Josua 9:8 - Uwumbɔr aagbaŋ

⁸ Le bi bui Josua ke, “Ti ban ti ŋa nimi aatutum la.” Le Josua baa bi ke, “Ni ye lilanibol ni aanib? Ni nyan ni la chee?”

Josua 9:8 Iomraidhean Croise

2 Bibɔrb 10:5

Kina pu le libɔrdichal ni aaninkpel, ni kitiŋ ngbaan aaninkpel, ki di kpee kaanikpaam, ni ubɔr aayaabitiib aajojoob di inaŋ imina tun Jehu chee: “Ti ye saatutum la, le ki ga ŋa saah bui timi ke ti ŋa pu na mɔmɔk. Tɔ, taan ŋmaa di ubaa kaan nnaan, ŋa saah dak aasui ni pu na.”

Ikaal 20:11

Bi yaa koo biŋaal tii nimi, ki piir baatim aagon aabisamɔi kan, ni di bi mɔmɔk ŋa nimi aanaagbiib, ki cha bi li tun nimi aatuln.

Josua 10:6

Le Gibeonn aatiŋ aajab tun ntuun Josua chee, Gilgal aatiŋ ni ke, “Timi aaninkpel, taa yii. Dan mala ki nan ter timi, ki gaa timi lii. Amor yaab aabɔrb mɔmɔk bi ka ŋigongon pu na kpaan kimɔbaan ki nan lir ti pu a.”

Josua 9:11

Timi aayidam, ni binib bimɔk bi timi aatiŋ ponn ni na le bui ke ti ban tijikaar, aan ki chuun tooh ni nimi nsan pu, ki tuk timi ke ti nan koo nimi, aan ki ban ke ti ŋa kimɔbaan.

Josua 9:23

Naah ŋa kina na, Uwumbɔr mu ga daa nitafal. Ni ga li ye binaagbiib le n‑yoonn mɔmɔk. Ni ga li peei idɔ ki li lu nnyun ŋani Maawumbɔr Aadichal ni.”

Josua 9:25

Dandana wee, ti bi nimi aapɔɔn ni la; naah dak ke ni ŋa timi pu na, ŋa kina man.”

Josua 9:27

U mu nan di bi ŋa binaagbiib la, bi nan peei idɔ, le ki lu nnyun tii Israel yaab, ki lu ŋani Uwumbɔr Aadichal mu ni. N‑yoonn ngbaan kina ki nan saa din, bi laa beenin tun lituln ngbaan, nin chee Uwumbɔr nyan ke bi li dooni u na.