Lituln 15:33 - Uwumbɔr aagbaŋ

³³ Bi nan yunn nima siib. Baah nan yunn nima siib na, le bi chɔi bi, ki gir buen Yesu aakpambalb chee. [

UWONBƆR A GBƆNPƆŊ LIKƆƆNL

³³ Baah nan yuur nin yaan wama-n, a bɔɔn bu, le biwonjiɛmin nan chiɛn bi nsan bu nin tikaar nin nposɔɔn, le bi jir kun ban tun bin ban.

Lituln 15:33 Iomraidhean Croise

Mpiin 26:29

saan ŋa timi bakaa ubaa, ke taah kaa nan ŋa si bakaa pu na. Ti nan ŋa si tibulchinn, le ki cha aa nyan tido nsuudoon ponn ni. Dandana wee, ni kpiir mɔk timi ke Uwumbɔr bi aa chee ki ŋa si tinyoor sakpen.”

Nnyam 4:18

Moses nan gir buen Jetro, uchool uja chee, le ki ti bui u ke, “Cha m gir buen ndo yaab chee, Ijipt aatiŋ ni, ki ti lik ke bi beenin bi aan baa ki bi.” Jetro nan kii tii u, le ki chɔi u.

Tibɔnyaan ti Mak ŋmee ti na 5:34

Le Yesu bui u, “Mbisal, saah gaa mi ki kii mbamɔm pu na, nima le cha aa pɔɔk. Li cha ni mpopiin. Saaween ngbaan aan ki fii.”

Lituln 15:22

Jems aah len ti doo na, le Yesu aakpambalb, ni Yesu aanib mɔmɔk, ni baaninkpiib kpokl ke bi ga nya bi ponn ni bijab bibaa, ki di kpee Pɔɔl ni Banabas pu, ki tun bi Antiok aatiŋ ni, bi ti di kigbaŋ ngbaan tii bi. Le bi nyan bijab bilee. Bi yin ubaa ke Judas Basabas, ki yin uken ke Sailas. Bijab bilee ngbaan nan ye biyidam le Yesu aanib ponn ni.

Lituln 15:34

Sailas ma nan gaar Antiok aatiŋ ni.]

Lituln 16:36

Le kiyondiik aaninkpel tuk Pɔɔl, “Bibɔjirb ngbaan len ke m di aa ni Sailas lii, ni li cha. Ni nya suuna ki li cha.”

1 Korenti 16:11

Nima pu na, ubaa taa lik u fam. Ni ter u man aan u gor ki ki chuun buen nibaa chee ni mpopiin, aan ki ki gir ni m chee; m nyi ubɔr ke u ni tinaabitiib ga fuu ni.

Hiibru Yaab 11:31

Rahab, u nan ye upiidagoor na, nan gaa Uwumbɔr ki kii, ki chann bipepekb tichann. Waah nan gaa Uwumbɔr ki kii pu na, le baa nan ku u buyoonn bi kuln waatiŋ aanib bi kaa kii Uwumbɔr aamɔb na.

2 Jɔnn 1:10

Unii yaa dan ni chee ki joo ni tibɔr ti kaa ye Kristo aabɔr na kan, ni taa cha u koo ni nido. Hali ni taa doon u.