Lituln 12:2 - Uwumbɔr aagbaŋ

² U cha binib di kijaak aajuk ku Jems u ye Jɔnn aakpel na.

UWONBƆR A GBƆNPƆŊ LIKƆƆNL

² U nan che bi ta takoobi le ki ku Jemisi wan ye Jɔnn a kpelin.

Lituln 12:2 Iomraidhean Croise

1 Bibɔrb 19:1

Ubɔr Ahab nan tuk upuu Jesebel, Elaija aah tun pu na mɔmɔk, ni waah ku liwaal Baal aawaadam mɔmɔk pu na.

1 Bibɔrb 19:10

Le u gar u ke, “Ndindaan Uwumbɔr Mpɔɔnsakpiindaan, sin baanja le m dii n‑yoonn mɔmɔk, le Israel aanib bii aa ni bima aamɔbaan na, ki ber saatork aabimbin, ki ku saabɔnabtiib mɔmɔk. Min baanja le gur, le bi ban ke bi ku m mu.”

Jeremia 26:23

Bi nan ti joo ni u Ubɔr Jehoyakim chee, le u ku u ki di u mee kicheek ni.

Matiu 20:23

Le u bui bi, “Ni mu ga sil ji falaa ke maah ga ji pu na. Binib bi ga kal ŋŋangii ni ŋŋangan wɔb na ma kan, naa ye min le ga lee bi. Nte Uwumbɔr le leer binib bi ga kal nima chee na.”

Tibɔnyaan ti Mak ŋmee ti na 10:35

N‑yoonn ngbaan le Sebedee aajapɔtiib Jems ni Jɔnn nan dan Yesu chee, ki nan bui u ke, “Umɔmɔkr, ti ban ke aa ŋa taah ga mee si pu na le ki tii timi.”

Tibɔnyaan ti Mak ŋmee ti na 10:38

Le u bui bi ke, “Naa nyi naah mee mi pu na aatataa. Ni ga ŋmaa ji falaa ke maah ga ji falaa pu na aa?”

Tibɔnyaan ti Mak ŋmee ti na 10:39

Le bi bui u, “Ti ga ŋman.” Le u bui bi, “Ni ga sil ji falaa ke maah ga ji pu na.

Lituln 12:1

N‑yoonn ngbaan le Ubɔr Herod piin ki bi ŋani Yesu aanib bibaa falaa.

Hiibru Yaab 11:37

Bibaa mu aah nan gaa Uwumbɔr ki kii pu na, le binib mae bi ŋitakpal ku bi. Bibaa mu aah nan gaa Uwumbɔr ki kii pu na, le bi chuu gii por bi ki ku bi. Bibaa mu aah nan gaa Uwumbɔr ki kii pu na, le bi nan [tɔŋ bi, ki] di kijaak aajuk ku bi. Bibaa mu aah nan gaa Uwumbɔr ki kii pu na, le bi nan ye bigiim, ki chuun pee ipiih, ni iŋoob aagban, ki jin falaa. Binib mu ŋa bi bakaa.