Lituln 14:15 - Uwumbɔr aagbaŋ

¹⁵ “Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

UWONBƆR A GBƆNPƆŊ LIKƆƆNL

¹⁵ “Bininfob nan, ba ŋa wee ni tun man naa? Ti tɔɔl le ye bininfob le ke naah ye man nin. Ti ŋmagin tibɔŋann le ti nan sei ni wee ni jiɛn dulinya nan a wann yɔɔra wee ki li nɔɔ Uwonbɔr Wan fo-n, Wan naan paab nin tum nin imɔg nin nan biɛn be i yaan.

Lituln 14:15 Iomraidhean Croise

Mpiin 1:1

Mpiin na Uwumbɔr nan naan kitiŋ,

Mpiin 41:16

Le Josef bui u ke, “Ubɔrkpaan, maan ŋman. Uwumbɔr le ga cha m nabr ti mbamɔm.”

1 Bibɔrb 16:13

Baasa ni ujapɔɔn Ela aawaa aadiim pu, ni baah di Israel yaab koon titunwanbir aatuln ni na pu, le bi nan fiin bima Israel yaab Aadindaan Uwumbɔr aaŋuul.

1 Bibɔrb 16:26

Waatunwanbir, ni waah nan cha Israel aanib mu tun titunwanbir ki dooni ŋiwaa ke Jeroboam u nan puen u jin nnaan na aah nan tun pu na, le nan fiin bima Israel yaab Aadindaan Uwumbɔr aaŋuul.

2 Bibɔrb 19:16

Uwumbɔr, ŋun timi aameel ki lik tiwan ni bi ŋani timi na. Li pel tiwan ni mɔmɔk Senakerib len ki joo seei si Uwumbɔr u bi kaa kpa ndoon na.

2 Bibɔrb 19:4

Asiria aatiŋ aabɔrkpaan tun ni waaninkpiib aaninkpel ke u nan seei Uwumbɔr u bi kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Ilahn 115:15

Uwumbɔr u naan paacham ni kitiŋ na ŋa waanyoor ŋa ni pu.

Ilahn 124:8

Timi aaterm nyani Uwumbɔr u naan paacham ni kitiŋ na chee la.

Ilahn 31:6

Saa gee binib bi dooni ŋiwaa na, le mma tii si naadii.

Ilahn 33:6

Uwumbɔr len, le paacham naan, le ki ki len, le nwiin, ni uŋmal, ni iŋmabi naan.

Nnyam 20:11

Iwiin iloob le min Uwumbɔr di naan dulnyaa, ni kitaapaak, ni nnyusakpem, ni tiwan ni mɔmɔk bi ni ponn ni na, ki di winlole daal fuur. Nima pu le min Uwumbɔr ŋa tinyoor ŋa winlole daal pu ki ŋa mu chain.

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Aisaya 45:20

Uwumbɔr bui ke, “Kuun ni man tɔb chee, nimi ŋitimbol mɔk aanib; nimi bi ga ŋmar litimbiil ngbaan aalirm ni na; li joo ni man nibaa aan bi nan ji nimi tibɔr. Binib bi kuun ŋiwaa ŋi bi di isui kpii ŋi na, ki dooni ŋiwaa ŋi kaan ŋmaa gaa bi lii na, binib ngbaan aa nyi nibaa kpala.

Aisaya 46:7

Bi ga yoor li ki di buŋ bibɔgbin pu, ki ti di li siin, le li si nima, kaan ŋmaa chuun buen nibaa chee. Unii yaa mee li kan, laan ŋmaa kii, kaan ŋmaa nyan u tibɔbir ni.

Jeremia 10:8

Bi mɔmɔk jɔr le ki ye bilatiirb. Baan ŋmaa bae nibaa ŋiwaa chee, ŋi ye ŋisugen la.

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Jeremia 32:17

“Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Jeremia 51:15

Uwumbɔr di waapɔɔn le naan kitiŋ kee, waalan le u di naan dulnyaa le ki daa taln kitaapaak.

Jeremia 8:19

Li pel man, m ŋun maanib aawiil pu kitiŋ kee mɔmɔk pu, “Uwumbɔr aa ki bi Sionn aatiŋ ni la aa? Sionn aatiŋ aabɔr aa ki bi la aa?” Le Bidindaan Uwumbɔr, u ye baabɔr na gar ke, “Ba ŋa ni dooni nimi aawaa ki gbaani biwɔwɔm aawaa ŋi kaa kpa tinyoor tibaa na aanimbiin ni ki fiini maaŋuul?”

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Amos 2:4

Uwumbɔr ki len ke, “Juda yaab aah tun titunwanbir n‑yoonn mɔmɔk pu na, kina le ga cha m sil daa bitafal. Bi lik maamɔkm fam, kaa kii maamɔb. Biyaajatiib aah nan dii inyamɔn aawaa ŋi na le ŋmann bi koon timoor ni.

Jona 2:8

Binib bi dooni ŋiwaa ŋi kaa po kpa tinyoor tibaa na yii saanimbaasaln.

Sekaria 12:1

Uwumbɔr aah nan len Israel aabɔr ti na sɔ. Uma le ye Uwumbɔr u taln kitaapaak na. Uma le naan kitiŋ, le ki tii unibɔn limɔfal. U len ke,

Matiu 16:16

Le Simonn Piita bui u, “Aa ye Kristo u ga gaa binib lii na. Aa ye Uwumbɔr u fu na Aajapɔɔn la.”

Jɔnn 5:26

Nte Uwumbɔr ye Umɔfadaan la, le ki ŋa min Ujapɔɔn mu Umɔfadaan,

Jɔnn 7:18

Unii u len ubaa pu na, u ban ke binib nyuŋ u la. Unii u ban ke binib nyuŋ unii u tun ni u na, uma le ye mbamɔndaan, kaa ŋmanni binib.

Lituln 10:26

Le Piita fiin u, ki bui u, “Fii sil. M po ye unibɔn la.”

Lituln 13:32

Timi le joo ni tibɔnyaan ngbaan nan tuk nimi. Uwumbɔr nan puu tipuur tii tiyaajatiib. Timi le ye tiyaajatiib aayaabitiib. Waah puu tipuur ti tii tiyaajatiib na, u gbiin tipuur ngbaan dandana wee tii timi, ki fikr Yesu nkun ni. Uwumbɔr aalahn aagbaŋ ponn ni, ŋiyil ŋilee, le Uwumbɔr len Yesu chee ke, ‘Sin le ye Maabo, din wee le m ma si.’

Lituln 14:21

ki ti tuk nima chee aanib tibɔnyaan ngbaan. Le binib pam gaa ti, ki dii Yesu aasan. Le Pɔɔl ni Banabas nyan nima ki ki labr buen Listra aatiŋ ni, ni Ikonium aatiŋ ni, ni Antiok aatiŋ ki bi Pisidia aapepel ni na.

Lituln 14:7

Le bi tuk nima chee aanib tibɔnyaan ngbaan.

Lituln 16:30

Le u nyan bi lipaal, ki baa bi, “Ndindatiib, m ga ŋa kinye aan ki ŋmar?”

Lituln 27:10

“Njɔtiib, ti yaa ki joo buŋɔb kan, m nyi ke ti ga kan linimaln. Ŋitun ni buŋɔb na ga bii. Binib pam mu ga kpo ti ponn ni.”

Lituln 27:21

Tɔ, baa nan ki ji tijikaar, ni ti yunn. Baah kaa ki ji tijikaar ni yunn na, le Pɔɔl fii sil binimbiin ni, ki bui bi, “Njɔtiib, ni yaa ba pel maah nan len pu na, ki yaa kaa ba nyan ni Krete aadikl ni kan, ni ba ga li ŋan. Timi aawan aa ba ga bii.

Lituln 27:25

Njɔtiib, nima pu na, chuu nibaa man. M pak ke Uwumbɔr ga ŋa waah tuk mi pu na.

Lituln 4:24

Baah ŋun kina na, le bi mɔmɔk kpaan kimɔbaan, ki mee Uwumbɔr, ki len ke, “Mpɔɔnsakpiindaan, sin le nan naan paacham, ni kitiŋ, ni nnyusakpem, ni tiwan nimɔk bi ni mɔmɔk ponn ni na.

Lituln 7:26

Le ni woln le u ti kan Israel yaab bilee bi jaa. U nan ban ke u par bi, le ki bui bi, ‘Njɔtiib, ni ye naabitiib la. Ba ŋa ni ŋani tɔb bakaa?’

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

Efesusi 4:17

Ni taa li dii ke binib bi kaa nyi Uwumbɔr na aah dii pu na. Tidindaan aayimbil pu, le m len tibɔr timina. Baalandak mɔmɔk ye ilandak yɔli la.

Ikaal 32:21

Baah dii ŋiwaa ŋi na le cha liŋuul chuu mi. Baawaa ŋi kaa ye nibaa aan bi dii ŋi na le cha lipiipoln chuu mi. Nima pu na, m mu ga cha litimbol li kaa ye nibaa na le ŋa bi liŋuul. M ga cha bi li kpa lipiipoln litimbol li aanib ye bijɔrb na pu.

Ikaal 5:26

Unibɔn ubaa kee ŋun Uwumbɔr u bi n‑yoonn mɔmɔk na bi mmii ni ki len u chee tibɔr, aan udaan ki bi, ki kpa limɔfal aa?

1 Tesalonika 1:9

Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

1 Timoti 3:15

m yaa yunn kan, aa ga bee mbimbin mu ŋan tii Uwumbɔr Aadichal ni aanib, bi ye Uwumbɔr u ye limɔfadaan na aanib na. Waabɔr ti ye mbamɔn na bi biŋaal ni la, le bi joo ti.

Hiibru Yaab 3:12

Nnaabitiib, ni li nyi man, ni ponn ni ubaa aasui taa li bir aan u li joo beeni ki yii Uwumbɔr u ye limɔfadaan na.

Jemisi 5:17

Elaija nan ye unibɔn ke ti mu aah ye pu na la. Le u mee Uwumbɔr linimaln ke utaal taa nu. Le ŋibin ŋitaa ni iŋmal iloob utaal aa nan nun kitiŋ ngbaan ni.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

Tibɔkpiirkaan 14:7

Le Uwumbɔr aatuun ngbaan len mpɔɔn pu ke, “Ni li san Uwumbɔr, ki nyuŋ u man; ba pu? ni ŋeer u ji binib tibɔr. Ni li pak Uwumbɔr u nan naan paacham, ni kitiŋ, ni nnyusakpem, ni nnyun mɔmɔk na.”

Tibɔkpiirkaan 19:10

Le m gbaan kitiŋ utaafar chee, le ki ban ke m pak u. Le u bui ke m taa ŋa kina; ba pu? u mu po ye m ni nnaabitiib bi joo tibɔr ti Yesu kpiir na aatutuŋeer la, ke m pak Uwumbɔr baanja. Tɔ, tibɔr ti Yesu kpiir na le tii waabɔnabtiib mpɔɔn ke bi len.

Tibɔkpiirkaan 19:19

Le m kan upeel ngbaan, ni dulnyaa aabɔrb ni baajab mɔmɔk kuun tɔb chee, bi ti to unii u dik utaan pu na, ni waatuuntiib butɔb.

Tibɔkpiirkaan 22:9

Le u bui mi ke, “Taa ŋa kina. Pak Uwumbɔr baanja. M mu ye saatutuŋeer ubaa la, ni Uwumbɔr aabɔnabtiib bi ye aanaabitiib na aatutuŋeer la, ni binib bi kii kigbaŋ kee aabɔr na aatutuŋeer la.”

Tibɔkpiirkaan 4:11

“Tidindaan Uwumbɔr, si le ŋeer ke ti pak si, ki nyuŋ si, ki ŋeer aa li kpa mpɔɔn; ba pu? si le naan tiwan mɔmɔk. Saageehn pu le aa nan naan tiwan mɔmɔk. Saageehn pu le ni mɔmɔk bi.”

1 Samuel 12:21

Taa chuun dii ŋiwaa man, ŋi ye yɔli la. Ŋiwaa aan ŋmaa ter nimi, kaan ŋmaa gaa nimi lii mu, ba pu? ŋaa fu.

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.