Josua 9:7 - Uwumbɔr aagbaŋ

⁷ Tɔ, Israel yaab nan bui bi ke, “Ba ŋa aan ni ban ke ti ŋa kimɔbaan? Nibaakan, nido aa daa do.”

Josua 9:7 Iomraidhean Croise

Mpiin 10:17

ni Hif yaab, ni Arka yaab, ni Sinn yaab,

Mpiin 34:2

Ubɔr Hamor u nan ye Hif aanii na aajapɔɔn Sekem nan kan Daina, le ki chuu u mpɔɔn ki doon u chee.

2 Samuel 24:7

Bi nan nyan nima, le ki buen liwipuul aaŋangii wɔb, ki ti fuu Taya aatiŋ ki bi maa ŋigon gob ki na ni, ki nyan nima, ki buen Hif ni Kanaann yaab aatim mɔmɔk ni, le ki di Beerseba, ni bi Juda aawipuul aaŋangii wɔb na, gbiln puwɔb.

Nnyam 23:22

Tɔ, ni yaa kii waamɔbon ki ŋa maah ban pu na kan, m ga to nimi aadim butɔb tii nimi.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Nnyam 34:12

Ni taa kpaan binib ngbaan chee ki ŋa kimɔbaan; ba pu? ni yaa ŋa kina kan, ni ga cha ni yenn.

Nkahm 33:52

ni pɔɔn nibaa ki jenn nyan binib bimɔk bi kitiŋ ngbaan ni na. Ni bii baah di ŋitakpal ni tikur ŋa baawaa ŋi na, ni ŋiwaa ngbaan aah si nin chee na mɔmɔk.

Ikaal 20:16

“Nidindaan Uwumbɔr aah joo kitiŋ ki u di tii nimi na, ni yaa nyaŋ ki gaa baatim kan, ni ku unii mɔmɔk.

Josua 11:19

Kitiŋ ki aanib nan kpaan Israel yaab chee kimɔbaan na le nan ye Gibeonn yaab, bi ye Hif aanibol aanib na. Bi mɔmɔk gur na nan bee butɔb ngbaan ni a.

Josua 9:1

Jɔɔdann aamɔɔl aawilir wɔb aabɔrb mɔmɔk nan ŋun Israel yaab aah nyaŋni baadim pu na. Bibɔrb bi nan ka ŋigongon pu, ni ŋigongon aataab, ni bi ka kpak Kaasisik ni Aanyusakpem, ki ti saa ŋŋangan wɔb, Lebanonn aatiŋ ni na; bibɔrb ngbaan nan ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab aabɔrb la.

Bibɔjirb 2:2

Ni taa puu tipuur tibaa tii binib bi koo kitiŋ kee ponn ni na. Ni ber baawaa aatork aabimbin.’ Le ni yii, kaa ŋa maah tuk nimi pu na. Maah tuk nimi ke ni taa ŋa pu na le ni tee ŋa.

Bibɔjirb 3:3

Filistia aatim muŋmu, ni Kanaann yaab mɔmɔk, ni Saidonn yaab, ni Hif yaab bi nan koo Lebanonn Aajoo ni, ki nyan Baal Hemonn Aajool chee ki ti saa Hamaf aasan chee na, gaar kitiŋ ngbaan pu.