Lituln 13:5 - Uwumbɔr aagbaŋ

⁵ le ki fuu kitiŋ ki bi lidikl ngbaan paab na, bi yin ki ke Salamis. Baah fuu nima na, le bi koo Juu yaab aameen aadir ni, ki tuk binib Uwumbɔr aabɔr. Jɔnn Mak mu nan dii bi, ki ter bi.

UWONBƆR A GBƆNPƆŊ LIKƆƆNL

⁵ Baah nan foo Salami nan, le bi kɔɔ Juu yaab a wonjiɛndirin le ki mɔɔn Uwonbɔr a bɔr ki tenn bi. Jɔnn le nan be bi ban ki ter bi.

Lituln 13:5 Iomraidhean Croise

1 Bibɔrb 19:21

Le Elaisa gir waanaa ngbaan chee, ki ti kɔr i mɔmɔk, le ki di yaadɔ i pui isil pu na ŋaa yaanann. U nan di tinann ngbaan tii binib ngbaan, le bi ŋman ti. Le u buen ti dii Elaija ki ye waateter.

1 Bibɔrb 19:3

Elaija nan san ijawaan, le ki san; u nan di waatutunn buen Beerseba aatiŋ ki bi Juda aatiŋ pu na. U nan di waatutunn ngbaan lii nima,

2 Bibɔrb 3:11

Le Ubɔr Jehosafat baa u ke, “Uwumbɔr aabɔnabr ubaa aa bi do aan ti cha u baa Uwumbɔr tii timi ii?” Le Ubɔr Joram aajab aaninkpel ubaa bui ke, “Safat aajapɔɔn Elaisa bi do. U nan ye Elaija aateter la.”

Nnyam 24:13

Le Moses ni waateter Josua gor bibaa, le Moses piin ki bi joi Uwumbɔr aajool ngbaan paab.

Matiu 20:26

Nima taa li bi kina man. Ni ponn ni ubaa yaa ban ke u li ye uninyuun kan, u ŋa ubaa ni mɔmɔk aatutunn.

Lituln 12:12

Tɔ, Piita nan bee waabɔr aah bi pu na, le ki buen Mari, u ye Jɔnn Mak aana na do. Kinipaak nan bi nima, ki bi mee Uwumbɔr.

Lituln 12:25

Banabas ni Sɔɔl ma kan, baah nan di ŋimombil tii Yesu aanib aaninkpiib na, le bi di Jɔnn Mak nyan Jerusalem ni, ki labr buen Antiok aatiŋ ni.

Lituln 13:14

Le bi nyan Pega aatiŋ ni, ki buen ti fuu Antiok aatiŋ ki bi Pisidia aapepel ni na. Juu yaab aakpaakool daal, le bi koo kal mmeen aadiik ni.

Lituln 13:46

Le Pɔɔl ni Banabas kpa lipobil ki bui Juu yaab ngbaan, “Ni ŋan ke ti puen tuk nimi Uwumbɔr aabɔr. Le ni yii, kaa kii, kaa dak ke ni ŋeer ni kan limɔfal li kaa kpa ndoon na. Kina pu na, ti ga di cha nimi, ki tuk binib bi kaa ye Juu yaab na Uwumbɔr aabɔr.

Lituln 14:1

Pɔɔl ni Banabas nan ti fuu Ikonium aatiŋ ni, ki koo mmeen aadiik ni, ki kpa mpɔɔn ki tuk binib Uwumbɔr aabɔr. Nima pu na, binib pam nan gaa Yesu ki kii, bi ye Juu yaab, ni bi kaa ye Juu yaab na mu.

Lituln 15:37

Le Banabas ban ke Jɔnn Mak dii bi.

Lituln 17:17

Likpaakool daal le u koo mmeen aadiik ni, ki tuk Juu yaab, ni binib bi pak Uwumbɔr na Yesu aabɔr. Le bi gbaa tɔb chee tibɔr ngbaan. Idaa mɔmɔk u nan chaa kinyaŋ ni, ki ti tuk binib bi bi nima na Yesu aabɔr. Le u ni bi gbaa tɔb chee tibɔr ngbaan.

Lituln 18:4

Likpaakool daal mɔmɔk kan, Pɔɔl nan chaa mmeen aadiik ni. Juu yaab ni Griik yaab mu nan bi nima. Le u ni bi gbaa tɔb chee Yesu aabɔr. Le u pɔɔni ubaa ki ban ke bi gaa Yesu ki kii.

Lituln 19:22

Le u nyan binib bi ter u na ponn ni bilee, bi yin ubaa ke Timoti, ki yin uken ke Erastus, le ki cha bi loln u pu nsan ki cha Masedonia aatiŋ ni. Uma Pɔɔl nan laa beenin bi Asia aatiŋ ni, ki yunn siib.

Lituln 19:29

Le kitiŋ ngbaan aanib mɔmɔk kpa kifuuk ki ŋma tijar, le ki chuu Pɔɔl aajɔtiib bilee, Gayus ni Aristakus, ki di san mala buen binib aah kuuni nin chee na, mpaan sakpiin ni. Gayus ni Aristakus nan ye Masedonia aatiŋ aanib bilee bi dii Pɔɔl waasachuln ponn ni na la.

Lituln 19:8

Likpaakool mɔmɔk daal kan, Pɔɔl nan chaa mmeen aadiik ni, ki ti saa iŋmal itaa, ki len binib chee ni lipobil, le ki tuk bi Uwumbɔr aanaan aabɔr. Le bi ni Pɔɔl gbaa tɔb chee tibɔr ngbaan. Pɔɔl nan pɔɔni ubaa ke u mɔk bi ke waah len ti na gbii.

Lituln 9:20

Libuul ngbaan ni le u koo mmeen aadir ni, ki ti tuk binib Yesu aabɔr, ke u ye Uwumbɔr Aajapɔɔn la.

Kolosiya 4:10

Aristakus u bi kiyondiik ni m chee na dooni nimi. Mak, u ye Banabas aaninkpan aajapɔɔn na, u mu dooni nimi. M nan tuk nimi naah ga ŋa u pu na. U yaa dan ni chee kan, ni gaa u iŋaal ilee.

2 Timoti 4:11

Luk baanja le bi m chee. Li joo ni Mak ki dan. U ga ŋmaa ter mi, Uwumbɔr aatuln ni.