Lituln 10:43 - Uwumbɔr aagbaŋ

⁴³ N‑yaayoonn na, Uwumbɔr aabɔnabtiib mɔmɔk nan len Yesu aabɔr, ke unii umɔk gaa u ki kii na, Uwumbɔr ga di cha pinn u, uma Yesu aayimbil pu.”

UWONBƆR A GBƆNPƆŊ LIKƆƆNL

⁴³ Bilinlem biɛn nan jin u siɛra ke wan biɛn ŋa u yada ke u kan tibir a jiɛn pera u yaa yinlin bu.”

Lituln 10:43 Iomraidhean Croise

Aisaya 53:11

U yaa jin falaa kan, nee aapuwɔb le u ga kan mpopiin; le ki ga bee ke waa jin falaa fam. Maatutunn bamɔnn u m gee u na ga gaa binib pam aatafadaan le m di cha pinn bi baatunwanbir.

Jeremia 31:34

Bi ponn ni ubaa aan ki mɔk uŋeen aatɔ ke u bee Uwumbɔr, ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi. M ga di baatunwanbir cha pinn bi, kaan ki teer baataani. Min Uwumbɔr le len kina.”

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Sekaria 13:1

Uwumbɔr Mpɔɔnsakpiindaan bui ke, “N‑yoonn ngbaan kan, m ga piir uyayak aanyunbun ki di finn nyan titunwanbir ni ŋiwaa aajɔŋ ti bi David aayaabitiib ni Jerusalem aanib pu na.

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Tibɔnyaan ti Mak ŋmee ti na 16:16

Unii u gaa mi ki kii, ki cha bi muin u nnyun ni na, u ga ŋmar. Unii u kaa gaa mi ki kii na, Uwumbɔr ga bui ke waabɔr bii.

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Jɔnn 1:45

Filip mu nan ti kan Natanael le ki tuk u, “Ti kan unii u Moses ni Uwumbɔr aabɔnabtiib mu nan ŋmee waabɔr Uwumbɔr aakaal aagbaŋ ni na. Uma le ye Josef aajapɔɔn Yesu, u ye Nasaref aatiŋ aanii na.”

Jɔnn 20:31

Bi ŋmee nimina ke ni pak ke Yesu le ye Kristo u gaa timi lii na, ki ye Uwumbɔr Aajapɔɔn. Ni yaa gaa u ki kii kan, u pu le ni ga li kpa limɔfal.

Jɔnn 5:24

“M tuk nimi mbamɔn la, unii umɔk ŋun maaliin ki gaa Uwumbɔr u tun ni mi na ki kii na, u kpa limɔfal li kaa kpa ndoon na. Uwumbɔr aan ji u tibɔr. U nyan nkun ni, ki kan limɔfal a.

Lituln 15:9

Waah ŋa kina na, u mɔk ke u pak binib bi kaa ye Juu yaab na mu. Waa yakr timi. U po dak ke binib mɔmɔk ye tiwanbaan la. Baah gaa u ki kii na, le u finn bisui ni titunwanbir.

Lituln 2:38

Le Piita bui bi, “Ni mɔmɔk kpeln nimi aabimbin, ki cha ti muin nimi nnyun ni, Yesu Kristo aayimbil pu. Le Uwumbɔr ga di cha nimi aatunwanbir pinn nimi, ki tii nimi ipiin i ye Waafuur Nyaan na.

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Lituln 26:22

Le Uwumbɔr mu ter mi n‑yoonn mɔmɔk ki nan saa din, ki cha m si do, ki ye waaseeraadaan, ki tuk binib aabɔŋ mɔmɔk waabɔr. M po tuk bi Uwumbɔr aabɔnabtiib ni Moses aah nan len pu na. Bi nan len tiwan ni ga nan ŋa na,

Lituln 3:16

Ni kan uja wee, ki bee u. Yesu aayimbil le kpa mpɔɔn, le ki cha u pɔɔk. Waah ŋa Yesu aayimbil naadii pu na, nima le cha u pɔɔk. U gaa Yesu ki kii, le uma Yesu tii u laafee ninimbil ni.

Lituln 3:18

N‑yaayoonn na, Uwumbɔr nan cha waabɔnabtiib mɔmɔk len ke Waanii Kristo ga nan ji falaa. Baah len pu na, le Uwumbɔr cha ni ŋa kina.

Rom Yaab 10:11

Uwumbɔr Aagbaŋ len ke unii umɔk gaa u ki kii na aan ji inimɔɔn.

Rom Yaab 3:21

Dandana wee, Uwumbɔr mɔk timi waah ga ŋa pu ki len ke timi aabɔr ŋan na. Waakaal ni waabɔnabtiib aaliin le bi waagbaŋ ponn ni, ki mu tuk timi kina la. Naa ye ke ti dii waakaal mbamɔm le cha u len.

Rom Yaab 5:1

Taah gaa Uwumbɔr ki kii pu na, nima le u len ke timi aabɔr ŋan. Tidindaan Yesu Kristo pu le ti ni Uwumbɔr kpaan kijɔtiik.

Rom Yaab 6:23

Titunwanbir aapar ye nkun la. Tidindaan Yesu Kristo pu le Uwumbɔr aapiin ye limɔfal li kaa kpa ndoon na.

Rom Yaab 8:1

Nima pu na, Uwumbɔr aan len ke binib bi kpaan Yesu Kristo chee na aabɔr bii.

Rom Yaab 8:34

Nima le ubaa aan ŋmaa galn timi. Yesu Kristo nan kpo ti pu, ki fikr nkun ni, ki bi Uwumbɔr aaŋangii wɔb, ki mee u ki tii timi.

Galantiya 3:22

Tɔ, Uwumbɔr Aagbaŋ len ke dulnyaa ni aanib mɔmɔk ye titunwanbirdam la, ke Uwumbɔr aah nan puu tipuur ti na, u ga ŋa tinyoor ŋa binib bi gaa Yesu Kristo ki kii na pu. Binib bi gaa u ki kii na, bima le u ŋa tinyoor ŋa bi pu.

Efesusi 1:7

Kristo aasin pu, le Uwumbɔr gaa timi lii, ki di cha pinn timi, ki ŋa timi tibulchinn sakpen,

Kolosiya 1:14

Uma le gaa timi lii, le Uwumbɔr di cha pinn timi aatunwanbir, [Ujapɔɔn aasin pu].

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

1 Piita 1:11

Le Kristo Aafuur Nyaan mu nan bi bibɔnabr ngbaan ponn ni na mɔk bi ke uma Kristo ga ji falaa, le ki nin kan nnyuŋ falaa ngbaan aapuwɔb. Le bi nan ban bi bee ke ulau ga ji falaa ngbaan, ki ban bi bee buyoonn u ga ji falaa ngbaan na.

Tibɔkpiirkaan 19:10

Le m gbaan kitiŋ utaafar chee, le ki ban ke m pak u. Le u bui ke m taa ŋa kina; ba pu? u mu po ye m ni nnaabitiib bi joo tibɔr ti Yesu kpiir na aatutuŋeer la, ke m pak Uwumbɔr baanja. Tɔ, tibɔr ti Yesu kpiir na le tii waabɔnabtiib mpɔɔn ke bi len.