Lituln 13:21 - Uwumbɔr aagbaŋ

²¹ N‑yoonn ngbaan le bi len ke bi ban ubɔr, u li joo bi. Baah len kina na, le Uwumbɔr nyan Sɔɔl, u nan ye Kis aajapɔɔn na, u li ye baabɔr. U nan ye Benjaminn aanibol ponn ni aanii, ki nan joo bi ŋibin imonko ilee la.

UWONBƆR A GBƆNPƆŊ LIKƆƆNL

²¹ Le bininfob nan nan bei Uwonbɔr ke un sei bi ubɔr, le Uwonbɔr gann Sɔɔl, wan ye Kisi a bija nan, u nan ye Bɛnjamɛnn a bol a ninfou le, le u ŋmag nnaam nmɔn ki tan kpaa ibin pina.

Lituln 13:21 Iomraidhean Croise

1 Samuel 10:1

Le Samuel yoor likpasambil ki di mu kpir Sɔɔl aayil pu, ki moor utakpiln, le ki bui u ke, “Uwumbɔr le toor si ke aa li ye Israel aanib aajojoor. Sin le ga li joo waanib ki kii bi, baadim taa pii bi. Nimina le ga li ye seeraa u ga mɔk ke Uwumbɔr lee si ke aa li ye waanib aajojoor na:

1 Samuel 11:15

Kina pu le bi mɔmɔk buen Gilgal. Nima chee, Uwumbɔr aanimbiin ni, le bi ti ki kaan Sɔɔl nnaan. Bi nan toor kimɔbaan aatork tii Uwumbɔr, le Sɔɔl ni Israel aanib mɔmɔk kpaan jin kitork ngbaan nima chee.

1 Samuel 15:1

Samuel nan bui Sɔɔl ke, “Min le Uwumbɔr tun ni ke m nan kaan si nnaan, aa li ye waanib Israel yaab aabɔr. Tɔ, li pel Uwumbɔr u yeh mpɔɔn mɔmɔk na aah kpa pu u bui si na.

1 Samuel 8:5

le ki ti bui u ke, “Lik, aa bi por la, le aajapɔtiib mu aa dii saasan. Kina pu na, nyan ubɔr u ga li joo timi na, aan ti mu li kpa ubɔr ke ntim muken aah kpa pu na.”

1 Samuel 9:1

Uwankpadaan ubaa nan bi n‑yoonn ngbaan, bi nan yin u ke Kis, u ye Benjaminn aanibol aanii la. Ute le nan ye Abiel, le uyaaja ye Seror, ki ye Bekoraf aadiik ni aanii, ki ye Afia aataŋaal ponn ni aadichal.

1 Samuel 9:15

Ki nin woln bundaal aan Sɔɔl kan Samuel na, Uwumbɔr nan bui Samuel ke,