Lituln 12:24 - Uwumbɔr aagbaŋ

²⁴ Tɔ, Uwumbɔr aabɔr nan moo mooni ŋipepel mɔmɔk. Le binib too kpae ki gaal i.

UWONBƆR A GBƆNPƆŊ LIKƆƆNL

²⁴ Amaa le Uwonbɔr a bɔr mann mɔɔn ki yan kɔɔ bininfobin.

Lituln 12:24 Iomraidhean Croise

Ŋiyataŋak 28:28

Bibiindam yaa bi mpɔɔn ni kan, binib bɔrni la. Le bi yaa nyan mpɔɔn ni kan, mbamɔndam le ga koo mpɔɔn ni.

Aisaya 55:10

Maamɔboln naahn likpakpal ni utaal u nyani kitaapaak ki nan sɔŋni kitiŋ na, ki cha tijikaar muuni, ki tii binib njikaabim mu bi bu na, ni tijikaar bi ji.

Daniel 2:24

Le Daniel buen Ariok, u ubɔr nan bui u ke u ku libɔrchiln ni aasusurb na, le ki ti bui u ke, “Taa ku bi. Di mi buen ubɔr chee, aan m ti tuk u waadaŋ ngbaan aatataa.”

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Matiu 16:18

Piita, m tuk si la, aa ye litakpal la. Litakpal limina pu le m ga di maanib siin. Le nkun aapɔɔn aan nyaŋ bi.

Lituln 11:21

Tidindaan aapɔɔn nan bi bi chee, le binib pam gaa Tidindaan ki kii, ki kpeln baabimbin, ki dii waasan.

Lituln 19:20

Le Tidindaan aaliin moo moon ŋipepel mɔmɔk, ki moo kan mpɔɔn.

Lituln 5:39

Ni yaa ye Uwumbɔr aatuln kan, naan ŋmaa nyaŋ bi. Ni yaa jan bi kijaak kan, ni li nyi man, nibaakan, ni ga kan ke ni jan Uwumbɔr le kijaak.” Bi nan kii Gamaliel aah len pu na.

Lituln 6:7

Le Uwumbɔr aabɔr nan mooni ŋipepel mɔmɔk. Le binib moo gaal Yesu ki keei, ki kpae waadidiliib pu ki wiir, Jerusalem ponn ni. Uwumbɔr aatotoorb pam mu nan gaa Yesu aabɔnyaan tee ki kii.

Kolosiya 1:6

Tibɔnyaan ngbaan le cha nimi ni binib bi bi ŋipepel mɔmɔk na tun litunyaan. Binib moo gaal tibɔnyaan ngbaan ki keei, nikaasisik ni, ni ŋipepel mɔmɔk. Naah ŋun ti, ki bee mbamɔm Uwumbɔr aah ŋani nimi tiŋann pu na, le binib moo gaal tibɔnyaan ngbaan ki keei nikaasisik ni, ki nan saa dandana.

2 Tesalonika 3:1

Tinaabitiib, tibɔr ti gur na le ye ke ni li mee Uwumbɔr ki tii timi, ke u cha waabɔr moon ŋipepel mɔmɔk mala, ki kan mpakm ke naah pak ti pu na,