Lituln 11:21 - Uwumbɔr aagbaŋ

²¹ Tidindaan aapɔɔn nan bi bi chee, le binib pam gaa Tidindaan ki kii, ki kpeln baabimbin, ki dii waasan.

UWONBƆR A GBƆNPƆŊ LIKƆƆNL

²¹ Le Uyudaan a pɔɔm be nin bi, le bininfob takpem ŋa yada ki kpenn bi binbem ki sei Uyudaan.

Lituln 11:21 Iomraidhean Croise

2 Bibɔrb Aabɔr 30:12

Uwumbɔr nan bi tun waatuln Juda aapepel ni, le ki cha binib ngbaan ŋa kimɔbaan baah pɔɔni bibaa pu ke bi kii waageehn ki dii ubɔr ni waaninkpiib aah len pu na.

Esra 8:18

Uwumbɔr aageehn pu le bi nan di Liifai aanii u nyi lituln ki nyan ni Mali aataŋaal ni aan bi yin u ke Serebia na tun ni, le ujapɔtiib ni ukpetiib ni unaatiib, binib kipiik ni biniin dii ni u.

Nehemia 2:18

Le m bui bi Uwumbɔr aah bi m chee ki ter mi pu na, ni ubɔrkpaan na mu aah bui mi pu na. Le bi kii ke, “Cha ti piin ki li maa man.” Le bi gor bibaa ke bi piin lituln ngbaan.

Nehemia 2:8

M nan ki bui u ke u tii mi kigbaŋ m ti tii Asaf u kii ubɔr aachook na kigbaŋ ki ga cha u tii mi idɔ m ti toor kidifɔfɔk ki kii Uwumbɔr Aadichal na aajaaleŋ tiib, ni ligoln li mann goln kitiŋ ngbaan na aabisamɔi, ni mbaa aadichal li ponn ni m ga li koo na. Uwumbɔr aaŋaal aah nan paa m pu na, ubɔrkpaan ngbaan nan tii mi maah ban pu na mɔmɔk.

Aisaya 53:1

Le binib ngbaan giin kii ke, “Ŋma ba ga pak tibɔr ti ti len dandana na? Ŋma ba ga dak ke Uwumbɔr aaŋaal bi tibɔr tee ni?

Aisaya 59:1

Taa dak man ke Uwumbɔr aa kpa mpɔɔn ke u gaa nimi lii, bee u kpaa sakpen, kaan ki ŋun naah yin u pu ki ban nterm na.

Tibɔnyaan ti Luk ŋmee ti na 1:66

Ni nan ŋa binib bimɔk ŋun ti na ilandak. Le bi baa ke, “Ubo ngbaan ga li ye ba aanibol?” Ba pu? Uwumbɔr aaŋaal nan bi u pu.

Lituln 15:19

Jems nan ki bui ke, “M dak ke ti taa ki muk binib bi kaa ye Juu yaab ki kpeln baabimbin ki dii Uwumbɔr aasan na.

Lituln 4:4

Binib bi ŋun Piita ni Jɔnn aah len pu na, bi ponn ni pam nan gaa Yesu ki kii. Bijab bi gaa u ki kii na ga nan li fuu ŋichur ŋiŋmu.

Lituln 5:14

Binib pam nan gaa Tidindaan ki kii, ki kpae n‑yoonn mɔmɔk, ki kpaani bi chee. Bi nan ye bijab ni bipiib mu, ki wiir.

Lituln 6:7

Le Uwumbɔr aabɔr nan mooni ŋipepel mɔmɔk. Le binib moo gaal Yesu ki keei, ki kpae waadidiliib pu ki wiir, Jerusalem ponn ni. Uwumbɔr aatotoorb pam mu nan gaa Yesu aabɔnyaan tee ki kii.

Lituln 9:35

Le binib bimɔk bi Lida aatiŋ ni, ni Saronn aatiŋ ni na kan u, ki kpeln baabimbin, ki dii Tidindaan aasan.

1 Tesalonika 1:5

ba pu? taah tuk nimi waabɔnyaan na, tibɔnyaan ngbaan aa nan ye iliin baanja, Uwumbɔr Aafuur Nyaan aapɔɔn nan bi ti ni la, ki cha ni bee ke ti sil gbii. Taah nan bi nikaasisik ni buyoonn na, ni nan bee timi aabimbin aah nan bi pu na. Ti nan bi kina ke ti ter nimi la.