Lituln 17:19 - Uwumbɔr aagbaŋ

¹⁹ Bi nan yin kitiŋ ngbaan aaninkpiib ke Areopagus aanib. Le bi di Pɔɔl buen bininkpiib ngbaan chee, le ki ti bui u ke waah tuk binib tibɔchann ti na, bi ban ke u tuk bi mu, bi bee,

UWONBƆR A GBƆNPƆŊ LIKƆƆNL

¹⁹ Le bi ta Pɔɔl ki jon bibɔjib a kikaabol nan yaan wee bi yi ke, Aropagusi nan, ki bei Pɔɔl ke, “Ti li fir biɛ tibɔchann tan wee a wɔɔn nan naa?

Lituln 17:19 Iomraidhean Croise

Aisaya 21:12

Le m gar u ke, “Kichakpiik ni choo, le kinyeek mu ga ki gir ni. Aa yaa ki ban aa baa kan, aa gir ni ki nan ki baa.”

Matiu 10:18

M pu, le ntim aaninkpiib ni bibɔrb ga ji nimi tibɔr. Le ni ga tuk Juu yaab, ni bi kaa ye Juu yaab na tibɔnyaan tee.

Tibɔnyaan ti Mak ŋmee ti na 1:27

Le ni gar bi mɔmɔk pam. Le bi baa tɔb, “Ba sɔ? Ni ye mmɔkm pɔɔn la aa? U kpa mpɔɔn, le ki tuk tiyayaar ke ti di binib lii, le ti kii waamɔb.”

Jɔnn 13:34

M tii nimi nkaal pɔɔn la, ke ni li gee tɔb. Maah gee nimi pu na, ni mu li gee tɔb kina.

Lituln 17:20

ke waah len pu na, ni gar bi, bi ban ke u tuk bi mu taatataa.

Lituln 17:22

Le Pɔɔl sil bikaasisik ni, ki len ke, “Atens aatiŋ aanib, m bee ke nitafal bi ŋiwaa aabɔr ni pam.

Lituln 17:34

Le bijab bibaa gaa Yesu ki kii, ki kpaan Pɔɔl chee. Bi yin ubaa ke Dionisius, u nan ye Areopagus aanii ubaa na. Uken mu nan ye upii u bi yin u ke Damaris na. Binib biken mu nan gaa Yesu ki kii.

Lituln 23:19

Le upol ngbaan chuu uŋaal ki dar u buen n‑gbaan, ki ti baa u, “Aa ban aa tuk mi bayaar?”

Lituln 24:24

Iwiin ilee aah jer na, le Ubɔr Feliks ni upuu Drusila fuu ni. Upuu nan ye Juu aabo la. Le Feliks tun unii ke u ti yin ni Pɔɔl ke u dan nan len tibɔr ngbaan aan bi pel. Le Pɔɔl tuk bi baah ga ŋa pu ki gaa Yesu Kristo ki kii,

Lituln 25:22

Le Ubɔr Agripa bui Festus, “M ban ke m ŋun uja ngbaan aah ga len pu na.” Le Festus bui u, “Aa ga fe ŋun fen.”

Lituln 26:1

Tɔ, Ubɔr Agripa nan bui Pɔɔl, “Aa ga ŋmaa tuk timi saabɔr aah ye pu na.” Le Pɔɔl yoor uŋaal ki doon u, ki bui ke,