Lituln 13:17 - Uwumbɔr aagbaŋ

¹⁷ Timi Israel yaab Aawumbɔr nan nyan tiyaajatiib. Bi nan ye bicham le Ijipt aatiŋ ni. Baah bi nima na, le Uwumbɔr ter bi, ki cha bi pɔr. Le Uwumbɔr nyan bi Ijipt aatiŋ ni, ki mɔk Ijipt aatiŋ aanib waapɔɔn sakpiin.

UWONBƆR A GBƆNPƆŊ LIKƆƆNL

¹⁷ Iziral yaab, a Wonbɔru le gann ti yaajamin ki che bi pɔr takpem, n-yonn man wee bi la nan be Ijibir a tiŋin nin, le Uwonbɔr ta u pɔɔm ki nyan bi kitiŋ nmɔn yaan.

Lituln 13:17 Iomraidhean Croise

Ilahn 135:4

U nyan Jakob ke u li ye uyoo, u nyan Jakob aayaabitiib Israel yaab ke bi li ye waanib.

Nnyam 12:51

Liyaadaal ngbaan le Uwumbɔr nan nyan Israel aanibol Ijipt aatiŋ ni.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:16

Ti ŋani kina le ki teer, le ni naahn ke taah di tiwan nibaa le gbin tiŋaal, bee ti di tam tiyigbeer na; ni cha ti teer ke Uwumbɔr le di waapɔɔn sakpiin na nyan ni timi Ijipt aatiŋ ni.’”

Nnyam 14:8

Uwumbɔr nan cha ubɔr ngbaan aasui pɔɔk, le u di paan Israel yaab bi nan nyan buen linyaŋ ni na aapuwɔb.

Nnyam 18:11

Dandana wee, m bee ke Uwumbɔr le jer ŋiwaa mɔmɔk, ba pu? Ijipt yaab aah nan lik seen Israel yaab pu na, le u daa bitafal kina.”

Aisaya 44:1

Uwumbɔr bui ke, “Maatutunn Israel aanibol, Jakob aayaabitiib bi m lee bi na, li pel dandana man.

Amos 2:10

Min le nyan ni nimi Ijipt aatiŋ ni, ki di nimi dii nteersakpiin ni, ŋibin imonko ilee, le ki di Amor yaab aatiŋ tii nimi, le ki kpaln nimi aatiŋ.

Maika 6:4

M nyan ni nimi Ijipt aatiŋ ni; m nyan ni nimi tinaagbiir ni; m nan tun Moses, ni Aaronn, ni Miriam ke bi nan loln ni pu nsan.

Ikaal 10:22

N‑yoonn mu niyaajatiib nan buen Ijipt aatiŋ ni na, bi nan ye binib imonko itaa ni kipiik baanja la, le dandana wee, Nidindaan Uwumbɔr cha ni wiir sakpen ke iŋmabi i bi kitaapaak na.

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Ikaal 4:37

Waah gee niyaajatiib pu na, le u lee nimi, ki di waapɔɔn sakpiin na nyan ni nimi Ijipt aatiŋ ni.

Ikaal 7:19

Ni teer tiwanbir ti ninimbigbaŋ nan kan na, ni laasib, ni iwaan aawan, ni mpɔɔn sakpiin mu Nidindaan Uwumbɔr nan di gaa nimi lii na. Waah nan ŋa pu ki bii Ijipt yaab na, u ga ki ŋa kina le ki kuln binib bi ni san bi ijawaan na.

Ikaal 9:5

Naa ye ke ni ye bininyaam ki ŋani tiwan ni ŋan na nima le cha u ban ni gaa baatiŋ. U ga jenn nyan bi, ba pu? bi ye mbiindam la, le u ki ban u gbiin tipuur ti u nan puu tii niyaajatiib Abraham, ni Aisak, ni Jakob na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

1 Samuel 4:8

Ŋma ga gaa timi ŋiwaapɔɔndam ŋee chee lii? Ŋiwaa ŋi nan ku doo Ijipt yaab nteer ponn ni na le bi na.