Lituln 10:20 - Uwumbɔr aagbaŋ

²⁰ Fii ki sunn ni, ki dii bi, ki taa joo beeni.”

UWONBƆR A GBƆNPƆŊ LIKƆƆNL

²⁰ Ni bu fii ki jiir tuma, ki laa biɛn njee a nɔɔ bi bee a laa nɔɔ, nan bu-n min le tum bi.”

Lituln 10:20 Iomraidhean Croise

Aisaya 48:16

Dandana, foor mar ni m chee man ki nan pel maah ga len pu na. Ki nyan mpiin ngbaan m len maabɔr chain la, le n‑yoonn mɔmɔk m cha maah len pu na gbiini.” Tɔ, Ndindaan Uwumbɔr tii mi Waafuur Nyaan le ki tun mi.

Tibɔnyaan ti Mak ŋmee ti na 16:15

Le u ki tuk bi, “Ni li cha dulnyaa mɔmɔk ni, ki di tibɔnyaan tee tuk binib mɔmɔk.

Lituln 10:21

Le Piita sunn ni kitiŋ, ki bui bijab ngbaan, “Min le ye unii u ni ban na. Ni chuun kinye?”

Lituln 11:12

Le Uwumbɔr Aafuur Nyaan bui mi, ‘Dii bi, ki taa joo beeni.’ Le m dii bi. Le Yesu aanib biloob bimina mu dii mi, le ti buen Siisarea aatiŋ ni, ki ti fuu ki koo Konelius do.

Lituln 13:4

Tɔ, Uwumbɔr Aafuur Nyaan aah tun Banabas ni Sɔɔl pu na, le bi buen, ki ti fuu kitiŋ kibaa ni, bi yin ki ke Selusia, le ki koo buŋɔb ni, ki puur ki ti fuu lidikl pu, bi yin lidikl ngbaan ke Saiprus,

Lituln 8:26

N‑yoonn ngbaan le Uwumbɔr aatuun tuk Filip ke u gor ki dii ŋŋangii wɔb, ki dii timoor ni aasan mu nyan Jerusalem ki cha Gasa aatiŋ ni na. Dandana wee, nsan ngbaan ŋa nsankpok a.

Lituln 9:15

Le Tidindaan bui u, “Li cha u chee. M nyan u la, u ti li joo maabɔr tuk bibɔrb, ni Juu yaab, ni binib bi kaa ye Juu yaab na, ki cha bi bee mbɔr.

Lituln 9:17

Le Ananias fii ki buen Judas do, ki ti koo Sɔɔl chee, ki di uŋaal paan u pu, le ki bui u, “Nna aabo Sɔɔl, Tidindaan le tun ni mi aa chee. Yesu u di ubaa mɔk si, saah bi nsan ponn ni ki choo na, uma le tun ni mi, ke m cha aa ki likr, ki gbiin Uwumbɔr Aafuur Nyaan.”

Jemisi 1:6

U mu yaa mee Uwumbɔr kan, u li pak ke u ga kan, ki taa joo beeni; ba pu? unii u joo beeni na naahn ke libuln aah daar kan, nnyusakpem aanyunkpuŋ feei pu na.