Lituln 11:18 - Uwumbɔr aagbaŋ

¹⁸ Juu yaab ngbaan aah ŋun Piita aah len pu na, le baa ki kpak u. Bi nan nyuŋ Uwumbɔr, le ki bui ke, “Kina pu na, Uwumbɔr cha binib bi kaa ye Juu yaab na mu kpeln baabimbin ki kan limɔfal.”

UWONBƆR A GBƆNPƆŊ LIKƆƆNL

¹⁸ Baah nan gbir man n-yonn man nin, le bi jiɛn tifur, le ki don Uwonbɔr a yinl, ki len ke, “Uwonbɔr che ban kaa ye Juu yaabin kpenn bi binbema, ke bi mu n kan limiɛfol.”

Lituln 11:18 Iomraidhean Croise

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Esekiel 36:26

M ga tii nimi nsuupɔɔn ni nlandak pɔɔn. M ga chuu nyan nimi aatakpal aatafalaaŋun aasui na ki tii nimi nsui mu ye ŋuntii aasui na.

Esekiel 47:22

Ki ga li ye nimi aatiŋ le ki cha n‑yoonn mɔmɔk. Ni yaa bi yakr ki kan, ni tii biwɔwɔm bi koo ni chee ki ma mbim do na mu baatiŋ. Ni ŋa bi ke naah ga ŋa Israel aanii pu na, ki cha bi mu kpaan too inaan Israel aanibol chee ki gaa baatiŋ.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Matiu 9:8

Kinipaak ngbaan aah kan kina na, le bi san ijawaan, ki nyuŋ Uwumbɔr u tii unibɔn mpɔɔn kina na.

Lituln 11:1

Yesu aakpambalb ni Judea aatiŋ aanib bi nan gaa Yesu ki kii na, nan ŋun ke binib bi kaa ye Juu yaab na mu gaa Uwumbɔr aabɔr.

Lituln 14:27

Baah fuu ni na, le bi yin Yesu aanib ke bi kuun ni, le ki tuk bi tiwan nimɔk Uwumbɔr cha bi ŋa na, ki tuk bi waah ŋa pu ki tii binib bi kaa ye Juu yaab na nsan ke bi gaa Yesu ki kii na.

Lituln 15:3

Yesu aanib nan ter bi, le bi gor ki buen. Baah cha na, le bi bɔ dii Fonisia aatim ni, ni Samaria aatim ni, ke bi ti mann Yesu aanib, ki tuk bi ke binib bi kaa ye Juu yaab na mu gaa Yesu ki kii. Le ni tii bi mɔmɔk mpopiin sakpen.

Lituln 20:21

M sur Juu yaab ni binib bi kaa ye Juu yaab na mu, ke bi kpeln baabimbin ki dii Uwumbɔr aasan ki gaa Tidindaan Yesu ki kii.

Lituln 21:20

Baah ŋun kina na, le bi mɔmɔk nyuŋ Uwumbɔr, ki bui Pɔɔl, “Tina aabo, aa nyi ke Juu yaab ŋichur pam le gaa Yesu ki kii. Bi mɔmɔk aanimbil man Moses aakaal pu.

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Lituln 3:26

Nima pu na, Uwumbɔr nan nyan Waabo, ki nan tun ni u ni chee njan, ke u nan ŋa nimi tinyoor; u cha ni di cha nimi aatunwanbir; tinyoor ngbaan le na.”

Lituln 5:31

ki nyuŋ u, ki di u kaan uŋangii wɔb, u li ye timi Aayidaan u gaal timi lir, ki tii timi Israel yaab nsan ke ti kpeln timi aabimbin na, aan Uwumbɔr di cha timi aatunwanbir pinn timi.

Rom Yaab 9:30

Nima pu na, ti ga len kinye? Binib bi kaa ye Juu yaab na aanimbil aa nan man ke Uwumbɔr len ke baabɔr ŋan. Dandana wee, baah gaa Yesu ki kii na, nima le Uwumbɔr len ke baabɔr ŋan.

2 Korenti 3:18

Ti mɔmɔk waa Tidindaan aah wiin chain pu na. Nibaa aa bi ki dok timi ke ti taa li waa u. Tidindaan u ye Nfuur Nyaan na le cha ti bi kpelni, ki naŋni u, ki moo wolni n‑yoonn mɔmɔk, ke waah wiin chain pu na.

2 Korenti 7:10

Ba pu? Uwumbɔr yaa cha unii kpa mpombiin waatunwanbir pu kan, nima le ga cha u kpeln waabimbin ki ŋmar. Naan ki gar u. Tɔ, dulnyaa wee ni aapombiin joo ni nkun la.

Galantiya 1:24

Nima le cha bi nyuŋ Uwumbɔr m pu.

Josua 22:30

Le Fineas u nan ye utotoor na, ni bijab kipiik bi ye ŋinibol ŋi bi Jɔɔdann aawilir wɔb na aayidam na ŋun Rubenn ni Gad aanibol, ni Manase aanibol ligeln na aah len pu na, le ni mɔɔr bi.