Lituln 12:15 - Uwumbɔr aagbaŋ

¹⁵ Le bi tuk u ke u waar la. Le u beenin len ke ni ye mbamɔn. Le bi bui u ke ni ga li ye Piita aawiin la.

UWONBƆR A GBƆNPƆŊ LIKƆƆNL

¹⁵ Le bi bei u ke, “A waar le.” Waah nan gbaa pag bi ke ni sin ye man nin, le bi ke, “Ni li ye u tinaaŋ le.”

Lituln 12:15 Iomraidhean Croise

Mpiin 48:16

Cha Uwumbɔr aatuun u gaa mi tibɔbir mɔmɔk ni lii na ŋa tinyoor ŋa bi pu. Cha maayimbil, ni ntetiib Abraham ni Aisak aayimbil li kpa yimbipur bi pu. Cha bi kan mbim ni yaabitiib pam.”

Job Aagbaŋ 9:16

Hali u yaa tii mi nsan ke m len kan, maa dak ke u ga pel m chee.

Matiu 18:10

“Li nyi man ki taa lik bibilb ponn ni ubaa fam. M tuk nimi la, baatuuntiib bi paacham Nte Uwumbɔr aanimbiin ni n‑yoonn mɔmɔk. [

Tibɔnyaan ti Mak ŋmee ti na 16:11

Baah ŋun kina na, le baa pak ti.

Tibɔnyaan ti Mak ŋmee ti na 16:14

Nimina aapuwɔb, le waadidiliib kipiik ni ubaa ka ji tijikaar. Baah bi ji na, le Yesu di ubaa mɔk bi, le ki kae bi, ke ba ŋa baa pak binib bi kan u, waah fikr nkun ni aapuwɔb na aah len pu na, ke bitafal le pɔɔ. Baa gaa u ki kii mbamɔm.

Tibɔnyaan ti Luk ŋmee ti na 22:59

Le ni ki kpee siib, le uja uken bui ke, “Ni ye mbamɔn, uja wee mu nan bi u chee. U mu ye Galilee aatiŋ aanii la.”

Tibɔnyaan ti Luk ŋmee ti na 24:11

Le waakpambalb aa pak baah len pu na. Bi dak ke ni ye kijɔrk aaliin la.

Lituln 12:16

Le Piita beenin si kpaar jaaleŋ. Le bi piir jaaleŋ, ki kan u. Baah kan u na, le ni gar bi sakpen.

Lituln 26:24

Pɔɔl aah len kina na, le Festus teen ke, “Pɔɔl, aa ye uwaar la. Saah bae mbaem sakpen na le cha aa waar.”