Lituln 1:26 - Uwumbɔr aagbaŋ

²⁶ Baah mee Uwumbɔr doo na, le bi di ŋitakpabil tii bi, ke bi lik baah ga lee uja u na. Nimina nan mɔk bi ke bi ga lee Matias la. Le bi di u kpee Yesu aakpambalb kipiik ni ubaa na pu.

UWONBƆR A GBƆNPƆŊ LIKƆƆNL

²⁶ Le bi tɔn inaa, le Matiyasi jin, le bi ta u ki kpiɛ itoon piig nin uba-n bu.

Lituln 1:26 Iomraidhean Croise

1 Bibɔrb Aabɔr 24:5

Eleasar ni Itamar aayaabitiib ponn ni aah nan kpa Uwumbɔr Aadichal ni aaninkpiib, ni binikpaam na, bi nan too inaan le ki tii bi mɔmɔk ŋitun.

Nehemia 10:34

Ti mɔmɔk, bitotoorb, ni Liifai yaab, ni binib mɔmɔk ga too inaan libiln mɔmɔk ponn ni, ki nyan imaal i ga tii idɔ aan bi li joo seer tiwakor ti bi joo toor tii Tidindaan Uwumbɔr, Nkaal aah mɔk pu na.

Nehemia 11:1

Binib bi nan ye biyidam na nan kal Jerusalem ponn ni, le binib bi gur na too inaan ke bi lee lidichal libaa ŋidichal kipiik mɔk ponn ni ke bi buen ti li koo Jerusalem aatiŋ ki bi chain na ponn ni, le bi gur na ti li koo ntisakpem ni muwaatiir na ponn ni.

Ŋiyataŋak 16:22

Nlan le ye limɔfal aanyunbun ki tii bilandam, le aa yaa pɔɔni aabaa ki mɔk bigbaam kan, ni bii n‑yoonn.

Ŋiyataŋak 16:33

Unibɔn too inaan ke u di bee Uwumbɔr aageehn, tɔ, Uwumbɔr ubaa le nyi waah ga gar pu na.

Liifai Yaab 16:8

U ban ŋitakpal ŋilee nima chee ki daan libaa pu ke, “Uwumbɔr yaan,” ki daan liken pu ke, “Titunwanbir aanyam aaŋoob,” ki too inaan.

Jona 1:7

Biŋɔŋaab ngbaan nan bui tɔb ke, “Cha ti pul kipulk timi aakaal aah mɔk pu na man, ki lik ke ŋma ye unimbɔŋdaan u joo ni timi linimaln limina na.” Bi nan ŋa kina, le ki kan ke Jona le ye unimbɔŋdaan.

Tibɔnyaan ti Mak ŋmee ti na 6:30

Yesu aakpambalb nan ki gir ni u chee, ki nan tuk u baah tuk binib Uwumbɔr aabɔr, ki tun lituln mɔmɔk pu na.

Lituln 1:23

Piita aah len kina na, le bi nyan bijab bilee. Bi yin ubaa ke Josef Basabas Justus ki yin uken ke Matias.

Lituln 13:19

le ki nin jenn nyan ŋinibol ŋilole Kanaann aatiŋ ni, ki di kitiŋ ngbaan yakr ke lifaal na tii bi. Buyoonn bi nan koo Ijipt aatiŋ ni na, ki ti saa bundaln bi nan gaa Kanaann aatiŋ na, nan ye ŋibin ikui inaa ni piiŋmu la.

Lituln 2:14

Le Piita ni Yesu aakpambalb kipiik ni ubaa na fii sil. Le Piita len mpɔɔn pu, ki tuk kinipaak ngbaan, “Nnaabitiib, Juu yaab, ni nimi bimɔk bi Jerusalem ni na, ni li pel mbamɔm, ki ŋun maah ga len pu na.

Josua 14:2

Uwumbɔr aah nan bui Moses ke u ŋa pu na, bi nan too inaan le ki yakr ntim tii Israel yaab aanibol ŋiwae ni ligeln ŋi nan bi Jɔɔdann aawilir wɔb na.

Josua 18:10

Le Josua too inaan ki baa Uwumbɔr, le u mɔk Josua waah ga di nin chee tii ŋinibol ngbaan mɔmɔk na.

Tibɔkpiirkaan 21:14

Ligoln ngbaan kpa ŋidinyik kipiik ni ŋilee. Upihbo na aakpambalb kipiik ni bilee aayimbil ŋmee ŋidinyik ngbaan mɔmɔk pu.