham ni kitiŋ na, ŋa tinyoor ŋa Abram pu.

Mpiin 14:22

Le Abram bui u ke, “M puu tipuukpaan, Tidindaan Uwumbɔr u kaa kpa ŋeen aatɔ, ki naan paacham ni kitiŋ na aanimbiin ni,

1 Bibɔrb 8:27

“Tɔ, Uwumbɔr, m nyi ke saan ŋmaa koo taab do. Hali paacham mɔmɔk aa waa sakpen ki ga ŋeer si, kina pu na, Lidichal li m maa na par ke aa li koo li ponn ni.

2 Bibɔrb 19:15

le ki mee u ke, “Uwumbɔr Mpɔɔnsakpiindaan u ye timi Israel yaab Aadindaan, ki ka saabɔrjal li bi tiwan ni kpa ifeen na aapaacham na, sin baanja le ye Uwumbɔr, ki joo dulnyaa aanaan mɔmɔk. Sin le naan taab ni paacham.

2 Bibɔrb Aabɔr 2:6

Tɔ, ubaa mu aan sil ŋmaa maa lidichal tii Uwumbɔr, ba pu? paacham aah wiir sakpen pu na aa kpa mpaan ki tii u. Kina pu na, maah ban m maa Uwumbɔr Aadichal li na ga li ye nin chee ti ga li seer tulalee aayon tii Uwumbɔr na baanja la.

2 Bibɔrb Aabɔr 6:18

“Tɔ, sin Uwumbɔr ga ŋmaa koo taab do, binib aakaasisik ni ii? Hali paacham aah waa sakpen pu na, naa waa ki ŋeer saakokoon yaan. Kina pu na, lidichal limina par ke aa li koo li ponn ni.

Ilahn 115:16

Uwumbɔr baanja le yeh paacham, le u tee di kitiŋ tii unibɔn.

Ilahn 146:5

Uwumbɔr aah ter unii u aan udaan kpa limakl Udindaan Uwumbɔr pu na kpa mpopiin la.

Ilahn 148:13

Cha bi mɔmɔk pak Uwumbɔr aayimbil. Waayimbil jer ŋiyimbil mɔmɔk, waanyuŋ jer paacham ni kitiŋ.

Ilahn 24:1

Uwumbɔr le yeh dulnyaa, ni tiwan nimɔk bi u ponn ni na; kitiŋ kee, ni bi mɔmɔk bi ki pu na ye u yaab la.

Aisaya 40:12

Ŋma ga ŋmaa di uŋaapɔtan ŋaŋ nnyusakpem aanyun ki ti bee mu aaŋaŋ, bee u di uŋaal ŋaŋ kitaapaak? Ubaa ga ŋmaa di kitiŋ kee aatan mɔmɔk ŋa kiyinyook kibaa ni ii? Ubaa mu ga ŋmaa di tiwan ni bi joo ŋaŋni tiwan aah nyuun pu na ki di ŋaŋ ŋijoo ni ŋigongon aanyunyuun aa?

Aisaya 40:28

Naa nyi ii? Naa kee ŋun aa? Uwumbɔr le ye Tidindaan u ga li bi n‑yoonn mu kaa kpa ndoon na; uma le naan dulnyaa mɔmɔk. Waa bakr kpala. Ubaa aa nyi waalandak.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Aisaya 66:1

Uwumbɔr bui ke, “Kitaapaak le ye maabɔrjal, le kitiŋ ye ntaa aah taa ni pu na. Ni ga maa ba aadichal aaboln ki tii mi, ba aapaan ni ga kan tii mi aan m li koo nima?

Jeremia 10:11

Tɔ, nimi le ga bui bi ke ŋiwaa le aa nan naan taab ni paacham; ŋi ga nan kuln. Ŋaan nan ki li bi dulnyaa wee ni nibaa chee.

Jeremia 23:24

Ubaa aan ŋmaa bɔr mi m taa kan u. Naa nyi ke m bi paacham, ni kitiŋ ni, ni ni kookoo la aa?

Jeremia 32:17

“Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Sekaria 12:1

Uwumbɔr aah nan len Israel aabɔr ti na sɔ. Uma le ye Uwumbɔr u taln kitaapaak na. Uma le naan kitiŋ, le ki tii unibɔn limɔfal. U len ke,

Malakai 2:10

Taa kpaan te la aa? Naa ye Uwumbɔr baan le naan ti mɔmɔk aa? Kina kan, ni ŋa kinye aan ti bii tipuur ti ti puu tii tɔb na, ki lik seen tipuur ti Uwumbɔr nan puu tii tiyaajatiib na?

Matiu 11:25

N‑yoonn ngbaan le Yesu bui ke, “Nte Uwumbɔr, u ye paacham ni taab Aadindaan na, aa bɔr tibɔr timina bilankpalb ni binimbiwolm, le ki di mɔk chapɔntiib, nima pu le m pak si.

Matiu 5:34

Min le tuk nimi: ni taa puu Uwumbɔr. Ni taa puu paacham mu; ba pu? paacham ye Uwumbɔr aabɔrjal la.

Tibɔnyaan ti Luk ŋmee ti na 10:21

N‑yoonn ngbaan le Uwumbɔr Aafuur Nyaan cha Yesu kpa mpopiin pam, ki bui ke, “Nte Uwumbɔr u ye paacham ni taab Aadindaan na, aa bɔr tibɔr timina bilankpalb ni binimbiwolm, le ki di mɔk chapɔntiib, nima le m pak si. Nte, saageehn le na, nima le cha aa ŋa kina.

Jɔnn 1:1

Uwumbɔr aah kaa nan kee naan dulnyaa na, ubaa nan bi, bi yin u ke Limɔboln. U nan bi Uwumbɔr chee, ki bi ke Uwumbɔr aah bi pu na.

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Lituln 4:24

Baah ŋun kina na, le bi mɔmɔk kpaan kimɔbaan, ki mee Uwumbɔr, ki len ke, “Mpɔɔnsakpiindaan, sin le nan naan paacham, ni kitiŋ, ni nnyusakpem, ni tiwan nimɔk bi ni mɔmɔk ponn ni na.

Lituln 7:48

“Tɔ, Uwumbɔr u kaa kpa ŋeen aatɔ na aa bi binib aah maa ŋidichal ŋi na ponn ni baanja. Uwumbɔr aabɔnabr nan len ke Uwumbɔr len ke,

Rom Yaab 1:19

Uwumbɔr gee liŋuul bi pu la; ba pu? waabɔr ti binib ga ŋmaa bee ti na bi mpaan pu. Uwumbɔr le di ti mɔk bi.

Ikaal 10:14

Uwumbɔr le yeh paacham, ni dulnyaa, ni tiwan nimɔk bi u ni na.

Hiibru Yaab 1:2

Kookoo aayoonn mue le u cha Ujapɔɔn tuk timi waabɔr. Uma le u nan cha u naan dulnyaa wee, ki len ke uma le ga li yeh tiwan mɔmɔk.

Hiibru Yaab 3:4

Mmaal mɔmɔk kpa yaaja la. Uwumbɔr le nan naan binib mɔmɔk.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.