Lituln 13:19 - Uwumbɔr aagbaŋ

¹⁹ le ki nin jenn nyan ŋinibol ŋilole Kanaann aatiŋ ni, ki di kitiŋ ngbaan yakr ke lifaal na tii bi. Buyoonn bi nan koo Ijipt aatiŋ ni na, ki ti saa bundaln bi nan gaa Kanaann aatiŋ na, nan ye ŋibin ikui inaa ni piiŋmu la.

UWONBƆR A GBƆNPƆŊ LIKƆƆNL

¹⁹ le u bii ibol ilile yan be Kenann a tiŋin nin, le ki che u tɔɔl a ninfob gaa kitiŋ nmɔn le ki kpann bi faal.

Lituln 13:19 Iomraidhean Croise

Mpiin 12:5

Abram nan yoor upuu Sarai, ni Lot u ye unaal Harann aajapɔɔn na, ni waawangol mɔmɔk, ni waanaagbiib bi mɔmɔk bi u nan kan Harann aatiŋ ni na, le bi piin ki cha Kanaann aatiŋ ni. N‑yoonn mu bi ti fuu Kanaann aatiŋ ni na,

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

1 Bibɔrb 6:1

Israel aanib aah nan nyan Ijipt aatiŋ ni na, ŋibin ikui inaa ni imonko inaa le nan jer. Solomonn aah nan jin Israel aanaan na aabinanar aaŋmalee, u bi yin u ke Sif na ponn ni, le Solomonn nan piin Uwumbɔr Aadichal aamaam.

Nehemia 9:24

Bi nan jan ki gaa Kanaann aatiŋ; aa nan nyaŋ binib bi koo nima na tii bi. Aa nan tii saanib mpɔɔn ke bi ŋa Kanaann aatiŋ aanib, ni baabɔrb, baah gee pu na.

Ilahn 135:11

u nan ku Amor yaab aabɔr Sihonn, ni Basann yaab aabɔr Og, ni Kanaann aatiŋ aabɔrb mɔmɔk.

Ilahn 78:55

Waanib aah tur koo ni pu na le u jenn ntim ngbaan aanib le ki yakr baatim tii Israel aanibol ki di bido tii waanib ngbaan.

Aisaya 34:17

Uwumbɔr le ga yakr kitiŋ ngbaan tii tiwan ngbaan, ki tii ni mɔmɔk naatim. Ni ga li koo kitiŋ ngbaan pu n‑yoonn mɔmɔk, aan ki li ye naatiŋ n‑yoonn mu kaa kpa ndoon na.

Lituln 7:45

Tiyaajatiib nan di libool ngbaan tii baabim. Baabim ni baayidaan Josua mu nan yoor libool ngbaan, le ki buen bi ti gaa kitiŋ ki Uwumbɔr jenn binib nima na. Le libool ngbaan nan bi nima, ki ti saa Ubɔr David aayoonn.

Ikaal 7:1

“Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Josua 14:1

Tibɔr ti paa na le ye baah nan yakr Kanaann aatiŋ, Jɔɔdann Aamɔɔl aawilir wɔb tii Israel yaab pu na. Utotoor Eleasar, ni Nunn aajapɔɔn u bi nan yin u ke Josua na, ni Israel yaab aanibol aamaal aaninkpiib le nan yakr kitiŋ tii Israel yaab aanib mɔmɔk.

Josua 18:10

Le Josua too inaan ki baa Uwumbɔr, le u mɔk Josua waah ga di nin chee tii ŋinibol ngbaan mɔmɔk na.

Josua 19:51

Utotoor Eleasar, ni Nunn aajapɔɔn Josua, ki kpee Israel yaab aanibol aaninkpiib le nan yakr ntim ngbaan tii bi mɔmɔk; bi nan too inaan ki mee Uwumbɔr, Silo aatiŋ ni, Uwumbɔr aah bi Libool li ni na aabisamɔb chee. Kina le bi nan ŋa, le ki yakr kitiŋ ngbaan doo.

Josua 23:4

M tii nimi ntim mu gur ke ni ga gaa, aan mu li ye nimi yaan na, le ki kpee ntim mu ti nyaŋ ki gaa, ki yoor Jɔɔdann Aamɔɔl mɔk, liwipuul wɔb, ki ti ker Kaasisik ni Aanyusakpem mɔk, liwilir wɔb na.

Josua 24:11

Le ni nan puur Jɔɔdann Aamɔɔl ki dan Jeriko aatiŋ ni. Le Jeriko yaab ton nimi butɔb. Nee aapuwɔb, le Amor yaab, ni Peris yaab, ni Kanaann yaab, ni Hef yaab, ni Girgas yaab, ni Hif yaab, ni Jebus yaab mu nan ton nimi butɔb, le m nan cha ni nyaŋ bi mɔmɔk.

Bibɔjirb 11:26

Ŋibin ikui itaa le na, le Israel yaab joo Hesbonn ni Aroer aatim, ni ntim mu mann goln mu na, ni ntim mu mɔmɔk bi Anonn Aamɔɔl aagbaan na. Ba ŋa saa ŋmaa gaa mu n‑yoonn ngbaan mɔmɔk ni?