Lituln 13:32 - Uwumbɔr aagbaŋ

^32-33 Timi le joo ni tibɔnyaan ngbaan nan tuk nimi. Uwumbɔr nan puu tipuur tii tiyaajatiib. Timi le ye tiyaajatiib aayaabitiib. Waah puu tipuur ti tii tiyaajatiib na, u gbiin tipuur ngbaan dandana wee tii timi, ki fikr Yesu nkun ni. Uwumbɔr aalahn aagbaŋ ponn ni, ŋiyil ŋilee, le Uwumbɔr len Yesu chee ke, ‘Sin le ye Maabo, din wee le m ma si.’

UWONBƆR A GBƆNPƆŊ LIKƆƆNL

³² Ti bei ni tibɔŋann nin le: Tan wee Uwonbɔr nan siin limɔsiinl ki sei ti yaajamin.

Lituln 13:32 Iomraidhean Croise

Mpiin 12:3

M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”

Mpiin 22:18

Aayaabitiib pu, le m ga ŋa tinyoor ŋa ŋinibol mɔmɔk pu, ni mu ye le ke aa kii maamɔb la.”

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 3:15

Aa ni upii ngbaan ga li ye tɔb aadim la. Saabim ni waabim mu ga li ye tɔb aadim la. Uyaabil ga faa wii aayil, le aa mu ga gaa utaagbeln.”

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 41:27

Min Uwumbɔr le nan puen tuk Sionn yaab tibɔpɔnn ngbaan; M nan tun ntuun Jerusalem aatiŋ ni ke u ti len ke, ‘Saanib choo. Bi choo kun ni la.’

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Jeremia 23:5

Uwumbɔr ki bui ke, “N‑yoonn choo le m ga nyan Ubɔr David aayaabitiib ponn ni ubɔr u aabimbin ŋan na. Ubɔr ngbaan ga di nlan le joo waanib ki li ŋani tiwan ni ŋan ki tok na kitiŋ ngbaan pu.

Esekiel 34:23

M ga tii i upihkpaal ke maatutunn David na, aan uma baanja li ye yaapihkpaal, le u ga li joo i mbamɔm.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Hagai 2:7

M ga nyaŋ ŋitimbol mɔmɔk, ki joo ni ŋaawangol do, le liwangol ga gbiin Maadichal ni.

Sekaria 13:1

Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na.

Sekaria 13:7

Uwumbɔr Mpɔɔnsakpiindaan bui ke, “Kijaak aajuk, finn ngeen pu, ki ti tak upihkpaal u tun maatuln na. Ku u, ki cha ipiih yaa.

Sekaria 6:12

Bui u ke Uwumbɔr Mpɔɔnsakpiindaan bui ke, ‘Uja u bi yin u ke Mbon na ga pɔr waah bi nin chee na, ki gir maa min Uwumbɔr Aadichal.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Malakai 3:1

Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Tibɔnyaan ti Luk ŋmee ti na 1:19

Le Uwumbɔr aatuun ngbaan bui u, “M ye Gabriel u si Uwumbɔr aanimbiin ni na la. U tun ni mi ke m nan tuk si tibɔnyaan tee.

Tibɔnyaan ti Luk ŋmee ti na 2:10

Le Uwumbɔr aatuun ngbaan bui bi, “Taa san ijawaan man. M joo ni tibɔnyaan ti ga tii binib mɔmɔk mpopiin sakpen na la.

Lituln 10:36

Ni nyi ke Uwumbɔr tuk Israel yaab tibɔnyaan. Tibɔnyaan tee le ye ke Uwumbɔr ga tii bi nsuudoon Yesu Kristo pu. Uma le ye ti mɔmɔk Aadindaan.

Lituln 13:23

Tɔ, Uwumbɔr nan puu tipuur ke u ga tun unii Israel yaab chee, ke u gaa bi lii. Yesu le u tun ni u bi chee, ke u gaa bi lii. Uma le ye Ubɔr David aayaabil ubaa.

Lituln 13:38

Tijɔtiib, ti tuk nimi ke Uwumbɔr ga di cha nimi aatunwanbir pinn nimi Yesu pu. Binib bimɔk gaa Yesu ki kii na, Uwumbɔr ga di cha pinn bi, ki nyan bi baatunwanbir ni. Moses aakaal aa ŋmaa di cha pinn binib, kaa ŋmaa nyan bi baatunwanbir ni. Ti ban ke ni li nyi tibɔr timina mbamɔm.

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Lituln 26:6

M kpa limakl ke Uwumbɔr ga gbiin tipuur ti u nan puu tii tiyaajatiib na. Nima le cha ni ji mi tibɔr din.

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Lituln 5:42

Idaa mɔmɔk le bi chaa Uwumbɔr Aadichal ni, ni binib do, ki ti tuk binib Uwumbɔr aabɔr ki mooni tibɔnyaan tee, ke Yesu le ye Kristo u gaa binib lir na.

Rom Yaab 1:2

N‑yaayoonn na, Uwumbɔr nan puu tipuur ke u ga tii timi tibɔnyaan tee. Le waabɔnabtiib ŋmee ti waagbaŋ ki ye chain na ponn ni.

Rom Yaab 10:15

Uwumbɔr yaa kaa tun bi ke bi ti moon waaliin kan, bi ga ŋa kinye aan ki moon i? Ni ŋmee Uwumbɔr Aagbaŋ ni ke, “Binib bi joo ni tibɔnyaan ti tii timi nsuudoon na, bi tii timi mpopiin pam.”

Rom Yaab 4:13

Uwumbɔr nan puu tipuur tii Abraham ni uyaabitiib, ke bima le ga li yeh dulnyaa. Naa ye ke bi joo Uwumbɔr aakaal le ga cha bi kan tipuur ngbaan. Bi gaa Uwumbɔr ki kii la, le u len ke baabɔr ŋan. Nima le ga cha bi kan tipuur ngbaan.

Rom Yaab 9:4

Bi ye Israel yaab la. Uwumbɔr nan ŋa bi waabim, ki nyuŋ bi, ki puu tipuur tii bi, ki tii bi waakaal, ki mɔk bi baah ga li dooni u pu na, ki bui bi waah ga ŋa tinyoor pu ki ŋa bi pu na.

Ikaal 18:15

U ga tun ni waabɔnabr u li bi ke min na, udaan ga li ye ninaabitiib ponn ni ubaa la. Ni ŋun tii u.