Lituln 15:20 - Uwumbɔr aagbaŋ

²⁰ Cha ti ŋmee kigbaŋ tii bi, ki tuk bi ke bi taa ki ŋmɔ kitork aanann, ki taa ki gɔr kidagook, ki taa ki ŋmɔ tiwan ni bi tab ku ni na, ki taa ki ŋmɔ nsin.

UWONBƆR A GBƆNPƆŊ LIKƆƆNL

²⁰ Amaa ti li sɔb kugbɔŋ le ki sei bi, ki bei bi wee bi laa ji ibawol a jiiri, ki laa tun iwanchɔgin toon lipiibanlin bee lijabanlin ni, ki laa ŋma kuwankobug kan wee bi ŋmaan ŋmaan ki ku a nann ni, ki laa ji nchami.

Lituln 15:20 Iomraidhean Croise

Mpiin 35:2

Le Jakob bui waamaal, ni binib bimɔk nan bi u chee na ke, “Chuu nyan ŋiwaa ŋi mɔmɔk ni kpa na ki di mee man; ki ŋa nibaa chain aan ki kpeln nimi aawanpeenkaan man.

Mpiin 9:4

Taa ŋmɔ tinann ti nsin aa nyan ti ponn ni na, ni taa ji kina aawan; ba pu? limɔfal bi nsin ni la.

Nnyam 20:23

Ni taa naan tikunabr, bee salmaa aawaa ke ni li dooni ŋi ki kpee m pu.

Esekiel 33:25

“Tuk bi min Bidindaan Uwumbɔr aah len pu na: Ni ŋmɔ tinann ti nsin aa nyan ti ponn ni na. Ni dooni ŋiwaa. Ni ku binib. Ba cha ni dak ke kitiŋ ngbaan ye nimi yaak?

Esekiel 4:14

Le m nan gar ke, “Ndindaan Uwumbɔr, maa kii, maa kee bii mbaa daalbaadaal. Maah fii ubo na, maa kee ŋman kiwakork ki kpo na, bee upeel aah chuu ki na. Maa kee jin tijikaar ti kɔ na.”

Daniel 1:8

Daniel nan ŋa nlandak ke waan ji tijikaar ti ubɔr aachiln ni aanib ji na, kaan nyu baadaan mu ki bii waah dii nsan mu na; kina pu na, u nan bui Aspenas ke u ter u,

Liifai Yaab 18:6

Le Uwumbɔr nan di ikaal imina tuk bi. Ni taa doon nimi aamaal ni aapii ubaa chee.

Liifai Yaab 19:26

“Ni taa ŋmɔ tinann ti nsin beenin bi ti ni na. Ni taa li ŋani bibɔɔb aatuln ki ji inyɔk.

Liifai Yaab 3:17

Israel yaab ubaa taa ji nkpan, bee nsin. Israel yaab mɔmɔk yaa bi nin chee mɔk na kan, bi li joo likoobil ngbaan ki cha n‑yoonn mu kaa kpa ndoon na.

Nkahm 25:2

Bipiib ngbaan nan chɔi bi, le bi chaa ti ji bido yaab aawaa ŋi bi dooni ŋi na aajim. Israel yaab nan ji baah di tijikaar ti tii baawaa na,

Lituln 15:29

Ni ŋan ke ni taa ki ŋmɔ kitork aanann, ki taa ki ŋmɔ nsin, ki taa ki ŋmɔ tiwan ni bi tab ku ni na, ki taa ki gɔr kidagook. Ni yaa kii kina kan, nima le ŋan. Uwumbɔr ter nimi.”

Lituln 21:25

Tɔ, binib bi kaa ye Juu yaab ki gaa Yesu ki kii na ma kan, ti nan ŋmee kigbaŋ tii bi, ki tuk bi taah kpokl pu na, ke bi taa ki ŋmɔ kitork aanann, ki taa ki ŋmɔ nsin, ki taa ki ŋmɔ tiwan ni bi tab ku ni na, ki taa ki gɔr kidagook.”

1 Korenti 5:11

Maah len pu na le ye ke unii u len ke u dii Kristo aasan na, u yaa ye udagoor, bee unimandaan, bee uwaadaan, bee ŋisiibil daan, bee udagbiir, bee unii u ji binib pempem na kan, ni ni udaan ngbaan taa kpaan. Hali ni taa ji u chee tijikaar.

1 Korenti 6:13

Bibaa len ke lipuul pu le tijikaar bi, le tijikaar mu pu, lipuul bi. Tɔ, Uwumbɔr ga cha ni mɔmɔk nilee ŋa yɔli. Timi aawon tee aa bi kidagook aatuln pu, ti bi Tidindaan aatuln pu la. Tiwon mu ye Tidindaan yaan la.

1 Korenti 6:18

Ni di cha kidagook aatuln. Unii yaa tun titunwanbir kan, naa bi tiwon ponn ni, see kidagook aatuln. Unii u gɔr kidagook na, u ŋa uma ubaa aawon bakaa la.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

1 Korenti 7:2

Tɔ, kidagook aatuln pu, ni ŋan ke uja mɔmɔk li kpa uma ubaa aapuu, upii mɔmɔk li kpa uma ubaa aachal.

1 Korenti 8:1

Tɔ, joo cha kitork aanann aabɔr wɔb na, ti nyi ke ti mɔmɔk kpa nnyim. Nnyim cha binib kpa kipupuk la. Ngeehm le ter binib ke bi dii Uwumbɔr aasan mbamɔm.

2 Korenti 12:21

ke m yaa fuu ni ni chee ki kan ke ni ponn ni pam tun titunwanbir, ni tijɔŋ aatuln, ki gɔr kidagook, ki ŋani tiwan ni kaa ŋan na, kaa kpeln nimi aabimbin kan, ni ga bii nsui sakpen. Le Maawumbɔr ga cha m ji inimɔɔn ni pu.

Galantiya 5:19

Mbimbikpok aatuln bi lipaal la. Binib bi dii kina na le gɔr kidagook, ki tun tijɔŋ aatuln, ni inimɔɔn aatuln,

Efesusi 5:3

Naah ye Uwumbɔr aanib na, ni taa gɔr kidagook, ki taa tun tijɔŋ aatuln libaa, ki taa li kpa iniman. Ni taa po len lituln limina aaboln aabɔr.

Ikaal 12:16

Tɔ, ni taa kpaan ŋmɔ tiwakor ngbaan aanann aan nsin li bi ti ponn ni. Ni kɔr tiwakor ngbaan ki nyan taasin kpir kitiŋ, ke naah kpir nnyun pu na.

Ikaal 14:21

“Ni taa ji kiwakork ki kpo kibaa pu na. Ni ga ŋmaa di ki tii biwɔwɔm bi koo ni chee na, bee ni ga ŋmaa di kooh tii biwɔwɔm biken. Nimi ma kan, Nidindaan Uwumbɔr le yeh nimi; ni ye waanib la. “Ni taa di upiih, bee uŋoob aabiin ŋaa waabo.

Ikaal 15:23

Ni taa di naasin ŋa tijikaar ki ji, ni pɔɔn nibaa ki di mu kpir ke naah kpir nnyun pu na.

Kolosiya 3:5

Nima pu na, kuln man tiwon aah ban pu na, ki taa gɔr kidagook, ki taa tun tijɔŋ aatuln, ki taa li ban tiwan ni kaa ŋan na, ki taa li kpa iniman. Unii u kpa iniman na aa dii Uwumbɔr, u dii liwankpal la.

1 Tesalonika 4:3

Uwumbɔr aageehn le ye ke ni li bi chain, ki taa gɔr kidagook.

Hiibru Yaab 12:16

Ni li nyi man, ubaa mu taa gɔr kidagook. Ubaa mu taa lik Uwumbɔr fam ke Esɔ aah nan ŋa pu na. Tijikaar pu, le u nan di ubopol aafaal kooh.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

1 Piita 4:3

Ni nan tun titunwanbir n‑yoonn mu jer na; ni ŋeer kina. Ni nan ŋani ke binib bi kaa nyi Uwumbɔr na aah ŋani pu na, ki dii bipiib, ki dii tiwan ni kaa ŋan na aakpeek, ki nan kuuni tɔb ki nyun ndaan gbii, ki tun lituln li kaa ŋan na, ki dii ŋiwaa ŋi sukr ponn ni na.

Tibɔkpiirkaan 10:2

U joo kigbaŋ waatiir ki kpar na uŋaal ni. Le u di utaagiil taa nnyusakpem pu, le ki di utaagal mu taa kitiŋ pu,

Tibɔkpiirkaan 10:8

Nneel mu m ŋun paacham na ki len m chee ki bui mi ke m li cha ti gaa kigbaŋ ki kpar ki bi Uwumbɔr aatuun u si nnyusakpem, ni kitiŋ pu na aaŋaal ni na.

Tibɔkpiirkaan 2:14

Tɔ, m mu galn nimi tibɔr tibaa pu. Ba pu? Ni ponn ni bibaa joo Balaam aamɔkm; uma le nan mɔk Ubɔr Balak waah ga ŋa pu ki tɔŋ Israel yaab bi ti ŋmɔ libaawol aanann, ki gɔr kidagook, aan Uwumbɔr daa bitafal na.

Tibɔkpiirkaan 2:20

Tɔ, m mu galn nimi; ba pu? ni ŋmin ki lik Jesebel, upii u len ke u ye Uwumbɔr aabɔnabpii kaa ye na. U ŋmanni maatutum, ki tuk bi ke bi yaa gɔr kidagook ki ŋman libaawol aanann kan, naa bir.

Tibɔkpiirkaan 9:20

Binib bi gur kaa kpo iween ngbaan pu na aa kpeln baabimbin, kaa di cha baah ŋani ŋiwaa ŋi na. Bi beenin dooni tininkpiwanbir, ni ŋiwaa ŋi bi nan di salmaa, ni tikunabr, ni tikur, ni ŋitakpal, ni idɔ naan ŋi na, ŋiwaa ŋi kaa waa, ki mu aa ŋun tibɔr, ki mu aa ŋmaa chuun na.

1 Samuel 14:32

Kina pu le bi buen ti lir baah gaa tiwan ni baadim chee na, ki chur baawakor, ki kɔr ti libuul ngbaan ni, ki ŋman tinann ti beenin kpa nsin na.

1 Samuel 14:33

Le unii ubaa bui Sɔɔl ke, “Lik, binib ngbaan bi tun Uwumbɔr titunwanbir ki ŋmɔ tinann ti beenin kpa nsin na la.” Le Sɔɔl bui bi, “Ni ye binibiib la. Biln man litakpasakpeln tii ni mi do.”