Lituln 15:8 - Uwumbɔr aagbaŋ

⁸ Uwumbɔr u nyi binib mɔmɔk aasui ni aah bi pu na nan di Waafuur Nyaan tii binib bi kaa ye Juu yaab na, ke waah tii timi pu na.

UWONBƆR A GBƆNPƆŊ LIKƆƆNL

⁸ Uwonbɔr wan nyi uninfosaal a sufu ni nin, u ma gaa ban kaa ye Juu yaab ki sei bi Kasi a Naaŋ, ke waah nan sei ti man nin.

Lituln 15:8 Iomraidhean Croise

1 Bibɔrb 8:39

pel waameel. Saah bi aado paacham na, pel, ki di cha pinn u, ki ter u. Sin baanja le nyi unibɔn aasui ponn ni aalandak. Unii aabimbin yaa ŋeer pu na kan, aa ŋa udaan kina,

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

Ilahn 44:21

aa ba ga bee, ba pu? aa nyi tisui aah bi pu na.

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 17:10

Min Uwumbɔr le lik unii aalandak ni le ki tɔŋni binib aasui lik. M ŋani unii mɔmɔk, waabimbin aah bi pu na la, ni udaan aah tun pu na.”

Jeremia 20:12

Uwumbɔr Mpɔɔnsakpiindaan, le aa ma joo ibamɔn tɔŋni binib, aa nyi tiwan ni bi bisui, ni baalandak ni na. Kina pu na, cha m kan saah ga teen maadim pu na, ba pu? m di maabɔr ŋa sin le aaŋaal ni.

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

Jɔnn 5:37

Nte Uwumbɔr u tun ni mi na, uma ubaa le ji seeraa ki tii mi. Naa kee ŋun waaneel, ki mu aa kee kan unimbil wɔb.

Lituln 1:24

Le bi mee Uwumbɔr ke, “Tidindaan, aa nyi binib mɔmɔk aasui ni aah bi pu na. Mɔk timi unii u aa lee u na bijab bilee ngbaan ponn ni aan u li ye saakpambal ki gaa lituln li Judas nan di cha ki buen nin chee ŋeer u na.”

Lituln 10:47

Tɔ, Piita bui ke, “Uwumbɔr di Waafuur Nyaan tii binib bimina, ke waah tii timi pu na. Ubaa ga ŋmaa len ke ti taa muin bi nnyun ni ii?”

Lituln 14:3

Le Pɔɔl ni Banabas nan bi nima ki yunn, ki nan kpa lipobil ki tuk binib Tidindaan aabɔr, ke u gee bi. Le Tidindaan cha bi tun lijinjiir aatun, ki mɔk ke baah len pu na, ti gbii.

Lituln 15:28

Ti ni Uwumbɔr Aafuur Nyaan kpaan kimɔbaan, kaa ban ti di nkaal mu pɔɔ na kpee nimi.

Lituln 2:4

Le Uwumbɔr Aafuur Nyaan gbiin bi mɔmɔk. Le bi len iliin yayan, Uwumbɔr Aafuur Nyaan aah cha bi len pu na.

Lituln 4:31

Baah mee Uwumbɔr doo na, le baah bi kidiik ki ponn ni na deŋ. Le Uwumbɔr Aafuur Nyaan gbiin bi mɔmɔk. Le bi kan lipobil, le ki tuk binib Uwumbɔr aabɔr.

Hiibru Yaab 2:4

Uwumbɔr mu cha bi tun lijinjiir aatun aabɔŋ aabɔŋ, waapɔɔn pu, ki tii bi Waafuur Nyaan aapiin waah gee pu na. Nima le mɔk ke bi len mbamɔn.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Tibɔkpiirkaan 2:23

ki ga ku waabim mu. Le maanib bi bi ŋipepel mɔmɔk na ga bee ke min le nyi bisui ni aah bi pu na. M ga tii ni ponn ni unii mɔmɔk waatuln aah ŋeer pu na.

1 Samuel 16:7

Le Uwumbɔr bui u ke, “Taa lik waah fɔk ki ŋan pu na pu. M yii u; ba pu? maa dak ke unibɔn aah dak pu na. Unibɔn lik tiwon la, le m ma lik unii aasui ni.”