Lituln 13:34 - Uwumbɔr aagbaŋ

^34-35 Tɔ, Uwumbɔr ki bui ke: ‘M ga sil ŋa tinyoor ti bi chain na ŋa ni pu, ke maah puu tipuur tii Ubɔr David pu na.’ Uwumbɔr ki len kigbaŋ kibaa ponn ni: ‘Maan cha maabo u ye chain na aawon bur.’” Tɔ, Pɔɔl nan ki len ke, “Uwumbɔr aah len pu na, naatataa le ye ke u fikr Yesu nkun ni. Waan ki kpo. Waawon aan bur.

UWONBƆR A GBƆNPƆŊ LIKƆƆNL

³⁴ Ibamɔn ke Uwonbɔr nan fiin u nkumin na, le waa buri, ni piin imɔbon nan yaan le: ‘N yin ta tikaar tan ye kasi a kaar tan wee N nan siin limɔsiinl ki sei Defid nan le.’

Lituln 13:34 Iomraidhean Croise

2 Samuel 23:5

Kina le Uwumbɔr ga ŋa waanyoor ŋa n‑yaabitiib pu; ba pu? u puu tipuur ti kaa kpa ndoon na tii mi, kimɔbaan ki kaan bii na, tipuur ti kaan kpeln na. Kina baanja le m ban, nima le ga li ye maanyaŋ, le Uwumbɔr ga sil cha li dan.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Jeremia 30:9

Bi ga li gur tun min Bidindaan Uwumbɔr aatuln, ni maah ga nyan Ubɔrkpaan David aayaabil u kaan nnaan na aatuln la.

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Amos 9:11

Uwumbɔr ki len ke, “Nwiin mubaa choo, buyoonn m ga ki gir maa Ubɔrkpaan David aanaan mu bi ke lidichal li ber doo na. M ga ki gir fiin mu. M ga ki fiin mu siin ke mu aah nan bi pu n‑yaayoonn na.

Sekaria 12:8

N‑yoonn ngbaan kan, Uwumbɔr ga li kii binib bi bi Jerusalem ponn ni na, le ki cha udaburdaan u ŋmal bi ni na pɔɔk, ke David aah nan bi pu na. David aayaabitiib le ga loln bi pu nsan ke Uwumbɔr aatuun na. U ga loln bi pu nsan ke Uwumbɔr ubaa na la.

Lituln 13:30

Le Uwumbɔr fikr u nkun ni.

Lituln 13:37

Yesu u Uwumbɔr fikr u nkun ni na, uma aawon aa bur.

Lituln 2:24

Uwumbɔr le fikr u nkun ni ki bii nkun aapɔɔn, kaa cha nkun joo u.

Rom Yaab 6:9

Ti nyi ke waah fikr nkun ni na, waan ki kpo. Nkun aa ki kpa mpɔɔn u chee.