Josua 9:4 - Uwumbɔr aagbaŋ

⁴ le bi dakl baah ga ŋmann Josua pu na. Bi ban tijikaar ki di tun baabon, ki joo bɔtɔchar, ni ndaan aaloor char,

Josua 9:4 Iomraidhean Croise

Mpiin 34:13

Sekem aah nan jinn Daina inimɔɔn pu na, le Jakob aajapɔtiib nan ŋmann Sekem ni ute Hamor,

Ilahn 119:83

Maa ki bi tibɔr tibaa ni, ke lidabuul li kpa nween na la; tɔ, m mu aa tee suln saakaal bɔr.

Matiu 10:16

“M ga tun nimi, ni ti moon Uwumbɔr aabɔr. Ni ga li bi ke ipiih i bi ŋisapol aakaasisik ni na la. Ni li kpa nlan ke iwaa aah kpa nlan pu na, ki li bi suuna ke ŋinanjel aah bi pu na.

Matiu 9:17

Ubaa mu aan di ndawiin ki di ŋa kilookpok ponn ni. U yaa ŋa kina kan, kilook ngbaan ga puu, ki bii. Ndaan mu ga kpir. Bi ga di ndawiin ki di ŋa kiloopɔŋ ni la. Le ndaan aan kpir. Kilook ngbaan mu aan bii.”

Tibɔnyaan ti Mak ŋmee ti na 2:22

Ubaa mu aan di ndawiin, ki di ŋa kilookpok ponn ni. U yaa ŋa kina kan, kilookpok na ga puu, ki bii. Ndaan na mu ga kpir. Bi ga di ndawiin ki di ŋa kiloopɔŋ ni la.”

Tibɔnyaan ti Luk ŋmee ti na 16:8

Tɔ, ututunn u kaa ŋan na aadindaan aah ŋun ni pu na, le u pak u, ke waah ŋa pu na, u kpa nlan la. Naatataa le ye ke dulnyaa wee aanib kpa nlan baabɔr ni ki jer Uwumbɔr aanib aah kpa pu na.

Josua 9:12

Lik timi aaboroboro aah ŋa pu na. Buyoonn ti nan nyan ni tido ki choo na, u nan laa ton la. Lik man, u kuur ki wuun a.

Josua 9:13

Buyoonn ti nan ban ndaan ŋa tiloor timina ponn ni na, ti nan ye tipɔnn la. Lik man, ti kpokr ki cheer a. Le nsan aah daa sakpen pu na, timi aawanpeenkaan ni ŋinaatak kpokr ki char a.”

Josua 9:3

Tɔ, Gibeonn yaab, bi nan ye Hif aanibol na nan ŋun Josua aah nan ŋa Jeriko aatiŋ, ni Ai aatiŋ yaab pu na,

Josua 9:5

le ki di tiwanchar peen, ki taŋ ŋinaatak ŋi keei aan bi tur ŋi na. Baah nan joo boroboro u na nan kuur ki wuun a.