Lituln 1:6 - Uwumbɔr aagbaŋ

⁶ Yesu aakpambalb aah kuun u chee na, le bi baa u, “Tidindaan, dandana wee, aa ga nyan timi Israel yaab timi aadim aaŋaal ni, ki ki giin timi aanaan tii timi ii?”

UWONBƆR A GBƆNPƆŊ LIKƆƆNL

⁶ Yisa nin u tooi kaah nan lagin tab n-yonn man nin, le bi baan u ke, “Uyudaan daandaan nan le a yin jiin Iziral yaab a naamin ki sei baa?”.

Lituln 1:6 Iomraidhean Croise

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

Aisaya 1:26

M ga tii nimi biyidam bi ga li sur nimi ke naah nan puen kpa pu na. N‑yoonn ngbaan le bi ga ki yin Jerusalem aanib ke binib bi ŋan ki dii mi Uwumbɔr baanja na.”

Jeremia 33:26

Ni ye mbamɔn ke maah ŋa kina pu na, kina le m ga li beenin joo tipuur ti m puu tii Jakob aayaabitiib, ni maatutunn Ubɔr David na. M ga lee Ubɔr David aayaabitiib ponn ni ubaa le u li joo Abraham, ni Aisak, ni Jakob aayaabitiib. M ga san maanib kinimbaak ki cha bi ki kan nkam.”

Daniel 7:27

Kitiŋ kee mɔmɔk aanaan aapɔɔn mɔmɔk ga kpaln Uwumbɔr u kaa kpa ŋeen aatɔ na aanib aanaan la. Baanaan aapɔɔn aan li kpa ndoon, le dulnyaa wee ni aaninkpiib mɔmɔk ga tun baatuln ki kii baamɔi.”

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Amos 9:11

Uwumbɔr ki len ke, “Nwiin mubaa choo, buyoonn m ga ki gir maa Ubɔrkpaan David aanaan mu bi ke lidichal li ber doo na. M ga ki gir fiin mu. M ga ki fiin mu siin ke mu aah nan bi pu n‑yaayoonn na.

Maika 5:2

Uwumbɔr bui ke, “Betlehem Efrata, aa ye kitiwaatiir kibaa le Juda aatiŋ pu, le sin ponn ni le m ga nyan ni ujojoor u ga li joo Israel aanib na, u ga nya ni mmaal mu ye n‑yaayoonn na aamaal ponn ni la.”

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Matiu 17:11

Le u bui bi, “Mbamɔn, see Elaija fuu ni, ki nan toor tiwan mɔmɔk.

Matiu 20:21

Le u baa u, “Aa ban ba?” Le u bui u, “Aa yaa jin saanaan kan, cha njapɔtiib bilee ngbaan li ka aa chee, ubaa li ka aaŋangii wɔb, uken mu li ka aaŋangan wɔb.”

Matiu 24:3

Le u buen ti kal Olif aasui aajool paab. Le waadidiliib dan u chee bibaa, ki nan bui u, “Tuk timi, bi ga ŋa kina bayoonn? Ba ga li ye limɔkl ki mɔk timi ke ni ŋeer aa fuu ni, ki ŋeer dulnyaa aadoon?”

Tibɔnyaan ti Mak ŋmee ti na 9:12

Le u bui bi, “Mbamɔn, see Elaija puen fuu ni ki nan toor tiwan mɔmɔk. Ni mu ŋmee Uwumbɔr Aagbaŋ ni ke min Unibɔn Aabo ga ji falaa sakpen. Binib mu ga yook mi.

Tibɔnyaan ti Luk ŋmee ti na 17:20

Le Farisii yaab nan baa u, “Uwumbɔr aanaan ga fuu ni bayoonn?” Le u bui bi, “Uwumbɔr aanaan aah ga fuu ni pu na, binib aanimbil aan li waa mu.

Tibɔnyaan ti Luk ŋmee ti na 19:11

Yesu nan ŋakl binib bi ŋun tibɔr timina na liyataŋakl, bi taa li dak ke waah peen Jerusalem na Uwumbɔr aanaan ga fuu ni libuul ngbaan ni.

Tibɔnyaan ti Luk ŋmee ti na 22:29

M ga ŋa nimi bibɔrb ke Nte Uwumbɔr aah ŋa mi ubɔr pu na.

Jɔnn 21:21

Piita aah kan u paani bipuwɔb na, le u baa Yesu, “Ndindaan, ba ga ŋa uja wee?”