Lituln 1:8 - Uwumbɔr aagbaŋ

⁸ Waafuur Nyaan yaa nan gbiin nimi kan, ni ga li kpa waapɔɔn, ki ga li ye maaseeraadam Jerusalem ponn ni, ni Judea aatim mɔmɔk ni, ni Samaria aatim ni, ni dulnyaa aanaan mɔmɔk ni.”

UWONBƆR A GBƆNPƆŊ LIKƆƆNL

⁸ Amaa ni li kan npɔɔn n-yonn man wee Kasi a Naaŋin li jiirin ni bu-n, le ni na li ji n siɛra Jerusalam nin Judiya a timin biɛn nin Samariya nin dulinya nan a logi nan biɛn.”

Lituln 1:8 Iomraidhean Croise

Ilahn 22:27

Ŋitimbol mɔmɔk ga teer Uwumbɔr bɔr. Bi ga nya ni dulnyaa aapepel mɔmɔk ni, ki dan u chee; Ŋinibol mɔmɔk ga doon u.

Ilahn 98:3

U joo waah puu tipuur ti tii waanib Israel yaab na. Waa nya bipuwɔb, le ki kpa ngeehm tii bi n‑yoonn mɔmɔk. Binib bimɔk bi ni kookoo na kan timi Aawumbɔr aanyaŋ.

Aisaya 42:10

Gaa nlahnpɔɔn ki tii Uwumbɔr man; dulnyaa aanib mɔmɔk, gaa ki pak u man. Nimi bi bi iŋɔsakpiin ponn ni, nnyusakpem pu na, pak u man; nimi tiwanfuurkaan ni mɔmɔk bi nnyusakpem ni na, pak u man. Nimi bi mɔmɔk bi ntim mu bi dandar na, gaa ilahn ki pak u man.

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 52:10

Uwumbɔr ga di waapɔɔn mu bi chain na gaa waanib lii, le dulnyaa aanib mɔmɔk kan.

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Maika 3:8

Tɔ, mma kan, Uwumbɔr le joo Waafuur Nyaan ni waapɔɔn gbiini mi, le ki tii mi ibamɔn aalan, ni ntaakpapɔɔn mu m ga ŋmaa di bui Israel yaab baatunwanbir aah ye pu na.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Matiu 24:14

Bi ga moon Uwumbɔr aanaan aabɔnyaan tee itingbaan kookoo ni waahr, aan ŋinibol mɔmɔk ŋun, le dulnyaa ga nin doo.”

Matiu 28:19

Li cha man ŋinibol mɔmɔk chee, ki ti ŋa bi maadidiliib, ki muin bi nnyun ni, Nte Uwumbɔr, ni min Ujapɔɔn, ni Nfuur Nyaan aayimbil pu,

Tibɔnyaan ti Mak ŋmee ti na 16:15

Le u ki tuk bi, “Ni li cha dulnyaa mɔmɔk ni, ki di tibɔnyaan tee tuk binib mɔmɔk.

Tibɔnyaan ti Luk ŋmee ti na 1:35

Le u bui u, “Uwumbɔr Aafuur Nyaan ga sunn ni aa pu. Uwumbɔr u kaa kpa ŋeen aatɔ na aapɔɔn ga cha aa dek lipuul. Nima pu na, saah ga maa ubo u na ga li ye chain. Bi ga yin u ke Uwumbɔr Aajapɔɔn la.

Tibɔnyaan ti Luk ŋmee ti na 10:19

Lik man, m tii nimi mpɔɔn, ni ti taa ikuub ni inyoohn pu, ki tii nimi mpɔɔn, ni nyaŋ timi aadin kinimbɔŋ aapɔɔn mɔmɔk, le tiwan nibaa aan ŋmaa ŋa nimi nibaa.

Tibɔnyaan ti Luk ŋmee ti na 24:29

Le bi gaŋ u, “Doon ti chee. Kijook joor a. Naan yunn le ni ga mue.” Le u koo ni bi chee.

Jɔnn 15:27

Ni mu ga tuk binib maabɔr; ba pu? ni nan bi m chee, maah piin maatuln buyoonn ki nan saa dandana na.

Lituln 1:5

Mbamɔn, Jɔnn nan muin binib nnyun ni. Naan ki yunn, le m ga di Uwumbɔr Aafuur Nyaan gbiin nimi.”

Lituln 13:31

Le u di ubaa mɔk binib bi nan dii u Galilee ki nan saa Jerusalem na. Le bi kan u iwiin pam. Dandana wee, bima le ye waaseeraadam, ki tuk Juu yaab waabɔr.

Lituln 2:32

Uwumbɔr fikr Yesu nkun ni. Tinimbil kan u, le ti tuk binib.

Lituln 22:15

Aa ga li ye waaseeraadaan, ki tuk binib mɔmɔk saah kan pu na, ni saah ŋun pu na.

Lituln 3:15

Ni ku Yesu u tii timi limɔfal na. Le Uwumbɔr fikr u nkun ni. Timi le ye waaseeraadam ke u fikr nkun ni a.

Lituln 4:33

Le Yesu aakpambalb kpa mpɔɔn ki jin seeraa ke Tidindaan Yesu sil fikr nkun ni. Le Uwumbɔr ter bi mɔmɔk sakpen.

Lituln 5:32

Timi ni Uwumbɔr Aafuur Nyaan le ye Yesu aaseeraadam ki tuk binib tibɔr ngbaan. U di Waafuur Nyaan tii binib bi kii waamɔb na.”

Lituln 6:8

Uwumbɔr nan ter Stiifen mbamɔm, ki tii u mpɔɔn sakpen, ki cha u tun lijinjiir aatun Juu yaab aakaasisik ni.

Lituln 8:1

Baah ku u pu na, le Sɔɔl kii. Liyaadaal ngbaan le bi piin ki bi muk Yesu aanib bi bi Jerusalem ni na, ki ŋa bi falaa sakpen. Nima pu na, bi mɔmɔk nan yaa, ki buen Judea ni Samaria aatim mɔmɔk ponn ni. Yesu aakpambalb baanja le nan gur Jerusalem ponn ni, kaa yaa.

Rom Yaab 10:18

Le m baa ke, “Israel yaab aa nan ŋun aa?” Mbamɔn, bi ŋun. Ni ŋmee Uwumbɔr Aagbaŋ ni ke, “Bineel mu tee chaa dulnyaa wee mɔmɔk ni, le kitiŋ kee mɔmɔk pu ŋun.”

Rom Yaab 15:19

Uwumbɔr Aafuur Nyaan aapɔɔn pu le m tun lijinjiir aatun, ke bi bee waah kpa mpɔɔn pu na. Kina le m mooni Kristo aabɔnyaan mɔmɔk Jerusalem ponn ni, ki di ti saa Ilirikum aatiŋ ni.

Kolosiya 1:23

Ni ŋan ke ni li dii u mbamɔm, ki taa di cha waasan, ki taa cha nibaa leŋ nimi. Naah ŋun tibɔnyaan tee na, tibɔr ngbaan tii nimi limakl la. Ni taa di cha limakl ngbaan. Bi moon tibɔnyaan tee, ki tuk binib bimɔk bi dulnyaa wee ni na la. Min Pɔɔl mu ŋa unii u mooni ti na la.